Lëtzebuerg! Dat frëndlecht Land.

Ass dat do den Péckvillchen? 

Ma nee, dat ass een Anchois. Photo Pizza Hut

Lëtzebuerg! Dat frëndlecht Land.

Zu Bréissel hat den Xav eng Pressekonferenz,

An all Fro krut zwou Äntwerten wéi aus der Strenz.

Dir wësst jo, hien hat dach schonn ëmmer gesot,

An seet et och nach, wann Dir nach eng Kéier frot.

Den Péckvillchen hat dien Dag keng gutt an der Kopp,

Bei den Mikroen läit een Telefon virop,

Do schellt den Péckvillchen, an den Xav hieft dunn op,

“Hei den Lëtzebuerg vun Bettel, wien ass do drop?”

“Ma den Péckvull, Ech bestellen gär eng Pizza,

Mat Pepperoni, Tomat, Kéis, mee keen Anchois”.

“Oh, Maître” sot den Bettel, an domat Fritten?

D’ Belsch fron een Waffeschäin, wéinst den Terroristen!”

“Wësst Dir wat, Ech ginn Är Commande op Lëtzebuerg,

Do man mir keen Gedeessems, maacht Iech do keng Suerg.

Ah, Dir mengt do wär d’ TVA elo méi héich?

A wéi wär et dann wann Der do een Ruling kréicht?”

“Oh, Xav, villmools Merci” sot den Péckvillchen dunn,

“Gutt dass een an Lëtzebuerg Vertrauen kann hunn!”

Dat war Néischen Bränding! Der Press stoung den Verstand!

An den Slogan ass: Lëtzebuerg, dat frëndlecht Land.

Et gëtt keen dout gespuert, am Géigendeel, sou d’ Maggy Nagel

Ass dat do den Péckvillchen? Ma nee dat ass een Nol. 

Photo Cercle Artistique

Et gëtt keen dout gespuert, am Géigendeel, sou d’ Maggy Nagel

Et gëtt keen dout gespuert, am Géigendeel, ass d’ Wuert.

Déi Doudeg ginn also erëm lieweg gespuert.

Dat ass jo phantastesch laut deeër Iwwerschrëft!

Mee geféierlech wat d‘ Kulturschaffend betrefft.

Hiren Avenir dien jo an der Zukunft läit,

Ass dann den Ufank vun enger ganz neier Zäit.

Wëll all déi Doudeg ginn jo dann Konkurrenten,

An déi Lieweg bezuelen och nach hir Renten.

D’CSU steet voll hannert dem Juncker

Ass dat do den Péckvillchen? Ma nee, dat ass een Kommissar op der Ronn.
Photo Péckvillchen 

D’CSU steet voll hannert dem Juncker

Zu Nürnberg bei der Chrëschtlecher Solper Unioun,

War den Péckvillchen Zeien, verkleet als Spioun.

De leschten Mann dien stoung, dat war eisen Juncker.

Déi aner louchen op hiren Still an hunn geschunkelt.

Den Juncker hat nach vun Luxleaks seng Schlappen naass,

An Schweinshax zwëscht den Zänn, dat war zwar och keen Spaass.

Mee hien sot näischt vun Luxleaks, hien blouf dicht.

Der Apfel fällt nicht weit vom Krug, bis den Stamm er bricht.

Hien sot Lëtzebuerg wär kleng, mee Bayern wär grouss,

Wann Bayern méi kleng wär, géingen déi och zu Fouss.

Sou sot saïn Papp, dien hätt hien Europa geléiert,

D’Barbara klatscht, den Rescht huet sech emmerdéiert.

D‘ Leit hunn verstan, de Juncker schwëtzt lo méi mam Putin,

Well jo nach nie een an der Wehrmacht wollt sinn.

An den Euro wär keen Rubel wert ouni den Waigel.

Deemools war jo den Festriedner nach den Bourvil.

Den Lunghi an den Vogel, am Krich vun den Kulturen

Ass dat do den Péckvillchen? 

Ma nee, dat ass dem Picasso seng Friddensdauf. Photo ET

Den Lunghi an den Vogel, am Krich vun den Kulturen

Den Lunghi huet sech den Gast laang op d’ Long gezunn,

An elo houscht den gudden Mann, dann huet en dat dervun.

