De Péckvillchen krut den CD geknackt!!

Ass dat do den Péckvillchen? Nee, dat ass een Agent 

vum MI6 mat Mikroen ëm d' Aen. Photo: Geheimarchiv ET

De Péckvillchen krut den CD geknackt!!

Mille Nondikass,

Beim Juncker ass epps lass!

Am Juncker seng Haascht kennt de Mille geschlach,

Eng schwéier Guckucks Auer um Arem.

De Mille huet getaascht am däischteren Lach,

T' war schwaarz wei am Däiwel sengem Daarem.

Mille Nondikass,

Dann so mer wien's De bass!

Sou sot den Juncker hannert dem Spigel.

O Meeschter, Ech sinn den Null, Null Dausend:

Alles wat mir hei soen bleift ënner Sigel.

Sot den Mille, seng Paréck voller Krauslen.

Mille Nondikass,

Wann dat dann alt esou ass.

Well den Péckvillchen setzt op der Lauer,

Bis elo hat keen epps an Uecht geholl.

Hien ass den Guckuck an der Guckucksauer

Vun deem den Juncker jo näischt wëssen soll.

Mille Nondikass,

An hei ass den Beschass:

Den Mille seet den  "Duddelutt"(1) hätt epps bruecht,

Een eidelen CD, dien wär zwar voll !

Sie géingen all drun schaffen bis an d' Nuecht,

A keen hätt zënter zwéin Deeg Congé geholl.

Mille Nondikass,

Dem Juncker feelt den Bass.

Den Büro ass méi schwaarz wéi d' CSV,

Jojo, hm, oeh, seet den Juncker, jojo,

An en dämpt dobäi wéi den Kohlenklau,

Ma nee jo  dach, dat kéim jo nit a Fro !

Mille Nondikass,

Et gëtt ëmmer méi krass.

Vun der Kathedral laut et Hallefnuecht,

Eng Dir quiitscht, d' Matahari kennt eran,

Ouni Hari, t' huet just een Dossier bruecht,

Do stinn d' Nimm vun den Bommeleerten dran.

Mille Nondikass,

dat Meedchen do huet Klass.

Den Null, Null, Dausend kennt eppes dervun,

Dat ass eent vum "Duddelutt" aus Thailand.

Jojo, ma nee, dach, sot den Juncker dunn,

Dat Meedchen do dat kann schonn allerhand.

Mille Nondikass

Wann dat doten wouer ass!

Jojo, dach, sou soen Se am Emm Ei Sechs,

Fir eis geet hat manipuléieren,

Null, Null, Dausend, Du denks direkt un Sex,

T' ass awer geheim, do muss een léien!

Mille Nondikass,

Dien CD gëtt zerrass !

T' kritt keen en op, souguer nit mam Hummer.

Jojo, Mm-Hmm, ee richtgen Coffre-fort.

Mir soen einfach t' war eng falsch Nummer,

Du waars jo selwer domadder d' Accord

Mille Nondikass,

Et ass alt wéi et ass.

De Péckvillchen an der Guckucks Auer,

Kann nit méi, vun Laachen pisst en an d' Box

O nee, wat sinn dat do zwéin Schlauer,

Déi verbraddelen nach den Kryptovox.

Mille Nondikass,

Ma kuckt dach wat do drop ass!

Zum engen weess den Jean-Claude dach wat en sot,

Zum aneren steet den Code jo grouss drop:

9IW-O77VH: 3WVS3S, hätt Dir de Péckvillchen dach gefrot!

Dien hätt gesot, ma liest dat op der Kopp!

 (1) "Duddelutt" ass de brouillage vun der BBC am Krich während "Ici Londres, Halt en den Bass".

James Bond 007 an een Halwen

Ass dat do een Péckvillchen? Ma nee, dat ass ee Storch dien no 

enger Schwéier Gebuert am Dreck wullt. Photo ET.

James Bond 007 an een Halwen

Léiwen Jean-Claude lauschter,

Bréng der KPL ee Klauschter.

Hannert dem Bam luusst den Mille,

Hien glëscht Gréngs, no eisem Camille!

D' Auer geet eis op de Wecker,

5 fir 12 sot den Becker.

T' ass voller Niwwel, t' gëtt gelunn,

A wuer ass d' Cargolux geflunn?

Do jäitzen DP an ADR,

"Transparenz am SLER!"

Zu Lëtzebuerg kënnt all James Bond,

Mam beschten Wëllen op den Hond.

Den Jean-Claude zerwéiert Kabes,

Iwwert den Mille an den Abbes.

