Vill Joer am Neie Gléck fir eis Ressort Ministeren

Ass dat do den Péckvillchen? Ma nee, dat sinn eis 18 Gefiedert, 

déi schéin an eng Richtung ginn. 

OK, et sinn der e puer méi, mee déi ginn herno op Europa.

Vill Joer am Neie Gléck fir eis Ressort Ministeren

Een "Ressort Minister", wat huet dien um Bockel?

Ech duecht déi stinn op engem gefiederten Sockel.

Et versteet een allerdéngs méi ënner "Ressort",

Wéi, wat dreift een Minister, wat fir een Motor?

Duerfir ginn se lo een Joer laang observéiert,

Wéi se sech behuelen gëtt enregistréiert.

Dann gesinn mer op se stinn mat eegener Kraaft,

Oder gëtt sech Energie anzwousch anescht verschaaft?

Wann een "Ressort" seet, dat deit op eng Fieder hin,

Mussen déi dann wéi eng Auer opgedréint ginn?

Jo, dat ass fir déi mechanesch Ministeren,

Déi, bei deenen een d' Auerwierk héiert ticken.

Wann den Wecker rabbelt, ass et ee Klackespill,

Wann den Schlëssel awer verluer geet, tickt nit vill.

Dann geet guer näischt méi, wéi am Dréiwierk versprach.

Se kommen op schaardegen Zännrieder geschlach.

Een automatescht Wierk huet zwar och een Ressort,

Dien spaant sech vum selwen bei all klengem Effort.

Bewegt een näischt, geschitt  och näischt. Dat ass Inertie.

Dien gëtt dann hoffentlech nie Minister vun der Energie.

Am Fong ass een Ressort gutt fir déi vill méi Aal.

Déi méi jonk Ministeren sinn all digital.

Batterie, Kontakt, schonn sinn se positiv gelued.

Mee wann d' Batterie platt ass, dann stinn s' all am Schluet.

Déi Gréng hunn natierlech Solar Batterien,

Fir een Megawatt, schalten mer se an Serien.

Mee keng Sonn, vill Reen, do brauch een dann ee Vëloh,

A struewelt fir Ersatz Energie vum Dynamo.

T' bleift den Staatssekretär, dien keen Portefeuille huet.

Wéi kritt een dien ouni Batterie opgelued?

O, dat ass einfach, do bleift nëmmen den Atom;

Zappt s' an d' radioaktiv Musel bei Cattenom.

Den Regierungsrot ass elo pur Energie,

D' Vëlos Klam am Boxebeen, d' Fieder stramm wéi nie.

T' héiert een am Denkprozess (1) d' Riedercher ticken,

An d' Radioaktiv, um Wupp, mat den Bicken klicken ....

(1) Ech duecht dass déi meescht denken, Denkprozess wär d' Wuert vum Joer. Ech denken, am beschten klickt oder tickt emol hei.

Denkprozess

Ass dat den Péckvillchen? Roueg! 

Mir sinn just an engem Denk Prozess.

Denkprozess

Dir hutt Iech bestëmmt schonn dat neit Wuert iwwerluecht,

T' ass "Denkprozess",  mee meeschtens hunn s' un näischt geduecht.

Oder dach, dann hunn se eng verwurrelt am Kapp,

An versichen dass jo nëmmen keen se ertappt.

Iwwert d' Prostitutioun sinn mer am "Denkprozess",

Wuer dat awer hin geet, ass nach guer nit gewëss.

An den Juncker huet och guer keng Ahnung wouhin,

Dat huet awer näischt mat Prostitutioun ze dinn.

Hien ass jo am Denkprozess iwwer Europa,

Hien ass verstoppt, mir waarden op säin Eureka.

Säin vollen Asaatz als Oppositioun ass hin,

Wëll de Regierungsprogramm jo säin schéngt ze sinn.

D' Mamm vun all Denk Prozess ass de Bommeleeër,

Do sichen se nach haut no Mëttel an Weeër.