An deem Streit mam Muhdam vun der Agri Kultur,

Stinn Péckvillchen an Vogel an fir d’ Avi Kultur.

Den Maître Vogel ass jo Stad- an landbekannt,

An den Péckvillchen ass saïn Fligeladjutant.

Duerfir ass den Péckvillchen nach ëmmer sou opbruecht,

Well am Muhdam huet den Ortiz een Fligel geschluecht.

Zum Gléck huet den Picasso eng Rei Kéi geschaaft,

Hätten mer dach esou epps fir den Muhdam kaaft!

Kéint den Péckvillchen sech dach d’ Friddensdauf leeschten!

An esou engem Krich hëlleft déi am meeschten.

Enkelin kritt eng SMS vun der Boma am Graf

Ass dat do den Péckvillchen? 

Oh nee, dat sinn der aus dem Jenseits. Photo Ghostbusters

Enkelin kritt eng SMS vun der Boma am Graf

RTL huet eng grujeleg Geschicht opbruecht,

Eng Bom gouf mam Handy zu leschter Rou geluecht.

Dräi Joer drop krut d’ Enkelin een SMS,

Vun der Boma am Graf, an alles war am Stress.

Dem Péckvillchen sinn d’ Schudderen am Réck gelaf,

Direkt huet en enquêtéiert iwwert d’ Bom am Graf.

Et huet nit laang gedauert, dunn koum et eraus.

Den SMS koum schonn alt erëm vum Marc Spautz!

Den Kuzunft Budget ass een Picasso

Ass dat do den Péckvillchen? 

Nee dat ass den Gast, dien kreest mam Knëppel iwwert dem Muhdam.

Photo: Pablo y Pedro

Den Kuzunft Budget ass een Picasso

An der Chamber do moolt jo nit den Gramegna,

Een Zukunftstableau sou schlëmm wéi Guernica!

Eng Mamm eleng muss an den Chômage schaffen goen,

An saïn Puppelchen an d’May-Bolli Crèchen droen.

Do léiert d’ Kand Franséisch, Serbesch an Portugisesch,

An doriwwer freeën déi Mammen sech dann riseg.

Alles ass prett, den System trëtt direkt a Kraaft,

Wëll den Picasso gouf ënnert der Hand verkaaft!

Dem Gramegna senger Zukunft saïn gudden Rot,

D’UBS sot, “hues De dem Frieden saïn Patron gefrot?”

Den Emir sot, “dien Picasso muss Ech hunn,

An Ech kafen souguer Ebay mat hannendrun.”

“Är Kulturministesch kann mer en jo dann bréngen,

Mat Cargolux Piloten déi schéin Äddi wénken.”

An d’Maggy Nagel ass an enger Stëbswollek geland,

An direkt mam Bild am Emir säint Zelt gerannt.

“O Emir, an een Dir, verstoppt dat Bild hei gutt,

Wann der nit gär den Vogel am Keffieh hutt.”

“Mee den Clou ass, wéi hänkt een dat am Zelt hei op?” 
“Mat engem Nol”, sot d’Maggy, “mee een mat engem Kapp!”

Lëtzebuerg verkeeft säin futtechen Picasso!

Ass dat do den Péckvillchen? 

Ma nee, dat ass en Waasser Pickert. 

Photo: Picasso Selfie

Lëtzebuerg verkeeft säin futtechen Picasso!

Am Finanzministère sinn al Täschen eidel,

Wéi kritt een dann e puer Suen an den Beidel?

Deemools war een am Soff, huet een Picasso kaaft,

Op d' Schnëss gefall, mee d' Stécker huet en opgeraaft.

Dunn huet den Juncker alles schéin restauréiert,

D' Original hätt den Picasso blaméiert,

Mam Frieden huet hien alles schéin ugestrach,

An déi zackeg Ënnerschrëft ass vum Frieden nach.

Laut Expert sinn déi zwéin vunn der Ecole de Paris,

Déi chromatesch Toun Leeder verwiesselt een nie.

Dann déi typesch Dräidimensionationalitéit,

Déi d' parietal Faarffelder zesummen dréit.

Am Denkprozess sinn mer elo bei Ebay,

Dat kascht nit ze vill, an mer verdéngen do méi.

