D’ Kinnigin Asteroid vun Lëtzebuerg,

Ass dat do den Péckvillchen?

Ma nee dat ass dem LISA saïn Pegasus,

ënnerwee op den Asteroid 2013 TX68.

Photo: Luxembourg Space Command

D’ Kinnigin Asteroid vun Lëtzebuerg

Lëtzebuerg ass nëmmen sou laang an esou breet,

Mee elo geet et an d’ Héicht, sou héich et nëmmen geet!

Mir strecken eis elo aus duerch d’ ganz Mëllechstrooss,

An d’ Lëtzebuerger ginn endlech bei d’ LISA gelooss.

D’ LISA, d’ Luxembourg Inter-Stellar Agency,

D’ nei Agence déi fir eis schafft an der Galaxie.

Lëtzebuerg gëtt op eemol dräidimensional,

An d’ Auslänner domat eist Buedem Personal.

Den Roude Léiw spreet sech duerch d’ ganz Constellatioun,

An duerfir änneren mer eis Constitutioun,

Eisen Territoire geet bis bei d’ Kometen,

An eis al Porschen ginn ersat mat Rakéiten.

Sinn mer dann vun allen gudden Geeschter verlooss!?

T’ ginn Leit déi soen, “wat man mer an der Mëllechstrooss?”

An dann nach epps, wat dat jo nit alles kascht!

Mir hunn eis lo grad nach fir den Klima gebascht!

Den Péckvillchen seet, “Ech mengen leet den Kapp a Rou,

Zu Arel op der Knippchen sinn déi Weiber frou,

An d’ Candice hat dës Kéier näischt dermat ze dinn.

Dann kann et jo bal sécher een Succès ginn?”

Mir dinn déi blo Schipp an d’ Kap mam Stuerz erëm un,

A fort e geet op dem Saturn seng Keelebunn.

Mir suckelen an gruewen dann un den Himmels Kierper,

Souguer den Bommeleeër mécht Feierwierker.

T’ gëtt gesprengt wéi  fréier an den Galerien,

Bei Space Wars stinn se op den viischten Dieren,

Mir sichen iwwerall no Metall fir den Mittal,

Sot den Roude Le’iw: “T’ ass sech der la Mine am Weltall”.

An esou wudderen mer am Universum,

Mer fannen Gold, Platin an Gramegnium,

An alles wat op dem Mendelieff senger Tafel steet!

Mir schwammen am Geld an an der Gléck Séilegkeet. 

Fir den Ausseminister ass d’ Ausland lo kleng,

Mee am Weltall sinn mer awer nit eleng.

Do kennt den Einstein wéi een Blëtz geflunn,

An den Bausch mat sengem Blëtz knipst hannendrun. 

Den Braz sëtzt um Saint Ex sengem Planéitchen,

“Fiisschen” seet en, “mol mer een Scheefchen”,      

Den Han Solo-Schneider vun eisem Space Command,

Liest dem Luke Skywalker saïn Buch vun der Deutsche Bank.

Den Bettel setzt am léifsten op sengem Komet,

Mam Schal am Hals, en päift duerch d’ Loft a fort e geet,

Fir d’ nächst Carrière am Raum/Zäit, no beim schwaarzen Lach,

Do wou den Juncker sëtzt, an dien fëmmt och nach.

Op den Mound kennt eis Haaptstad als Regierungssëtz,

Do uewen do stéieren déi eis nit eng Grëtz.

An t’ ass besser fir d’ Séparatioun vun Kirch an Staat.

Obschonn den Bëschof seet, den Mound wär een Dekanat.

Lo wësst Dir dass den Mann am Mound Lëtzebuerger ass!

Mee fir richteg, eng Fra aus dem Sennenger Schlass.

Kuckt, d’ Fra am Mound lacht sou schéin an den Android,

All Vollmound ass d’ Corinne d’ Kinnigin Asteroid.

Carrière ouverte am Bistum

Ass dat do den Péckvillchen? 

Ma nee, dat ass een Adler, 

nom Changement d’ Administration. 

Photo: St. ET

Carrière ouverte am Bistum

Mir sinn frou, well t’ gouf keng Trennung vun Kirch an Staat,

Den Péckvillchen hat sech jo nit an den Kapp gesat,

An senger Carrière och nach Weibëschof ze ginn,

Ouni awer duerfir Paschtouer mussen ze sinn.

Abbé, dat geet vun elo un wéi der gesitt,

Den Frieden huet dem Generalvikar seng Plaz kritt,

An well Luc an Ern d’ selwecht Mooss am Kolli hunn,

Deet den Luc einfach dem Erny seng Soutane un.

Well Spueren ass keen Muttwëll laut der Deutsche Bank,

Do sinn d’ Banquieren nëmmen nach Haut a Schank!

