Gay Mat an Bleift Doheem!

 

Gay Mat an Bleift Doheem!

 

Den Péckvillchen ass alt een bësschen verkuerbelt,

Well en huet mat enger Invitatioun gestruewelt.

Gay Mat sot d’ Invitatioun fir op eng Parad,

Mee lo huet d’ Regierung een Strich duerch d’ Saach gemat.

 

Sie ass elo géint Gay Mat, Sie seet bleift doheem.

Dat hin an hier dreift eis nach geschwënn all op d’ Beem.

Et kann een doheem och keen Masken Bal feieren,

Et ass jo verbueden fir sech ze verschleieren!

Bärbelendag an der Gemeng Biekerech

D' Barbarakritt en Spillschoul,
an de'i Schwarz hunn naischt do ze sichen 

Bärbelendag an der Gemeng Biekerech

 

Mat gemächlechem Schrëtt trëppelt den Fieschter duerch säin Revéier,

D’ Béchs op der Schëller, an der Hand den Ëmwelt Brevéier.

Um Millewee erwëscht et hien dunn, do gouf en schéin erféiert,

Do hat jo nit een*t dien schéinen Bongert massakréiert!

 

“Hellegen Job vum Kuelebierg, wien war dien Ëmwelt Terrorist?”

Een Vëlo schellt, “ma sicht net weit” sot do deen eeleren Cyclist.

“Alt erëm Israel, wéi dachs muss Ech dat nach soen” sot den Pätter,

“Ma dann sidd Dir Zeien” sot den Fieschter, “een Ëmwelt Retter”.

 

“Kuck  Der dat mol un, do stoungen Äppel an Quetschebeem,

Mär waren all esou houfreg do drop an eisem Gaard an Heem.

Do waren Fräschen, eng Ëchel, een Fuuss an eng schwaarz Märel,

Wat eng Schan, Ech packen mech nit, Ech fannen schonn dien Kärel!”

 

“Dien Kärel, dat sinn Ech,” huet dunn eng douce Stëmmchen gesot.

“Ech sinn d’ Spillschoulsjoffer, an Ech hunn mech genau ëmfrot,

Ech hunn nämlech eent Déckt an der Hand fir bei d’ Mëllesch,

Well hat sot sie hätt gesot sie wär him nach eng schëlleg.”

 

“Aha, Ech verstinn, sou leeft dat,” huet dunn den Bop um Vëlo gesot.

“Dien Fieschter do huet Famill an Israel wann Dir mech frot!

Mat der Impakt Etude kéiert hien hei déi ganz Welt op d’ Kopp,

Tjö, Merde alors, wéint esou engem topegen Biotop?”

 

 

“T ’ass dach wouer,” huet d’ Mëlleschfra sech dunn dra gemëscht,

“Hei sinn d’ Froen mat den Äntwerten, just ënnerschreif d’ ganz Löscht.

Dann ass alles wéi ëmmer an der Rei, an domat alles gehat,

Dann kréint keen Iesel méi no dem Hueweler Habitat.”

 

“Ah bravo fir der Madame Minister hir verkierzten Prozedur,

Dien hei wär nawell iwwert d’ Kräizerbuch zréck op Stengefort gefuer.

Mee wann se uewen um Bierg testen soen se nach Ech hätt gefuddelt,

Ech huelen och léiwer den kuerzen Wee duerch den Hueweler Tunnel.”

 

An geschwënn gëtt déi nei Crèche Pimpampelchen inauguréiert,

D’ Atombommen Milly an de Mann mam Pitschelchen sinn invitéiert,

D’ Ministeren*innen hunn direkt 50 Plazen an der Crèche reservéiert.

A dach, déi ginn dann vun elo un all Joer budgetiséiert.

 

Et gëtt Äppelbrot an Quetscheflued nach aus dem Bongert,

An Judd mat Gaardebounen fir dass nëmmen keen erhéngert!

Ei Kaviar sot den Mann dien war erëm mam Vëlo do,

Dees huelen Ech mat heem, well den Kaviar schauert den Mo!

 

Vum Mëlleschbur aus lauschteren Fieschter an Fiisschen no,

Am Pimpampelchen do sangen lo déi Rout, déi Gréng an déi Blo:

Im Wald und auf der Heide, Amsel, Drossel Fink u-und Star.

“O Aarmut” sot den Fieschter déi retten keng Fauna a Flora, mee d’ Barbara,    

De Jang war beim Freud wéint enger Röschütt

Ass dat do den Peckvillchen?

De Jang war beim Freud wéint enger Röschütt

D’ lescht Joer zu Wien, Dir erënnert Iech dat nach,

Hat den Jang dem Freud Therapies Stonnen versprach.