Stonnelaang an et gëtt keen midd,

Obschonn se soen, "wat dien rëm litt!"

Allo Jean-Marie, Ech kréien elo een iPhone 5 mat iDiwwi !

Ass dat do den Péckvillchen? Nee, eng hondsgewéinlech Bréif 

Dauf, och nach iPhone 1 genannt. Photo ET

iPhone ass iPhone, mee d' Kett ass just d' Kett,

Dien hei geet léiwer mam iPhone an d' Bett.

Dien neitsten Modell ass formidabel,

Mäin huet den iDiwwi ouni Kabel.

Jean-Marie, Du verstees jo epps vun Apps,

Mat iDiwwi verléiers Du keng Drëps,

Wanns Du dreems an Du hues keen Block bei hand,

Fir matzeschreiwen, mat an ouni Rand.

iDiwwi sinn Sensoren am Pillem,

Hues De keng Schreif, dann ass dat nit sou schlëmm,

Den iDiwwi hëlt op, am Toun a Bild,

A spéider gëtt alles erëm zréck gespillt.

Huel emol un, Du schells bei mir am Kapp,

Dat bréngt mäin iDiwwi direkt op Trapp,

Mäin Printer schreift och mat an pdf,

Mäin DVR hëlt eis op um teleph.

iDiwwi speichert och alles am Cloud,

Do ass keen Cloudchen dien der dat klaut.

Do kënnt keen drun esouguer keen Hacker,

An ouni Kabel brauch een keen Stecker.

T' geet och alles direkt op d' Schreifmaschinn,

Da kanns De der Police eng Kopie ginn

Den iDiwwi ass een Dram vun Geschir

Kaf een, Du hues jo een Budget duerfir.

Den Yves gonnt dem Cam keen Beki!

Ass dat do een Péckvillchen? Ma nee, et ass een Anhinga, tenant en son bec een Bekileck. 

Photo ET

Den Yves gonnt dem Cam keen Beki!

Text am originellen Biekericher.

Dem Camille seng Beki Iddi war knapps gebuer,

Schonn granzt den Yves den Beki hätt neescht hei verluer.

Hien seet "den Beki verstéisst géint all Regelmäent,

Ech laachen mech freckt, wann der d' Fangeren verbrennt."

"Ech an d' Zentralbank kennen nëmmen den Euro.

Däer wësst dach, zu Fraunkfert, do setzen Ech jo,

Fir dat gaunzt Geschir iewer Waasser ze halen,

Dann kommen déi do Ees mam Beki  iewerfaalen."

"Den Euro gaunz eleng ersetzt den Sou mam Lach.

Den Beki nieft dem Euro ass neescht am Verglach!

Et kaun äen en nemmen am Kauntoun gebroochen,

Mee am Rescht vum Laund waert en Iech d' Haund verstoochen."

"Et duurf nit sinn dass d' Leit den Beki léiwer hunn,

An dass den Euro besser wier, dat wier gelunn.

An gëtt äen boost dem Kauntoun mam Beki erwëscht,

Dann ginn déi beschlagnahmt an t' gäet direkt an d' Këscht."

Camille, géi schwëtz mat dem Aareler Laund a Sprooch,

Déi woulten  jo ëmmer schonn bei den Groussherzog.

Zu Diddeburg gäet käen den Beki verbidden.

De'i hunn genuch ënnert dem Euro gelidden.

An zu Arel op der Knippchen sinn se dann frou,

Déi kafen Ees eng Kou an äen Kauleff derzou.

Mam Beki ass zu Arel bestëmmt gutt kafen,

Da brooch och käen méi op Lëtzebuerg ze lafen.

Wéi grouss muss een eigentlech sinn, fir Haut Commissaire ze ginn?

Ass dat do een Péckvillchen? Ma nee, dat ass den Haut 

Commissaire Ardea Herodias. Photo ET

Wësst Dir iwwerhaapt wéi grouss een muss sinn,

Wann een Haut Commissaire zu Lëtzebuerg wëllt ginn?

Fir Commissaire geet een Meter siwwenzeg duer,

Fir Haut Commissaire feelen der dann awer puer.

Ass een ze kuerz, dann muss déi Saach anescht lafen,

Et kann een sech keng extra Zentimeteren kafen,

Mee wann den Papp een Meter achtzeg war,

Dann ass dat gutt fir säin Jong, wëll den Papp et jo war.

Trotzdem, an der Zäit war d'Protection Nationale fir Kollllonellllen,

Dat ass deen Arméisgrad mat den villen Ellen.