Leider ass an deem Denk Prozess näischt ze man,

Well jo keen sech un näischt méi erënneren kann.

Sukuk

Ass dat do den Péckvillchen? Nee, dat ass eng Kluck déi su kuckt héich 

uewen vum Juck. Photo ET

Sukuk

An der Verwaltung kucken se Dech wéi Klucken.

"Jo jo, dat misst een gesinn, dat misst een kucken".

Dat äntweren se héich uewen vun den Jucken.

An dann traut keen sech méi fir sech nach ze mucksen.

Mam neien Wand gouf aus dem Kucken een Produkt,

Keng Käpp mat Neel, mee eng Zort Kuch déi heescht Sukuk,

Mat reliéisen Zich, mee kéng Nonnefaschten,

Ech frot d' Lea Linster wat esou epps géing kaschten.

Also, fir unzefänken verroden Ech hei,

Dem Lea säint Rezept, an dat ass fonkelnei:

Schéckt Ären beschten Chamelier an den Bazar,

Dattelen an Safran kafen fir een Dinar.

Dat Ganzt fein gemuel mat Sesam an Thymian,

Klaken mer dann  mat enger Dosen Eeër an d' Pan.

Voilà, een islameschen Eeërkuch, een Sukuk!

Wéi bei eis den Nonnefascht, mee dien hei ass am Souk.

Dir kënnt een Sukuk och an e puer klenger deelen,

Déi heeschen Sukichelcher, déi sinn z' empfehlen.

Sukuk verkeeft een dann fir dien duebelen Präis,

A moins, den Imam hätt se all selwer giess.

Am léifsten hunn Ech een Sukuk liicht ugebrannt,

Duerfir kritt d' Lea een neien Stär unerkannt.

Dann kommen déi dräi Weiser aus dem Muergen Land,

Fir ze kucken, fir ze schmaachen, mat der Cargolux geland.

De Juncker huet eng Féck-Mille-chen

Ass dat do den Péckvillchen? Nee, zwee mol dräi an enger Rei ass 

eng Féckmillchen. Photo: Archiv Péckvillchen.

De Juncker huet eng Féck-Mille-chen

An der leschter Bänk sëtzt nit dien jéngsten Juncker,

Hien beschwéiert sech am Oppositiouns Bunker.

Hien hat elo grad säin neien Job probéiert.

Mee hien huet jo nëmmen fir Premier geléiert!

Hien grommelt iwwert dien neien do, den Bettel,

A granzt, "bei den Walen krut dien mol keen Drëttel.

An seng Ried! Wat dien mat Aarmut ëm sech gehäit,

Dat huet dien alles vun mengem Programm geknäipt."

Den Huissier huet Biekerecher Waasser geschott.   

"Waasser!" sot en. "Et geet sou lues duer hei mam Spott".

Hien sëtzt hannen bei der Heizung, wéi d' Méck um Krunn.

Op dëser Mëscht war hien dach nach ëmmer den Hunn!

T' sot alt een "Moien Misch, bass Du och elo hei!"

Ma wat eng Frechheet, t' ass awer nit an der Rei.

A wann se dann mengen, dien do ass bal um Enn,

Dann trëpplen s'op een, wéi beim Hennes op der Genn.

Da kënnt och nach een mat "Die Sache mit der Uhr".

"Kemmer, këmmer Dech em näischt, et geet elo duer.

Dien hei ass een fräie Mann, egal wat, wou, wéi,

Ëmmer drun, mee dat hei! Dat packen Ech nit méi".

Mengt awer elo keen, dien do hëlt seng Pensioun,

Hien geet éischter nach an d' Bréisseler Kommissioun.

Et stinn him nach aner Lächer op, wéi den Europarot.

"Mee vergiesst d' Europaparlament" huet hien gesot.

Hien sot dem Spiegel, "schreift d' Leit hätten all gesot,

De Juncker kann nit Nee soen, wann Dir hien frot."

Dann geet hien op Europa, t' ass schonn verhandelt.