Dem Katar seng sechs Milliarden klaken do d’ Pan,

T’ géif méi bëlleg fir den ganzen Buttek zou ze man.

Duerfir huet den Luc eent schwéiert Buch schreiwen gelooss,

Mat schwéieren Wierder, fir an d’ Gaasperecher Strooss.

Dat Changement an d’ Wisen ass ethesch an der Rei,

Dat eenzegt wat changéiert ass nëmmen d’ Gezei.

Am Wort sinn jo bekanntlech gutt Journalisten,

Mee uewen kommen lo kataresch Salafisten,

Well den Luc den St Paul un d’ Scheichen verkeeft,

Mee t’ ass nach Beichtgeheimnis, wéini dat do leeft.

An domat ass d’ Fusioun vun Kirch an Staat komplett,

Wéi den Luke dat wëll, an den Erny et gären hätt.

Nom Gottfried Hurra sengem kanouneschen Recht,

Ass hien deen aus dem goellenen Kaefeg brecht.

Mee am Chrëschtlech-katareschen Suen Veräin,

Schëdden se schonn all Waasser an hiren Wäin!

“Jo, jo, nee, dach den Luc Premier, formidabel!”

Mee heemlech wënschen se, hien géing bei der Babel.

Léiwer d’ Melusina an der Këscht, wéi den Rohani op der schwaarzer Lëscht!

Ass dat do den Péckvillchen?

Nee, mee et ass saïn neien Iraneschen Frënd.

Photo ET

Léiwer d’ Melusina an der Këscht, wéi den Rohani op der schwaarzer Lëscht!

Nuets, heemlech an der Däischtert mat den Aen verbonn,

Koum den Rohani vun Paräis, zu spéider Stonn.

Hien wollt just bei Clearstream no den Konten kucken,

Ouni op d’ plakeg Melusina ze balucken.

Den Bettel sot hien géif der Plakeger een Schal,

Mee dat oder eng Drëpp war dem Rohani egal,

An dann wollt hien nach seng nei Milliarden gesinn,

An frot op et nach Cargolux Zigaretten ginn.

Lo setzen mer d’ kataresch Banken virun d’ Dir,

D’ BIL gëtt Bank Melli, mer war’n ëmmer derfir!

An dann gëtt Hezbollah mol richteg ënnerstëtzt,

Nit wéi den Katar dien zu Gaza um Hamas sëtzt.

Mat Lëtzebuerg ass bis lo alles gutt gelaf,

Den Jang war souguer op dem Khomeini saïn Graf,

D’ Aennchen mam Mars huet sou modeste den Wuel gedron,

Dass mir elo kënnen no Kéip Pistachen froen.

Den Luc Frieden am Interview mam Péckvillchen.

Ass dat do den Péckvillchen? 

Ech fäerten eppes do ze soen. Photo ET

Den Luc Frieden am Interview mam Péckvillchen.

Den Luc huet een Buch, “Mein Kapital” geschriwwen,

Den Péckvillchen sot, “do ass näischt iwwerdriwwen,

Wann den Luc wëll d’ Promotioun vun deem Wierk hei man,

Reng ethesch gesinn sinn do keng Virwërf dran!”

“Jawoll!” sot den Luc, “Ech hunn dat laang iwwerluecht,

Fir do nee ze soen hunn Ech net fäerdeg bruecht.

Ech sinn frou den Péckvillchen hei ze besichen,

An d’ Redaktioun ze gesinn, an och seng Kichen.”

“Här Chairman, ‘Mein Kapital’ schwëtzt iwwert d’ Kuelen,

Am Wiseler den wëllen Wieler wechzehuelen.

Dir sot Europa bräicht elo fënnef Nullen,

Wann nit, dann wär et geschwënn eng Kaz fir d’ Vullen?”

“Jawoll, domat huet den Péckvillchen alt rëm Recht,

Den Lëtzebuerger ouni mech geet et ganz schlecht.

D’ Land brauch eisen Catareschen Suen Veräin,

An awer och d’ Deutsche Bank, soss spuert jo keen Schwäin.”

“Am Katar soen se wou ass d’ Oppositioun?

Déi kënnen jo näischt, Du muss rëm zréck an Aktioun!

T’ heescht zwar: Mir mussen déi knaschteg Aarbecht maachen,

“Mein Kapital” ze schreiwen war och nit fir ze laachen.”

“Als Premier huelen Ech awer och d’ Finanzen,

An bestëmmt ginn et der dann do déi granzen,

Duerfir huelen Ech och d’ Justiz an d’ Polizei,

An direkt den Paragraph vierunddreissig Strich zwéi!”