No den Hären Welfring, Lenz an Bombardellllla ,

Huelt dach einfach den Ries (1) erëm aus dem Keller.

Den Ries ass wéi de Numm et seet grad grouss genuch,

Lued hin an, gitt Iech eens iwwer Kaffi a Kuch,

Hien wär een groussen Commissaire, wéi den de Gaulle,

An dann gitt Dir hin an maacht hien och Generol.

Wann Dir awer um Papp sengem Jong insistéiert,

well den Kollllonellll Ries d' Leit zevill stéiert,

Dann suergt awer fir dat de Jong een Képi kritt,

Fir dat hien awer prett ass, wann eppes geschitt.

(1) http://peckvillchen.blogspot.com/2011/01/eng-kolonn-colonellen.html

Alles wat schief hängt, hängt zesummen

Ass dat do den Péckvillchen? Nee, dat ass een Gréngen Heron 

dien an den Seeler hängt. Photo: ET St. Petersburg.

Wéi Dir schonn wësst, den Péckvillchen kann reimen,

Ouni ze vill Effort an ouni ze keimen

An grad esou gär hëlleft hien fir dem Reimen,

Bei Cargolux säin Remplacement ze timen.

Et wär elo d' Zäit fir epps rëm gutt ze maachen,

An dat ass dem Péckvillchen nit fir ze laachen.

Hien wollt nämlech den Finck als Chef bei der Luxair,

An d' Plaz kruten mer dunn awer den HelmingAir.

T' ass kloer dien Finck versteet eppes vum Fléien.

An dann geet et duer  d' Gewerkschaft ze beléien.

Mam Qatar géing hien Boeing Dream Liners kafen.

Dien Dram vun Kandidat bréngt d' Saach rëm un d' Lafen.

An den Qatar keeft zweehonnert Leoparden (1),

Ob d' Schlecks derbäi sinn muss een elo nach waarden.

Mee  wann dat doten alles schéin no Plang verleeft,

Dann wëssen mir schonn wien d' nächst Joer d' Spuerkeess keeft.

(1) http://defense-update.com/20120729_leopard2_qatar.html

Exklusiv: De Péckvillchen huet dem Dornréischen säin Schlass fonnt !

Ass dat do den Péckvillchen? Nee dat ass den Knëppel aus dem Sak. 
Och vunn de Gebridder Grimm. Photo ET

D' Gebridder Grimm  hunn sech am Fong guer nie bequemt,

Fir eis ze soen wou d' Dornréischen schléift an dreemt.

All Mënsch huet geduecht dat Schlass wär schonn laang verluer.

Mee den Péckvillchen koum der Saach dach nach op d' Spuer.

Déi Säit der Péitruss, steet dien groussen Tuerm Wuecht,

Do dreemt d' Dornréischen zënter laangem, Dag an Nuecht,

Bis enges Daags den Halsdorf op sengem wäissen Päerd,

Un eent Telefonsgespréich erënneren wäert.

An hei dem Dornréischen säin Schlass. Photo: D' Gebridder Grimm.

Vive den Beki an den FLB, den Front de Libération vunn Bieckerich

Gaunz op Biekericher  geschriff!

Ass dat do äen Péckvillchen? Näen, dat sinn gaunz gewéinlich Ienten um 
Milleweier. Photo: ET Naples, FL

Jongen an Meedercher Där wësst déi grouss Noriicht,

Biekerich krëtt dien neien Beki augeriicht.

Mat dem Euro ass nit méi vill ze radetten,

Fir een Euro käefs De der neescht méi a Schmatten.

T' ass eng gutt Saach déi sech bei dem Kuelebierg däet,

Wëll do lues a lues  äent neit Biekerich entsstäet.

Bis elo haten déi an der Staad neescht gesinn,

Wat jo och gutt war, vir a Rou gelooss ze ginn.

Kommt mär soen nach kengem wouhin  mär wëllen.

An dann loossen mär déi gaunz häemlich trëllen.

Mär broochen kengem senger vir z' iewerliewen,

Wien Ees dat nit gläeft, dien leet awer schéin der niewen.

Mär maachen eist Elektrischt oos dem Maschtepull,

An eist gutt Waasser ass nit nëmmen gutt vir d' Spull,

Näen, mäer zapen dat schéin propper an eng Fläsch,

An fir jiddwer Fläsch, gäet äen Beki an eis Täsch.

An wat mäer jo dann nach hunn, ass eng Soubelkoll,

Wann déi awer elo neescht eraubrengen soll !

