Estland, rembourséiert Kyoto.

Am Uewen potert d' Feier

D' Stroossen sinn spi-i-ggelglaat.

Schnéi an Eis bloufen leien,

Well guer keen méi Streesalz hat.

D' Regierung seet "Gudden Rutsch",

Séi hunn all Summerpneuen,

An ass mol d' Toyota futsch,

Wien soll dat dann bezuelen?

Well Dier erënnert Iech all:

Mir man d' ganz Welt sou waarem,

Dat huet kascht an dësem Fall,

Milliounen, t' mécht eis arem.

Estland wou keng Schminnie dämpt,

Verkeeft d' Recht ze verknaschten,

Déi hunn eis dobäi schéin gekämmt,

Kyoto deet een baschten!

Drësseg Milliounen Euro,

kascht dien Spaass um Pabeier.

T' ganzt Land rifft Bravo, Bravo!

Fir d' Ëmwelt ass näischt ze deier.

T' huet gewierkt, t' gouf schrecklech kal,

Eisen Planet ass gerett.

Estland, dat ass genial,

Rembourséiert, lo an zwar nett!

D' Neit Joer geet et erëm wéi fréier

Mat hëtzen gëtt guer nët gespuert.

Dann rutscht een nët sou séier,

Wann Dir mat glaten Pneuen fuert.