An den Spiegel schreift, t' war "gefickt eingeschaedelt !"

Mir verstinn elo säint Europäescht Spillchen,

Egal wien, wou, wéi, Bréissel ass eng Féck-Mille-chen.

Als leschten Kommunist fiert hien dann op Bréissel,

En päift duerch d' Loft, mam Hummer an mat der Séissel.

De Bettel beim bloen Beemchen

Ass dat do den Péckvillchen? Ma gewëss. Dien hält sech do eraus. 
Dat ass den 00-1000, maskéiert. 
Dien huet elo just een bloen Beemchen placéiert. Photo ET

De Bettel beim bloen Beemchen

De Péckvillchen googelt op alles nach do steet,

A wéi et der Trösterin der Betrübten geet.

Do koumen jo nit Biller drop vum NSA,

Déi haten sech verschalt, wat sinn dat emol Kéi!

Ech hunn dunn gezoomt fir d'Kamera ze fannen,

Ah, do steet se, déi fënnt jo awer ee Blannen.

T' ass een bloen Beemchen am Juncker senger Haascht,

Dat war den SREL, well den NSA ass iwwerlaascht.

Lo ass alles transparent, googelt vunn doheem,

Dem Becca säin Stadium, an dem Finck seng Dreem,

D' Cargolux, d' Luxair, an eis nei Frënn aus China,

De Péckvillchen schreift mat, an Alexandriner.

Cargolux: Car Gho Lux, t' ass Tsuan Tseg op Tsing

Ass dat do den Péckvillchen? Ma nee dat ass een CGO dien 

een CV fëmmt. Photo ET 

Car Gho Lux, t' ass Tsuan Tseg op Tsing

Aus dem Chineseschen iwwersat vum ET

Do, Lo hat Ech just Pu Lee mat Hong op der Tsong,

An Ng Em Ki Len Tsing Tao Fir Meng Dre Chen Long.

Do Kuk Ken Ech Yo am Ka Bang No der Tsei Tung,

D' Nu Wel Len Fun der Khoa Li Tsiouns Si Tsung.

Se Son Am Fong CV Géing Lan Den Tsu Tseng Su. (1)

Keen Stong Shla Ng, Mer Hun Mu Sen Han De Len Am Nu.

Den Ma Yi An Den Song Hun CV An Der Tsaang.

Mae Léi Wen Yong, Ou Ni Déi Si Chen Mer Nach Laang.

Nee, Déi Mel Dung An Der Tsei Tung ass Keng Fel Shung.

Tsei Hen Son De'i An der Fes Tung Ha Len d' Shtel Lung.

Ou Ni Sang An Klang, Lo Sen Se CV Am Plang,

Fum Fin Del Bis Op Hong Kong Tsielt Dien Le Shten Frang.

Tseng Su (1) ass Ng Kleng Ge Meng, t' Läit Dem Man Han Nen.

Bong, Mae Léi Wen Yong, Wat Man Mer Dan Tsu Henan?

Git Tsou Gank Un d' Pleng, Mer Shtin Nit Op Der Lei Tung!

Am Fong Meng En Ech et Géif Ng An Er Léi Sung.

Ech Gin Nit Mit Fuk Kuk Ken An Al Ti Rang,

Mer Fan Nen eng Léi Sung Son Den Jeng An Den Jang.

Shéin Shne'i Shong, Pal Tong An op der Hei Tsung d' Hen Shen,

Tsu Tseng, Tsuan Tseg drecken Mer d' Klen Shen.

Mae Keen Kukt, All Seu Tsen op Den Shtill An Tom Pen.

Den Ufank Fum Enn, Bei CV Sten Ken d' Lom Pen.

Hun Déi Fun Tu Ten An Blo Sen Dan Keng Ah Nung!

Meng Er Mae Nung No war Dat Do Keng Lee Shtung.

Lo Tsielt d' Joer Fun der Shlaang an de Renminbi,

Mer Lue Den Made in China an nach Klim Bim Bi.