Do geseet äen, mäer kënnen gaunz eleng  äenz ginn,

An d' Biekericher wëllen bleiwen wat se sinn.

Et woult do schonn äen den Beki eraafmaachen,

De Frieden sot, bekëmmer Dech em Deng Saachen.

Dien Friden do, dien ass nit domm, an hien verstäet,

Besser een Beki, wann den Euro futti gäet.

Dat gëtt jo flott, dat mussen mär awer dann feieren,

Um Kuelebierg an op den Milleweieren.

An den Camille mellt ees dann un bei der UNO.

An den Egide dien héileft, wëll hien wunnt jo do.

Allo Jean-Marie: De Péckvillchen huet nogelauschtert

DREAM, DREAM, DREAM (Everly Brothers)

D' Police Judiciaire goung der Saach no. Sie hunn awer nit alles fonnt wat den Péckvillchen fonnt huet. Hei ass fir t' éischt der Police hir Prosa, dann derno dem Péckvillchen säin literarescht an historescht Wierk. 

Hei ass een Gehir Scan vun engem dien dreemt. Photo: ET

Dram-Transkript: (Police Judiciaire)

2.3. Jean-Cla ude FINCK— 11.07.2012 M. FINCK nous a remis un document manuscrit qu'il a redgé le 8 juin 2012 et qui reprend sa version de I'entretien téléphonique qu'iI a mené avec e Ministre HALSDORF. Ce document est joint a I'audition de M. FINCK.

An der Nuecht vum 7 op den 8/6/2012 ass folgendes geschitt, ech sin erwecht an hat den Androck ech hat elo grad (am Schlof) nach eng keier den "Film" vun mengem Teiefonsgespréich mat dem JM Halsdorf "gesinn" (den genauen datum weess ech nach emmer net)

- ,,den Jean-Marie hei, salut"
- ,, moien Jean-Marie, wie geet et?"
- ,, So, den Guy beschweiert sech bei mir driwer ewéi dat bei der Spuerkeess mat sengem Prêt gaangen ass. Hien as net zefridden, ech soll dir téleph."
- ,, Ween as den Guy??"
- ,,den Guy Rollinger vun Wickrange huet säi prêt bei dir"
- ,, Lauschter Jean-Marie, ech kann mat Dir net iwwer een client schwetzen"
- ,,Jo mee hien seet dat wier net säi richtegen Wee gaangen, Konditiounen wieren net gutt"
- ,,All eis dossieren ginn no strengen procéduren an no marches conditiounen ofgeweckelt, dat ass esou bei enger Bank, méi kann ech deEr net soen .... Gees du mour een match kucken?"
- ,, Ech hunn nach keng Tickeen, mol kucken"- ,, Allez Jean-Marie, ech muss zeréck an mäi comité, bis soss eng keier"

N B.

Och an deem "refilm ", wou ech net verstinn ewei esou eppes ensteet, vielleicht duerch den Stress vun geschter (Presse Confer. DP + Greng, etc) huet de .J.M Halsdorf extrem midd geklongen.

Ass dat do een Péckvillchen? Nee dat ass een Fink. Photo Wikimedia

Allo Jean-Marie: De Péckvillchen huet nogelauschtert

De Finck war déif entschlof an huet säin Daum gelutscht.

"Dream, Jean-Claude, dream", séngt den Teddy dien nieft him kuscht.

Nit ze weit vun do kann den Halsdorf nit schlofen,

Hien muss epps schaffen, soss kennt de Becca hien strofen.

Wann hien den Jean-Claude nit urifft, dann bleift en doheem,

Näischt man, an trotzdem virbäi, dat wär jo bequem!

"Jean-Marie, Du muss Dech hei um Bidon rappen"

Sot hien sech," soss deet de Flav Dech dat berappen."

Dir huelt an Uecht, den Halsdorf Duuzt sech selwer,

An och den Finck, den Becca, an den Rollinger.

Déi véier verstinn sech wéi wann et just een wär,

Flav, Jean-Marie, Jean-Claude a Guy, déi hunn sech gär.

An Ech erwächen och an der selwechter Nuecht,

Ech hat mech nach nit esou laang schlofen geluecht.

An Ech hunn gedreemt dass op mengem Telefon,

Een zwéin Typen héieren huet, während enger Stonn.

"Den Jean-Marie hei, Salut" huet dien een gesot.

"Moien Jean-Marie, wéi geet et?" huet een gefrot.

