Gëlle Fra géi nit a China

Aus dem Lëtzebuergeschen op Chinesesch iwwersat vum E.T.

Meng léif Frae-Chen Géi net a China,

Wéint der Ping Peng Carabina,

Et Jiu Jitzt, Mee dat et Spritzt,

Hänn a Bäich Ginn opgeschlitzt.

Et Stong Schon gëschter an der Tsei Tung,

Ech Fë-Shen Séi jiust aus der Hei Tsung,

Do Son Séi, Séi ging Lo Op Shanghai,

Dann hun Mir d' Schéint Mee-Tchen Nim Méi Hei.

Ech Klam-Men séier an Mäin Pal Tong,

Quë-Tschen t'Tséi-Wen a Meng Son des Shong.

Da Si-Chen Ech no Me-Ngen Hen Shen,

A Flang Sang-En Ech Hir ee Staenn Chen.

Oh Du Déi Sou Schéin um Sockel stoung,

Séi Plën-Neren Dech Wéi ee Schnu Del Hong!

An Lo Hun Ech Schonn genuch Ge Song,

De'i ganz Schmot Schléit Eng-Em Schéin op d' Long.

D' Mee-Tchen steet alt do hallef Pla-keg.

Bei deeër Keelt dat haelt ee Waa-kreg.

D'Leit Ko-Men alt nach Eng Ker Wén-Ken,

D' Mee-Tchen Steet an der Sonn Tse Blén-Ken.

Hei Kou-Men den Jungs Lee an de Jang,

De La Me Shen Fern, de Ben Flam Mang,

Den Don Han Sen an Den Den Nis Thein,

De Jang Tsei Met an de Jem Pi Klein.

D' Leit sinn Fuk Kuk Ken traureg wéi Eng Gei,

Dun Koum den Hei Elei, Kuck Elei,

Wu Hir, Séi Fil-Men wann Séi Pa Ken

D' Tréinen La Fen Eng Em laanscht d' Ba Ken.

Déi Wäit Jo Eng Tonn Ou Ni Ge Tsei.

Déi Pa Ker Ten do Ver di Ngen hir Pei.

Dang Dang, d' Këscht Ge-Neelt, Dat Ass am Fong,

Wat Ee Muss Hunn Fir bis op Hong Kong.

D'Finn sot Tsum Trinn Ech hätt Gaer ee Stong,

De Jang sot, Ech Hat Dat op Der Tsong,

All Lëtzebuerger kritt Lo ee Bong,

Fir eng gratis Rees bis op Hong Kong.

Jenni a Menni raumt säin Ti-Rang,

All Renmimbi an den leschte Frang.

Alles gepaakt an d' Turn Shlap Pen nei,

Sin S'um Wee bei d' Mee-Tchen Fu Shanghai.

Den Hu zaapt Hin Nen Tsing Tao Béier,

Mee all Hunn Se'i Dikkricher léiwer.

Mir wëlle Yo Blei We Wok Mir sinn,

Mir wëlle Yo Keng Chinesen Ginn.

Eis Tripartite déi huet dräi Ecken

Oder: d' Allegorie vum Gorilla.

Eis Tripartite de' huet dräi Ecken,

Dräi Ecken huet eis Tripartite.

An hätt séi keng dräi Ecken,

Da wär et jo keng Tripartite.

Um ieweschten Eck sëtzt d' Regierung,

An do seet keen ee Pippcheswuert!

Wien d' éischt schwëtzt an der Féierung,

Gleeft mir, huet säin lescht Ee geluet.

Do sëtzen séi wéi ee Stëmmchen,

A kucken op de lénken Eck.

Een dréint sech eng kleng Fëmmchen,

A mécht Damp ewéi ee Geck.

D' Gewerkschaft déi houscht um lénken Eck,

Dien Damp an den Aen mécht ee blann,

A kéimt Dir gär hei vum Fleck,

Da gitt eis fir d' éischt eng Banann.

Méi verdéngen a manner schaffen,

Den Index an Acquis Social,

Do loosse mär eis näischt drop praffen.

A mär schwëtzen do fir eis all.

Um rietsen Eck do schléift d' Patronat.

Déi hunn näischt héieren, déi sinn daf.

Mee eng Léisung hunn séi parat:

Déi huelen guer näischt hei a Kaf.

Sot Dir " I love my freien Sonndeg,

An "d' gëtt alles vill méi deier",

Huelt dann léiwer een Dikkrich,

Well hei héiert keen déi Leier.

Sangt dann I love my freien Méindeg,

An Dënschdeg an alles wat nach.

Mir man zou, an man eis ewech,

Mir plënneren dann op Mettlach.

Ee Gorilla koum do senger Wee,

A lauschtert sech dat ganzt do un.