An Am Fong, Frot Dir No Al Len Säi-äi-Ten hin

Lau Shtert Beim Gong, dan Wël Len mer Chinesen gin.

 (1) Zhengzhou op Héich Chinesisch

De Mischi kritt eng op den Popo

Ass dat do den Péckvillchen? Ma nee, dat ass een ASCHgeier. Photo ET.

De Mischi kritt eng op den Popo

De Pressekonferenzen Mischi hat am Héijen Haus,

Een Fuerz queesch sëtzen, dien krut en nit eraus.

Hien goung dunn poulriicht op den Justin Turpel duer,

An do ass him jo nit eent ellent Wuert entfuer.

Den Péckvillchen hätt dat nie iwwer t’ Lëpsen krut,

Well een Péckvillchen jo bekanntlech een Schniewel huet.

Dir fannt dat Wuert verstoppt an aneren Wierder,

Hei an der Geschicht, mee kaum an den Chambers Blieder.

Et war en dASCHdeg, an et war kal wéi am Wanter,

Den Mischi stoung do mat senger ASCHlanter.

An zielt hien senger Oppositioun eng nei Spiicht,

Huet en knASCHteg gelaacht, an seng Strass huet geliicht.

All déi nei Deputéierten waren zu GaASCHt,

A waren frou wéi den BaASCHtgen an der HaASCHt.

Well herno geet et op de kASCHt, t’ gëtt nit gefaASCHt,

T’ gëtt pASCHtéiterchen an souguer een NonnefASCHt.

Do koum eisen nationalen LaASCHt nit derlaASCHt,

An huet sech bis bei den Justin Turpel getaASCHt.

“ Ah bass Du pASCHtouer och lo hei!“ sot hien dunn,

Well hien hätt gär dien Neien duerch den Kaka gezunn.

Dat huet geSCHAalt (1) wéi wann hien een gudden brummt,

Souguer den Zarathustra, dien hätt sech geschummt.

Hien huet dat am aASCHt gesot, keng Spuer vun BlamASCH,

Géint t' Klo iwwert Haissis Spréch sot hien et war am SpaASCH. 

An der Chambre des Déculottés bléist een neien Wand,

Transparent weist hien saïn Blousen dem ganzen Land.

Mee haut sinn se schonn erëm all een Kapp an een ASCH,

Wat eng Ried! Ech sinn bal op mäin Hënneschten gefall. (2)

(1)   Dat asch natierlech phonetesch ëmgedréint.

(2)   Do konnt Ech mech bASCHten we’i Ech wollt, vun hannen no vir: 
Ech hunn gekeimt, mee mam bASCHten Wëllen, t ‘huet näischt gereimt.

Wéi den JC gekräizegt gouf (ca. 19 Deeg no JC).

    Ass dat do den Péckvillchen? 
    Ma nee, dat ass een Kräizermecher. Photo ET

Wéi den JC gekräizegt gouf (ca. 19 Deeg no JC).

Den JC hat alles am Viraus verkënnegt,

Hien wär d' Affer Lämmchen, mee hätt nie gesëndegt.

Den ongleewegen Mischi, dien huet näischt gegleeft,

Bis dëser Deeg, wou den JC bis op Berlin leeft.

Do war d' Angela mat enger Schuer vun Engelen,

Léisst d' Bundesverdienstkräiz virun him dengelen.(1)

Als Plooschter um Bauch, heelt et kranken Éiergäiz,

Mee d' Angela neelt den JC selwer un d' Kräiz.

Et war ee grausamt Spill, t' gouf Merkel an Maus gespillt,

Et war esou em Halloween, den Biesem stoung virun der Dier.

Beim ZDF gouf hien an eng Bidden gesat.

"Hellau, hellau" sot hien, t' gouf geschwat a geschwat.

T' gouf och eent lescht Abendmahl, mat Zopp an z' iessen,

Gesolpertes, an Jägermeister nit vergiessen.

Een Thüringer, an Schweinshaxen mat Sauer Mouss,

Spätzle, Rotkohl, et ass engem erëm gestouss.