Wien dat keeft, fir dien zielt dat als Dépense Speciale,

An en kritt eng gratis Plaz am Freeport gestallt.

Humba Oktoberfest Distrikt Luxemburg

Ass dat do den Péckvillchen? 
Ma nee, dat ass een Ersatz Adler. Photo ET 

Humba, Oktoberfest, Distrikt Luxemburg

Wat do erëm am Tripadvisor Deutschland steet,

Huet d' Geographie jo schéin duercherneen gehäit!

Déi schwëtzen vum Distrikt Luxemburg an Däitschland,

Goufen mer schonn erëm eng Kéier iwwerrannt?

Et wollt zwar schonn een eis d' Kavallerie schécken,

Mee dien Projet brauch keen fir en duerchzedrécken.

Mir hunn d' Oktoberfest mam Dirndl iwwerholl,

A soen "we'i süß", an "Hellau", souguer Jawoll!

In diesem Sinne,

Ihr Egidius

Do, elo huet Cargolux deeer zwee!

Ass dat do den Peckvillchen?
Ma nee, dat ass een een Cargoguckuck dien winki winki mecht.
Photo: Selfie

Do, elo huet Cargolux deeer zwee!

Aus dem Chinesischen iwwersat vum Peckvillchen

D‘ Ka Go Lux huet Shon Rem Ng Tsity of Tseng Sou,

Mat deer Fum Abrell sinn dat der dann Shon Tswou.

Am Fong Sin Dan Tseng Sou An Tseng Sou Tswan Tseg Sou,

Lau Tem Adam Riese Am Generol Sun Tsu.

Glaich Tswe’in Tseng Sou, ass dat dann Lo Nit Een Tse Vil?

Wat Dengt Den Minister Bausch Fun Deem Gan Tsen Shpill?

Hien Geng Ge wass Op Tswe’in Ei Del Wol Len waarden,

Hien Baut Um Maut Tse Tung Sengen Radaranlagen.

Den Obama huet dem Bettel zu New York d' Hand op geluecht!

Ass dat do den Péckvillchen? 

Ma nee, dat ass een mat engem schéinen Torticoli. 

Photo: Beim Schënner. 

Den Obama huet dem Bettel zu New York d' Hand op geluecht!

Eng exklusiv Exklusivitéit mam Xav vum Péckvillchen

Dir sot alt ëmmer, an éischter Klass hin an hier,

D' Lufthansa ass nit vill besser wéi d' Loftleidir.

Dien aneren Dag ass en nach ëmmer wéi gebrach,

An vun deem Djättläck hat Ech d' Migrän nach.

Hei koum den Obama jo nit riicht op mech duer,

Den Barack ass nit laang ëm de Bräi gefuer:

"Hau sit gouin, Bro" huet hien op Englesch gesot.

"Gutt, gutt, hau sit hängin" hunn ech hien dunn gefrot.

Dunn huet seng fiicht Hand meng riets Schëller beréiert,

Wéi een Blëtz, t' gong duerch mech, an Ech sinn erféiert.

"O Bettel" sot den Obama, "géi a Fridden,

Mee looss Der näischt vun den Oligarchen bidden."

Ech hunn mech alt gefrueden, meng Migrän war fort,

An den Torticoli, an den Réckwéi vum Sport!

Ech war wéi an Watt verpaakt, an nit méi ze halen,

Den Erléiser hat mech erléist vun mengen Qualen!

Ech hunn dunn gutt geschwat: Léif UNO, léif Weltgeschicht,

Lauschtert gutt, lo kënnt dem Péckvillchen säin Gedicht!

An esou ass et mam Terrorismus, dat muss een mol soen,

T' kann een sech selbstverständlech och mol do bekloen.

Allerdéngs, an Ech mengen do ass jiddereen d' Accord,

Ouni wëllen iwwerhieflech ze sinn mam Terror,

An wär et nëmmen fir eng offen Diskussioun,

Obschonn, esou eppes zielt hei fir all Natioun.

An dunn hunn Ech ee politeschen Risk geholl,

An virun der Vollversammlung, an déi war ganz voll,

Hunn Ech "Dear President Obama" gesot, d' Tréin am A!

Vun haut un nennen mir eist Gambia, Kenya!