Dunn sot hien Nujee, nujee,

Wéi goung déi ganzen Streit hei un?

De Stëmmchen weist do op de Blannen.

"War et de Blannen?" sot den Af.

"Nee, hei riets kënnt Der dien fannen.

Keen héiert do, déi sinn all daf!"

O Mamm sot den Af dunn, t' ass zevill,

Ee Stëmmchen, een daf, an een blann,

Ech wousst d' läit an der Famill,

Loosst mech mol weisen wat Ech kann.

De Gorilla sëtzt sech voller Eescht,

A seet: "kommt mir maachen einfach näischt!"

Do sëtzt de Seet-Näischt, de Gesäit-Näischt,

Den Héiert-Näischt an de Mécht-Näischt.

Normalerweis sinn dat dräi Afen,

Mam Mécht-Näischt mécht dat der véier.

Kuckt wéi séi akafen lafen,

Ee Stull fir dat véiert Déier.

D' Regierung kuckt ee bësse rosen,

Keen brauch een Af fir ze streiden.

Wann hien mengt hien kënnt eis et blosen?

Keen léiert eis Grimassen schneiden!

Eng Tripartite hält een sou em d' Fuesent,

Do sinn déi véier schéin verkleet,

Dien een dien gaapst, dien aneren pennt,

Een dämpt, de Gorilla mécht sech breet..

D' Tripartite huet lo véier Ecken,

Véier Ecken huet eis Tripartite.

An hätt séi keng véier Ecken,

Da wär et nit eis Tripartite.

Den Dag Duerno

De Frieden sot, "déi hei ass nawell gutt,

Wat Ech hei gesinn mécht mer neien Mutt!

Wann een all Numero huet bis op een,

Seet d' Reglement da gewënnt een trotzdem.

Mir hunn tatsächlech een Trouschtpräis ze gutt,

Souguer méi wéi een aus der Virwëtztut.

Laut dem Reglement gesinn Ech der dräi,

Et gëtt elo Zäit, kommt mer maachen eis bäi!

Eisem Mann do uewen op der Mauer,

Deem verdreiwen mer elo seng Trauer,

Europa garantéiert seng al Platz,

Sou liesen Ech emol am Kaffissatz.

Hien geet a China mat dem Euro Grupp,

A gëtt dem Renmimbi eng gutt op d' Krupp.

Bestëmmt ass de Sarko lo giel vu Näid,

Hien hätt de Juncker jo gär rausgeheit.

Een aneren Präis hu mer an Europa,

D' Re'idings Vif klëmmt ee Sprass an Utopia,

als Vizepresident beim Barroso,

De Sarko ass och alt duerfir rosen.

An zum Schluss déi drëtt Méck mat engem Schlag,

Europa bréngt den Yves Miersch ënner Dag.

Duerno stellt sech dann wuel weider keng Fro,

Säin Ramplassang steet mir bestëmmt méi no.

Mer hunn zwar d' läscht eng Goldmedaile verluer,

Mee dräi Sëlwer Medailen geet och duer.

Mir hunn och vum Van Rompuy geléiert:

Ee Sprint, dee gëtt vun hannen lancéiert."

Jiddwereen mengt elo wär endlech Rou,

Europa schléifert lues op Chrëschtdag zou.

Mee bei Schlecks gëtt op den Tour trainéiert,

T' ass nach een dien den Sarko verléiert.

Feierwon: Luxembourg: Une Leçon de Démocratie qui Sauvera la Démocratie, II

Feierwon: Luxembourg: Une Leçon de Démocratie qui Sauvera la Démocratie, II

Maybolli, hors série

Léif Leit de Péckvillchen ass gefuerdert,

Zou Bréissel ass d' Weltgeschicht veruerdert.

Séi hunn all gejaut "Héich den Van Rompuy"

A guer keen wollt de Jean Claude Juncker méi.

De Juncker setzt op der Festungsmauer

"Dat Europa war mir vill ze sauer"

Seet hien, a wëscht heemlech eng Tréin ewech.

Bestëmmt vun Erliichterung mengen Ech.

Ech soen "Ass dat nit onerhéiert?

Wat huet dien Belsch dann do opgeféiert,

Hien war nie derbäi a kënnt ganz vun hannen,

Fir dann d' Schlussétappe am Sprint ze wannen."

Eng Freed kënnt trotzdem eraus an dat wär,

Et gouf ee Belsch, an nit den Tony Blair.

De Lëtzebuerger geet dat do elo duer,

Schleck a Juncker sinn als zweet eragefuer.

"Hee! O Du do uewen op der Mauer,"

Rifft de Frieden ënnen op der Lauer.

"Bis elo ass nach ëmmer näischt gebrach,

Well Ech mengen mir hätten d' Festung nach."