Doheem spillt den Bettel Pontius Pilatus,

Mee den JC goung zum Hellegen Franziskus.

Well et gëtt jo een groussen Präis dien feelt him nach!

An dat wär, hien wär gär direkt helleg gesprach....

Elo sëtzt hien do am Altersheim mam Sarkozy,

Mam Blair, Idi Amin spillen se Monopoly,

Et geet hinnen awer gutt, wann Dir mech frot,

Well den Krecké sëtzt och do am Verwaltungsrot.

(1)Großkreuz des Verdienstordens der Bundesrepublik Deutschland, mit Stern und Schulterband, Adler maschinengestickt, sechsspitziger Brusststern links, mit Urkunde

Wolter, Wiseler, Wielerwëllen

Ass dat do den Péckvillchen? Nee dat ass een M-Villchen an saïn Spigelbild Dabbelju. Hien sprëtzt déi aner um Welt Weiden Waasser, WWW. Woto wum ET

Wolter, Wiseler, Wielerwëllen

Eis duebel Dabbeljuën op www.

Wolter a Wiseler vun der Wollekspartei,

Wollten wien, wat, wou, wéi wëssen um Kuck elei.

De Wolter war wëll wéi den Roude Léiw am Wopen,

An war sech Wiseler an Wielerwëllen kropen.

Wuel wollten Roudblogreng hien an d’ Wüst verweisen.

Wann hien awer wëllt den Wielerwëllen beweisen,

Wullt den Wolter an der Quadrat Wuerzel weider,

Wëll zu Woltz a Walfer war hien virum Schneider.

Wou d’ Wourecht duerech d’ Wisen zéit, woussten d’ Wieler:

Déi sinn mat Wäiwaasser gewäsch, eis Vertrieder.

Wéi wéischt Wissbeien wudderen se, wien mat wiem?

Wien Wiessel wëllt, schéckt eis zwéin Weeër an d’ Waisenheem.

Een weisen Wiseler wonnert sech widdert der Wand.

De Wolter iwwerdreiwt awer, dat weess d’ ganzt Land.

An wann de Wiseler waakreg gëtt, gëtt de Wolter wibbeleg.

Um séchere Wee gewichst, dat deet wéi, et war kniwweleg.

Well de Wiseler sot den Wolter gëtt keng Woll,

D’ Weichen weisen no lenks, wien hätt den Juncker geholl?

Een wielechen Wurschtler? Krut Dir eng mam Triichter?

Um Wee op Bréissel wénkt hien Wawaar mam Winker.

Den Obama blaméiert den Juncker

Ass dat do den Péckvillchen? Nee, mee Ech kann näischt verroden. Photo ET

Den Obama blaméiert den Juncker

Gëschter war d' Angela bei den Obama soueren.

"O Boma" sot hat, "wat hues Du grouss Oueren!"

"Dat ass fir Dech besser ze héieren mäi Kand",

"Just den Juncker lauschteren, dat ass keen amstand."

Wéi Ech dat héi'ren hunn goung ech bei den Barry,

"Ech wëll näischt héieren vum Hillary an Kerry,

Duerfir koum Ech direkt bei Dech an däin Bunker.

So mir, diskriminéiers Du géint den Juncker?"

"Ma ET, wann's  Du eis näischt géings iwwersetzen,

Dann wéisst jo keen vun wat den Juncker géing schwätzen.

Mir hunn zwar dem SREL seng Auer an der Festung,

Déi spëtzelen, an schécken eis d' Iwwersetzung."

"Den Vladi sot och, Juncker-googlen huet keen Wäert,

Am KGB setzen se op een anert Päerd,

Den Vladi an den Xi sinn lo hannert dem Xav,

Dien huet een neien Kryptovox hannert dem Schaaf. "

Mee d'Angela huet beim Obama eng Iddi kritt,

Wann Deutsche Telekom Sie warnt mat "Feind hört mit",

Dann mellt Sie sech mat "Hei ass den Schoonkloot Juncker",

"Märtt!" son d' Spiounen dann an hiren Spelunken.