Dien ganzen Spaass huet fënnef Milliounen kascht,

Fir sécher ze maachen dass och keng Kou méi fascht.

Sou wënnt Lëtzebuerg dann den Krich géint CO₂,

A wann nit, dann kennt eben eng Millioun derbäi.

Dem Schupp säin Iesel gouf erëm fonnt!

Ass dat do den Péckvillchen?
Ma nee, dat ass den Napoleon, agespaart.
Photo: Partei fir Recht a Gerechtegkeet

Dem Schupp säin Iesel gouf erëm fonnt!

Dir erënnert Iech nach all um Schupp säin Iesel?

Den Napoleon, dien war wéi der Däiwel!

Abbée, laut tageblatt gouf hien zu Posen fonnt,

Well hien seng Naupen nit verstoppen konnt.

Hien hat zu Posen eng flott polnesch Freiesch fonnt,

An hien huet gedriwwen wat hien am beschten konnt.

Dat war zevill fir d' Madame Dudziak Lidia,

Déi hëlt den Napoleon ewech vun senger Antonina.

De Péckvillchen goung op d‘ Géigendemonstratioun,

Fir méi Léift an géint d‘ Kastratioun.

Mam Aschenputtel, Romeo an Juliette.

An dat goung sou aus wéi Dir dat gären hätt.

Salut Corinne

Ass dat do den Péckvillchen? Ma nee dat ass een Jeeër

um Héichsëtz, Dien kuckt no senger Flënt an der Heck. 

Photo: SREL-CSV

Salut Corinne,

(SMSen frësch vun der NSA)

Coucou Corinne, hei ass den Marki, dem Jang säin Jong,

Mam Pierre Jaeger hat Ech een Bock geschoss, mee bong,

Ech proposéieren  fir dien anzebeezen,

Dann kënnen mir zwee mol een Maufel iessen.

Salut Marki, Hei Olai, Kuck Olai,

Coucou Marki, Däin SMS goung zwar bei den Xav,

Dien ass mir direkt mat der Nouvelle nogelaf!

"Den Marki huet sech schonn erëm trompéiert!

T' schéngt, dien ass awer schéin desorganiséiert".

Salut Xav,

Coucou Xav, hien huet d' Lëscht vun den Hochzäitsgaescht gefrot?

Dien hätt déi bestëmmt gären dem Péckvillchen gesot.

Mee den Jaeger päifen Ech vun sengem Héichsëtz zréck,

Dann kritt hien eng mat der Schlapp aus mengem Buttek.

Trennung vun Kierch an Relioun

Ass dat do den Péckvillchen? Nee dat ass den Dikkricher Iesel.

Trennung vun Kierch an Relioun

D' Lëtzebuerger waren hirer Paschtéier sat,

Duerfir wollten se d' Trennung vun Kierch an Staat.

Se soen awer och: "Maach dass d' Kierch am Duerf bleift",

Wann dien een oder aneren iwwerdreift.

Mee se wëllen sech och an der Kierch bestueden,

An déi meescht loossen sech och gär do begruewen.

Den Péckvillchen muss Iech awer dat hei  beichten:

Ech kann mer d' Kierch am Duerf, mee keen "Här" méi leeschten.

Den Äerzbëschof sot: "Dat do ass fir ze laachen!

Ech wollt nach grad all Paschtouer Dechen maachen!

Gambia huet eis nach beim Te Deum gehollef,

An elo dréint Dir gär mäin Job duerch den Wollef?"

Abbée sot den Péckvillchen, hei wär eng Solutioun:

Mir man einfach d' Trennung vun Kierch an Relioun,

Mir bezuelen nëmmen d' Kierch mee keen Paschtouer,

Dann leeft d' Kierchefabrik wéi un der Schnouer.

"Aha!" sot den Vicaire, "t' muss een Loyer bezuelen?

Fir all Kierch am Land?  Dann loosst mech widderhuelen:

T' Kiermes ass wéi Der wësst op d' Kierch opgebaut,

Abbée, dann kritt Der elo den Hämmelsmarsch versaut!"

Um Tuerm zu Dikkrich huet den Péckvillchen es genuch.

Hien wëllt austrieden, an preparéiert säin Fluch:

"Allo AHA, Allo AHA, ass do keen do?"

"Dach, Imam Ali hei, Ech ersetzen déi lo."