Hien gouf dunn vun der Madame Doktor Kopeinig gepéngegt, (1)

Well en hätt jo mat “Tjö, Merde Alors” gesëndegt.

Den Jang hat deemools dat Blot vun der Donau geflucht,

An elo eng Röschütt! Hien ass beim Dr Freud gebucht.

Wéi deemools stinn d’ Tierken schonn rëm virun Wien,

De Jang krut et un sech wéi d’ lescht an Cisjordanien.

“Ou! Jang Du bass dach soss nit eleng, wou sinn déi aner?”

Sot den Freud vun uewen op sengem Lipizzaner.

“Ja, ja, heuer reise Ich just mit méin Reisebengel”

“Und Ich komme just elo von Konstantinopel”.

“Ech war dohin kucken wéint der Hagia Sophia,

An dunn op Wien fir meng Hagiografie vum Margaretha.”

“Mmhm”, sot dunn de Freud, “schwëtz roueg virun,

Ziel mer all deng Gefiller schéin vun Ufank un.”

“T’ geet un mam Moses an Israel wann Dir mech frot.”

“Ech kennen meng Geschicht” huet dunn den Freud gesot.

“Ziel mer vun dengen Kanner Joeren zu Stengefort,

Vum Ausseminister an dem Lëtzebuerger Wort”.

“Schonn fréi hunn Ech an der Bibel iwwert Israel geléiert,

Den Paschtouer sot déi hunn dat ganzt Hellegt Land annexéiert,

Sou gouf eis all als Kanner schonn de freien Geescht jo ginn,

Ech hunn dien mat mer geschleeft bis an d’ UNO hin.”

“Wéi Ech am leschten Joerhonnert Ausseminister gouf,

Do war den Khomeini grad nach een klengen Bouf.

Deemools waren wéinstens nach d’ Grenzen op.

Haut kann een nach just bis op Nennig op d’ Kopp.”

“Amplaz dem Ventoux ginn Ech an den Habschter Bierg,

Dann vläicht nach een Tour em d’ Sëller Kierch.

Meng Flüchtlingen muss Ech am Katalog bestellen,

Mee et sinn nëmmen Kanner mat Bäert déi sech mellen.”

“Souguer den Xav dien hätt den Kattors J

Mam Macron d’ Parad gekuckt mat den Legionären,

Wéi se am Schiertech d’ Champs Elysees era kommen,

Mam Sousaphon, v’là du boudin an mat den Trommen.”

“O Dokter een Ausseminister dien muss dobannen bleiwen,

Dat ass eng Schmoot déi ass guer nit ze beschreiwen.

An dann kennt dat Paulette an den Sondagen vun hannen,

An iwwerhëlt mech och nach, wéi den Jang de Blannen!”

“Nit genuch domat, Ech ginn rosen wéi eng Bei,

Wann Ech Zollidaritéit gesinn mat der Regierung hei.

Wir anderen in Luxemburg wëllen zwar bleiwen wat mir sinn.

Mee Ech hätt gär dass d’ Éisterräicher wéi d’ Lëtzebuerger ginn.”

“Mir mussen do awer weider drun schaffen” huet dunn den Freud gesot,

“Am beschten wann d’ Grenzen rëm op sinn wann Dir mech frot.

Dat méich 250 Euro, mee Ech hunn kuerz mam Kurz geschwat,

Dien sot dat kascht hien just den Euro-Gramegna, dann ass déi Saach gehat!”

“Ciö, merda allora” huet dunn den Salvini gesot,

“Ech ginn di Jang an di Gramegna een gudden Rot!

Commento iwwer Austria, Israel, Ungheria ma non troppo,

Soss ginn et der iwwerall an der Welt op den Poppo!”

Doheem am Conseil dien jo vum SREL gelauschtert gëtt,

Sot een “dat geet elo duer mee wien seet him et?”

“Ech kann nit, Ech muss mam Paulette een Briefing ginn,

Et misst een vun senger eegener Partei dat sinn!”

“Dat ass awer e bësschen beschwéiert Ech fäerten,

Een Mann an sengem Alter léist een einfach gewäerden,

Trotz roudem Krounen Virus maachen mer d’ Grenz rëm op,

A fort e geet dann reegt en hei keen méi op.

(1)D‘ Rapporten vun der Therapie ze kafen an allen exzellenten Librairien, an well déi jo zou sinn, einfach bei Amazon.com:https://www.amazon.de/Merde-alors-Asselborn-politische-Biografie/dp/3707607119

Margaretha Kopeinig: Merde alors!