Ech gouf nie gewuer wéi et deem iwwerhaapt geet,

Well dien jo nit gläich nom Guy sengem Prêt nofreet.

 Oeeeh, "Hien ass net zefridden, ech soll dir téleph,

De Flav sot dat och, Du kenns hien jo aus dem FF."

"Wien ass den Guy an wien ass iwwerhaapt den Flav?

Dann kucken Ech am  rouden Dossier hei am Schaaf."

"Den Rollinger vun Wickrange huet säin Prêt bei Dir."

Ech héieren alles mat an kann nit derfir.

Bestëmmt ass dat sou eng Zort vun Telepathie,

Dem Halsdorf säin teleph mam Finck vergiessen Ech nie.

Ech duecht, Freck, Ech héieren Bankgeheimnisser,

Vun engem Banquier an vun engem Minister.

Wéi dat an engem Dram sou ass, sou war et alt,

Ech krut mam beschten Well mäin teleph nit ausgeschalt.

" Lauschter Jean-Marie, nit fir mech hei ze bretzen,

Ech kann mat Dir net iwwer een Client schwëtzen"

"Jo mee hien seet dat wier de falschen Wee gelaf,

"Konditiounen wieren net gutt" dat wéisst all Af.

"All eis Dossieren ginn no strengen Procéduren,

No Marché's Conditiounen, keng Aventuren,

Dat ass esou bei enger Bank, souguer der Spuerkees,

Méi kann ech der net soen, wéi's de verstees."

"Gees du mour een match kucken?" huet de Finck gefrot,
" Ech hunn nach keng Tickeen", huet den Halsdorf gesot.

"Ma teleph bei den Becca da kriss De der e puer",

"Nee dat wär Korruptioun, sou gëtt hei nit gefuer."

"Allez Jean-Marie, ech muss zeréck an mäi Comité,

Do leit dem Guy am Flav hiren decken Dossier."

"Jo Jean-Claude, mir hunn elo genuch gediedegt

 An deem dien lauschtert, Deontologie gepriedegt".

"Top Chrono, 10 Sekonnen ass d' Gespréich gelaf!"

"Jean-Marie ass dat do eng nei Rolex vum Flav?"

"Nee t' ass eng Kopie, an China Town selwer kaaft."

"Bis soss eng keier" an dunn ass de Finck gelaf.

Een Kolleg hei seet: "t' stëmmt alles wat hien sou seet,

Hei ass eisen Microfilm mat Datum an Zäit,

Näischt op engem geklauten bloc vun CBP,

Mach awer kee Gebrauch dervun, et ass classé."

Lo weess Ech, obschonn Ech dat jo nit sollt wëssen,

Wéi een Milliounen léint mat guddem Gewëssen.

Ech verstinn och nit wéi sou een "refilm" entsteet,

Zéng Sekonnen laang war d' Stonn; jee wéi d' Zäit vergeet!

Eis Chamber: Wou et dämpt, do ass kee Feier !

Ass dat do Damp? Nee dat ass Donst. Photo: Pomjeen vun Naples.

Eis Chamber sot: Wou et dämpt do ass kee Feier.

Et gëtt kee Beweis, schonn guer nit um Pabeier.

Alles wat een héiert ass hien sot, sie soten.

Sou Gedeessems ass just gutt fir d' Affekoten.

Mir sinn all fiicht, schweesseg-naass, a keen vun eis brennt.

T' ass keen vun eis dien ee Feier Stëppler kennt.

An wéi der wësst, mir hunn schonn d' Fëmmen verbueden.

Mir kachen näischt méi a kafen fäerdeg Flueden.

Wann Dir also mengt Dir géingt anzwousch Damp gesinn,

Dann muss dat nach laang nit ëmmer ee Feier sinn.

Zu Léiwéng gesitt Dir nëmmen Donst an Niwwel,

Mir stëmmen do wär kee Feier, näischt fir iwwel!

An der Chamber gëtt gestëmmt: den Schleck war nit gedopt.

Ass dat do een Péckvillchen? Nee, dat ass en Untert dien Xipamide geSchleckt huet.

Den Procureur mécht eng Enquête préliminaire,

Kennt zur Conclusioun Max ass Max an Här ass Här.

Déi Geschicht em de Frank Schleck wär Pippi Kaka,

Elo gëtt gestëmmt et wär näischt drun an domat basta.

Nëmmen nach sechs Méint Euro !

Ass dat do een Péckvillchen? Nee, dat ass een Zentral Banquier, mat den Kandidaten fir seng Successioun. Photo: ET

"Haalt mech zréck, soss bleiwen Ech hei", huet hien gejaut.