“Här Minister, wat soen Ech, Är Exzellenz,

Als Premier verdeelt Dir bestëmmt och mat der Strenz,

Den Péckvillchen seet jo, mer kënnen nit léien!

Kann hien dann trotzdem Pressen Hëllef kréien?”

Lëtzebuerger Brauereien protestéieren beim Bistum.

Ass dat den Peckvillchen? 
Nee, een Anhinga “Ite, missa est”. Photo ET/

Lëtzebuerger Brauereien protestéieren beim Bistum.

Dem Äerzbëschof steet geschwënn een Weibëschof zur Säit,

Déi Nouvelle huet eis Brauereien vill gehait!

Se soen t’ wär eng oppen Diskriminatioun,

D’ Trennung vum Béier a Wäin kritt eng Petitioun.

Ee Gléck, den Xav dien dat alles jo muss seenen,

Huet Pressen Attachéeën, an een vun deenen,

Gëtt dann einfach mol zum Béierbëschof geweiht,
Dann ass och keng Brauerei méi déi Steng geheit.

Dem Péckvillchen seng Neijoschried

Ass dat do den Péckvillchen? 

Ma dat wär jo awer gelaacht! Photo ET

Dem Péckvillchen seng Neijoschried

Well den McKinsey jo keen Lëtzebuergesch kann,

Huet den Péckvillchen seng Ried mussen selwer man.

Eng gutt Geleeënheet fir vill Geld ze spueren

An domat mam Maggy an d’ Vakanz ze fueren. 

An hei ass déi Ried, mam Juncker senger Gänsefieder geschriwwen:

Léif Lëtzebuerger, léif Portugisen, léif Fransousen,

Léif Belsch an och Preisen, an nit ze vergiessen:

اللاجئين الحب ,

Léif auslännesch Persounen wann dir eis Welt Sprooch verstitt.

Also als Staatsminister vum Lëtzebuerger Staat,

Sinn Ech frou well mir hunn jo näischt futti gemat.

D’ Leit soen jo ëmmer “Wien näischt mécht, dien näischt brécht”

An dat ass an eisem DNA ugepecht.

T’ éischt soen mer riicht eraus an näischt derniewent,

Wéi frou mer sinn an engem frouen Land ze liewen.

Well déi frou auslännesch Persounen dat selwer soen,

Kann Ech mam Juncker do voll derhannert stoen.

Obschonn, an do kann een anerer Meenung sinn,

Gëtt et jo kaum eppes wou mer eis nit verstinn.

An dat ass jo sou formidabel ze gesinn,

An ze héieren, frot Dir no allen Säi-äiten hin.

Dir an Ech wëllen jo an kengem Land liewen,

Wou een un alles sou schwéier muss hiewen.

Et muss eemol gesot ginn, dann ass et gesot,

Am léifsten hunn mer d’ Dauwen schéin fäerdeg gebrod.

Ënnert eis gesot, an mir liewen nach all dovun,

Well mer d’ Steierparadies ëmgekrempelt hunn,

Ass et eis egal wat se déi Säit der Musel man,

Eis Flüchtlingen hunn Suen déi Säit dem Ozean.  

T' kann een sech selbstverständlech och mol do bekloen,

Mee eis Spuerkeess léisst do keng Milliarden stoen.

A wann eng Brems gebraucht gëtt kennt den Felax Briz,

Dien bremst dann fest als Minister vun der Justiz.

Léif Lëtzebuerger and déi, déi et wëllen ginn,

An wann s’ et sinn, och bleiwen wëllen wat se sinn.

An duerfir wënschen Ech Iech vill Neit Joer am Gléck,

An vill Freed bei der Lektür vum Villchen Péck!

Wann d’ Maggy zréck bei d’ Maus Ketty geet

Ass dat do den Péckvillchen? Ma nee, dat ass een Nol!

Photo ET/Mudam

Wann d’ Maggy zréck bei d’ Maus Ketty geet 

Schonn eng gutt Zäit soen d‘ Munnerefer Läit,

Dass eist Maggy geschwënn seng Kromm an d’ Heck gehait.

Hat wär jo bestëmmt nit vum Delles gebass,

An hat wär jo dat nit néideg, all dien Beschass!

Käpp mat Neel ze man, dat wär d’ Regierung amgaang,

D’ Maggy huet saïn Job beim Schleck saïn Vëlo gehaang.

Mee virdrun huet et nach séier een Scheck geschéckt,

Fir dass den Mudam eis weider d’ näächst Joer begléckt.

Mir aner Kulturschaffend sinn doudonglécklech,

HBO, Katar, Péckvillchen trëfft dat schrecklech!

Mir setzen do zu Weiler um Fierkel ze knabberen,

“Wir wollen unsre Maggy Nagel wiederhab’n!”