Den Hollande dien keen Hollännesch kann krut dat mat,

An hien sot, dann maachen Ech elo grad wéi hat.

Et schellt. "Hei ass den Schoonkloot Juncker", sot Sie dunn.

"Jawoll, ici aussi" huet den Hollande dunn gelunn.

Den Obama kraazt sech laang hannert dem Ouer,

Merkel an Hollande sinn verschwonn, ass dat wouer?

Mee den Schoonkloot héiert een op allen Leitungen,

Just nit bei den Koalitiounsverhandlungen.

De Juncker ass een Affer Lämmchen!

Ass dat do den Péckvillchen? Määäh nee, dat ass ee schwaarzt Lämmes. Dass d’ Photo vum ET ass, ass eng Liggen.

De Juncker ass een Affer Lämmchen!

D' Lëtzebuerger Walcampagne ass platt wéi een Euro,

Firwat ginn mer eigentlech wielen, stellt sech d' Fro.

T' héiert een keen Pippcheswuert vun den Skandalen,

No dësen Walen, bleift do alles beim Alen?

D' Consolatrix muss rëm hiren Noper tréischten,

Hien ass d' Affer Lämmchen vun all deenen Béischten.

"Määäh Scheefchen", sot d' Mährri dunn, "géi lo getréischt heem",

"Määäh verstéi, bis bei määähch erop wuessen keng Beem".

Et geet keng Rieds määäh vun den määähschten Skandalen,

Soll den Määähschter iwwert d' Bananneschuel falen?

Oder huet hien e Määähndeg d'absolut Määähjoritéit?

Zwanzegdausend Chômeuren ginn him määäh Stabilitéit.

Tse Ess Fau seet määäh behalen gääär dien Alen,

Määäh wäerten d' Hand iwwert d' Affer Lämmchen halen!

Määäh gutt dann, soen déi Gréng an den Sandalen,

Blo a Rout soen den Määähschter setzt eis Falen.

E Sonndeg, no der Seechen vun der Rouder Geess,

Loossen määähr den Kaffi ston, samt Schmier an Gebääähs,

Fir deem schéinen schwaarzen Affer Lämmchen no ze goen,

Wäit virun den Rouden, Gréngen, an den Bloen.

An e Määähndeg de Muergen sëtzt d' Land an der Klääämm,

Wou d' Määählzecht duerecht d' Wisen zéit, hunn d’ Leit déck d' Flääämm.

Goufen määäh all vum Lämmes gebass? Wuer geet dat hin?

Määäh, meng léif Mähdame, määäh wëllen bleiwen wat määäh sinn!

Abbé Mährssi!

Cargolux, no allen Zoossen

    Ass dat do den Péckvillchen? Nee, dat ass eng Annonce fir den 

    Kung-Fu den 20. Oktober. Photo ET

Cargolux, no allen Zoossen

Vill Käch verdierwen den Couscous seet eist Spréchwuert,

Den Wiseler hat nit mam Tofu do gespuert.

Dunn huet dem Frieden säin Plat no Mazout geschmaacht,

An d' Beduinen hunn sech aus dem Stëpps gemaacht.

Et war zwar flott, Méchoui an der Sahara,

Harem an Hëddem um Päerd beim Ali Baba.

Eng Djellaba, Kefir mam Fakir beim Kalif,

An dir sot Katar an China dat wär kif-kif?

D' Spill Wiseler - Frieden war richtegen Ping Pong,

Elo huet den Wiseler den Knëppel vum Gong.

Hien kacht eleng, Generol Tsos Poulet mat Hong.

Wann keen meckert, kritt Der och ee Bong fir ee Stong.

T' richt no Jasmin an Knuewelek bis op Ghengzhou,

Dinaren fir Renminbi, et kascht eis kee Sou.

Hien brauch dach keen Frieden, keng Welt Bank fir Hëllef.

An keen Kung-Fu, mer sinn jo awer keng Wëllef.