De Juncker hat Angscht dat een him seng Plazen klaut.

"An den Yves kritt seng dann och, Ech sinn dach net blöd!"

"Ma, nee, ma, nee" sot d' Angie, "Blöd ass hei verbuet."

"Verboten, jawoll" rifft den Yves ënnert dem Zelt,

Op deem verschassenen Chantier um Eecherfeld.

Hien baut eng Luxusvilla zu Frankfurt am Main,

Uewen um Feldberg, et protestéiert keen Schwäin.

Awer hannert der Bühn schläicht heemlech den Frieden,

"Mir sinn stolz wéi déi zwéin Lëtzebuerg vertrieden.

All meng Kollegen, iwwerall an Europa,

Soen, "mir brauchen een full-time Euro-Bopa."

Den Pham Binh Minh beim Jang

   Ass dat do een Péckphillchen? Nee dat ass ee Phull vir d' Katz. 

   Photographie: ET

Den Pham Binh Minh, Ausseminister phum Vietnam,

Koum op Besuch op Lëtzebuerg bei seng al Phlam,

d' Marie Josée Jacobs and den Asselborns Jang,

Mee de Krecké, dien passt nit méi an deem säin Plang.

De Krecké war hinnen do hannen phortgelaph

Den Ho Chi Minh sot awer dat wär nit sou graph.

Esou eng Aphair géing nit phill phutti maachen,

D' Entwécklungshëlleph hëllepht fir doriwwer ze laachen.

Den Här Pham Binh Minh huet den Phindel ugephlunn,

A phort e geet op Stengephort, am Phrack an Dunn.

Minh an Jang phaaschten nit iwwer Poulet mat Hong.

Eng phantastesch Phries sot de Minh beim leschten Gong.

Jang, am Phre'ijor phueren mir am Vietnam Velo,

D' Phranzousen phun der Phriemelegioun sinn och do.

D' Pholleksrepublik pheiert déi al Indochine,

Mat all deenen déi phir bäi sinn an eis Suen ginn.

D' Marie-Josée Jacophs wollt den Minh och gesinn

Déi zwee haten schon phirdrunn mateneen ze dinn.

Hat schreipht him jo gären een aachtstellegen Scheck.

"C' est ce que Pham veut" sot d' Marie-Josée am Geck.

Phréck sot den Pham, dat do sinn awer phill Dongen,

Duephir kritt een bei eis phill Restaurantsbongen.

An wann mir eis zu Dien Bien Phu erëm gesinn,

Dann wäerten mer gutt vietnamesesch nammen ginn.

    Dat Dengen do sinn Dongen. 

Fliedermais an Eilen zu Biekerech

Ech war der Deeg zu Biekerich an hunn fount dass keen méi Biekericher schwätzt. Wéi: Ech dinn meen laangen Kaulzong un an gutt Huesen, an Ech kommen peefen doboossen virun deen Hoos. Duerfiir häscht d' Iiwerschrëft op richtigem Biekericher:

Fléintermais an Ëchelen zu Biekerech

Hei ass déi flott Invitatioun, aus dem Wort gefëscht: 

 

Fliedermais an Eilen zu Biekerech

Ass dat do eng Eil ? Ma nee, dat ass eng Ëchel! 

On the 6.07.2012

Municipality life - Tourism and leisure

D'Gemeng Biekerech,
d’Ëmweltkommissioun vu Biekerech
an de Sicona-Centre

invitéieren Iech häerzlech op eng

Nuetsexkursioun:
Fliedermais an Eilen zu Biekerech
e Freideg, den 06. Juli 2012

Rdv. 21.45 Auer op der Parkplaz „An der Millen“, Huewelerstrooss zu Biekerech


Bal onbemierkt vun eis Mënsche féiere vill Déieren eng Nuetsexistenz. Matt speziellen Upassungen un hiert Nuetsliewe gi si op d’Sich no Fudder a beweege sech sou sécher wéi mir am Dag. Bei dëser Aktivitéit kënnt dir d'Welt vun de Nuetsdéiere kenneléieren. Während dem Tour stelle mir iech d'Liewe vun Déieren, wéi Flantermais an anere Mamendéieren oder och vun Nuetsvullen vir. D'Aktivitéit dauert ongeféier 2 Stonnen. D’Féierung ass op lëtzebuergesch.

NfP Beckerich - Sicona Centre.pdf

 Een vun Biekerich mat senger Ëchel