Maybolli 12, hors série et hors séquence

L’actualité pressante nous oblige à ce petit encart dans la suite chronologique de Maybolli.

De Juncker huet an der Vakanz alt nogeduecht,
An hien huet et op ee puer Konklusioune bruecht.
“Zu Lëtzebuerg soen déi Jonk Ech wär ee Bopa,
Am beschten fir mech wär, Ech géing op Europa.”

“Wéi Der wësst, Ech hunn just ee Problem an dat ass,
Mam Sarkozy a Merkel hunn Ech et verschass.
Der wësst, Bankgeheimnis hin, Bankgeheimnis hier,
Ech sinn elo dergéint, virdrun war Ech derfir.”

“D’ lescht fënnef Joer war Europa mer ze sauer.
Vun elo un leet dien hei sech schéin op d’ Lauer.
Hoffentlech halen Sarkozy a Merkel op mat krichen.
An dann, hei elei, dann kommen d’ Leit mech sichen.”

Den Asselborn, Frieden an zwéin anerer bieden,
De Willibrord soll séi an Irland vertrieden.
De Bolli sot: “ Ech hätt nawell gär,
Wann den Thiels Louss Justizminister wär.”

Leif Leit Dir frot Iech, wuer geet dat alles hin?
Wann mir vun haut op mar all Weesekanner sinn!
Wann elo alles sech aus dem Stëbs mécht,
Well déi schéinen secret bancaire zesumme brécht.

Maybolli 11

Maybolli ginn op Esch fir eng Autorisatioun fir ee Restaurant Toscana by Bice op ze man.

“Freck Bolli” sot de May, “deng Porsch dat ass keng Kutsch!
Nach knapps eng Minutt, a mer sinn beim Lydie Mutsch.
An Du wäerts gesinn, eis Visite ass nit fir d’ Katz.
Den Owend steet Toscana flang op der Brill Platz.”

Op d’ Weis vum tradiralalala,
Op d’ Weis vum tradiralalala,
Op d’ Weis vum tradiridiralalala!

« Meng Scheffen stinn derhannert, well séi stinn derfir, »
Sot d’ Lydie, « an d’ Gemeng kiert och vrun Ärer Dir.
D’ Escher Gemeng ass nit nëmmen do fir déi Kleng,
D’ Escher Gemeng ass och do fir déi vill méi Reng.»

Op d’ Weis vum tradiralalala,
Op d’ Weis vum tradiralalala,
Op d’ Weis vum tradiridiralalala!

Um Brill hei schielen mer nit laang un enger Bier.
Ei, Kaviar, keen ass dergéint all sinn derfir.
Fir ze feieren gëtt nach a gudden geholl.
Natierlech an de Moossen, keen hat de Bitz voll.

Op d’ Weis vum tradiralalala,
Op d’ Weis vum tradiralalala,
Op d’ Weis vum tradiridiralalala!

“Fir oafzeschléissen wënschen mer Iech ee gudden Rutsch,
Mir freeën eis schonn op d’ Ouverture,” sot d’ Lydie Mutsch.
Mir danken sot de May, mir man eis lo dervun.
A schonn rosen déi zwéin op der Escher Autobunn.

Op d’ Weis vum tradiralalala,
Op d’ Weis vum tradiralalala,
Op d’ Weis vum tradiridiralalala!

“Freck Bolli,” sot de May, “Du hëls d’ Strooss am Zickzack.”
“Keng Suerg,” sot de Bolli, “eng Porsch ass staark am Lack.”
Do fueren lo déi zwéin, keng Luucht an näischt an d’ Nuecht.
Séi laachen sech an d’ Fäischtchen, wien hätt dat geduecht?

Op d’ Weis vum tradiralalala,
Op d’ Weis vum tradiralalala,
Op d’ Weis vum tradiridiralalala!

Maybolli 10

Maybolli engagéiert Familienservice an dann geheien s’ en eraus.

De Bolli sot, “wann ee gär Crèchen baut,
Brauch een Hëllef vum Ursula, dat schlaut.
Ech kennen do eng Däitsch Firma,
Vun der Frau Dr Erler Ursula.”
Heidi heidi heida hahahaha

D’Frau Erler sot, an den Toun war streng,
“Déi zwéin do kréien Ech och nach kleng.
Ënnerschreift um Strich a maacht kee Blabla
Und übermorjen früh is d’Frau Lotz schon da.”
Heidi heidi heida hahahaha

Hei kënnt d’Frau Lotz och schonn u gewänzelt,
Maybolli hunn sech bei der Damm gemellt:
“Dr Bolli fir Doudangscht an Rheuma,
Dr May Spezialist fir Panama.”
Heidi heidi heida hahahaha

“Ach Dr Dr daat is alles fein,
Bis op epps, han bloss kee Führerschein.”
Du sot de May “was machen wir denn da?
Dat kann nit fueren, d’ mengt een t’ wier meng Boma.”
Heidi heidi heida hahahaha

De Bolli sot, “ da muss Ech se feieren,
Da kann s’ alt lues selwer fueren leieren.”
An der Porsch sengt d’Lotzen tralala,
De Bolli, ma cabane au Canada.
Heidi heidi heida hahahaha

Woch aus Woch an gëtt d’Lotzen kutschéiert,
Awer séi huet nie fueren geléiert,
Déi éischt Crèche goung op als Villa Rosa,
De Propriétaire war iergendeen a Panama.
Heidi heidi heida hahahaha

Bei d’Villa Rosa kënnt gréng a giel derbäi,
“Eng Crèche bezilt de Loyer,” sot de May,
An drénkt siwen Café Macchiata,
A mécht och soss séin alen Theater.
Heidi heidi heida hahahaha

“Dee Loyer ass ze héich” sot do d’Lotzen,
De May gëtt queesch, a fänkt un ze motzen.
“Wat geet déi do mer op d’ Schlappen, déi Fra,
Déi kritt lo d’Unternehmen Barbarossa.”
Heidi heidi heida hahahaha

“Déi Fra muss fléien,” sot de May,
“De Riichter gëtt hier nach vläicht zwéi Méint Pei.”
De Bolli sot, “dat doten geet an d ‘A,
Und wie sag Ich’s meiner Ursula?”
Heidi heidi heida hahahaha

Zwee Joer duerno geet d’Lotzen du lass,
An huet souguer den Egide beschass.
Séi zitt hien mat den zwéin duerch de Kaka,
Den Egide sot, “wat eng eekeleg Tatta.”
Heidi heidi heida hahahaha

Léif Leit gesitt Dir eemol dat Lotzen,
Kënnt Dir vum Egide dat gutt verbotzen.
D’ Moral vun der Geschicht: t’ reimt näischt mat A,
Sou gutt wéi heidi heida hahaha,
Heidi heidi heida hahahaha