De Frieden rechent alt nach eemol no,

Null soten "Nee" an sechsanzwanzeg "Jo"

Do ass beim beschten Wëllen näischt ze man,

"De Juncker bleift hei an Ech klaken d' Pan!"

Fënnef Joer sech mam Budget erëm ploen

An natierlech de Juncker erdroen.

De Sträit em t' Bankgeheimnis war emsoss,

Mir hunn domat just déi ganz Welt verdross.

De Jang déi sot "t' war virauszegesinn,

Et gëtt vill Leit déi dat do nit verstinn,

Wat mir lo hunn ass wat mir schonn haten:

De Juncker bleift op allen Plakaten."

"So May" sot de Bolli, "dat do ass schlëmm,

Déi Geleeënheet kënnt nie méi erëm.

Stell Der vir de Louss wär erop geréckt,

Dann hätt d' Justiz vläicht een A zougedréckt."

Léif Leit spiert Dir och esou eng Trauer,

D' Silhouette do uewen op der Mauer

Seet Iech dat do war alles emsoss.

D' Bankgeheimnis huet eng Carrière erschoss.

Hei koum d'Joennewiäv Tabbui (1*) erbäi,

"Oh la la" sot et, elo sëtzt der hei.

"Attendez-vous à savoir" (1*) hat gesot:

Féiert kee Krich , da stierft och keen Zaldot."

"Mais ces Messieurs wollten d' Festung halen,

Et les autres loossen sech dat nit gefalen.

Adieu Présidence an och Forteresse,

Stëppel kee Sarko wanns De gär epps häss."

(1*) http://feierwon.blogspot.com/2009/05/luxembourg-les-dernieres-nouvelles-de.html

Maybolli 15

Méint, Wochen an Deeg zéien iwwert d' Land,

Maybolli sinn a Stad a Land bekannt.

Chrëschtdag, Neijoersdag, Fräijoersbotz,

An fir de May endlech eng schéin nei Box.

Sennengerbierg, Walfer a Gaasperech,

D' Crèchen déi multiplizéieren sech.

D' Ministesch, d' Paschtéier déi sinn äerdeg,

Knapps geet eng Crèche op, ass eng aner fäerdeg.

"Ei" sot de May, "dat deet gutt am BMW,"

Och de Bolli ass mam Porsch ënnerwee.

Séi fueren wéi d' Kanner an enger Rei,

A freeën sech op hiert neit Spillgezei.

Ee Monni vum Familljeministère,

Gëtt gréng Luucht an hätt nawell gär,

Eng Dosen Plazen fir sech an all Crèche,

Maybolli sinn ewech a freeën sech.

De Bolli sot zum May : "So weess Du wat?

Ech hunn gëschter Owend mam Thiels Louss geschwat.

De Louss war ganz definitiv an huet gesot,

Scheck Crèche geet elo an de Regierungsrot."

"Scheck Crèche fonctionnéiert wéi Scheck Repas,

Sot de Louss, a mir koum eng Tréin an d' A.

Ech hunn séi alt heemlech ewech gewëscht.

Wann hien näischt heivu weess, dat ass dat bescht."

"Freck" sot de May, "hal der de Louss gutt warem,

Da gi mer zwéin nach esou bal nit arem.

Stell Der mol fir de Staat bezilt d' Konten!

Da sti mer jo do wéi Staatsbeamten!"

D' Leit iwwerall waren enchantéiert,

D' Kanner warn versuergt an hu geléiert.

D'BGL sot mir hätten nawell gär,

Wann eis Crèche och vun Iech gefouert wär.

Stell Der mol vir, wat fir eng perfekt Welt!

Kënns te op d' Welt, da kriss de Kannergeld.

Crèche, Schoul, Chômage, Pensioun garantéiert,

Souguer d' Doudelued ass assuréiert.

T' gëtt Ieselen déi ginn op d' Eis danzen.

Alles geet gutt, mee de May muss granzen.

"Déi domm Fraleit gi mir schéin op d' Schlappen.

Enges Daags wäerten Séi dat berappen."

Enges Daags ass heiansdo keng laang Zäit.

De May huet eng Joffer erausgeheit.

"An Ech hunn och eng déi kënnt elo drun,"

Sot de Bolli, dunn ass eng aner geflunn.

Eng Crèche ass schlecht drun wann d' Jofferen fléien,

De Contraire behaapten, dat wär léien.

Maybolli, gutt am Erausgeheien,

Sinn äerdeg ewéi ee Schwaarm Wissbeien.

Dunn huet d' Sangen an der Crèche opgehal.

Maybolli selwer sinn duerfir ze al.

"Ech kann nit mat de Kanner sangen,

An Du kanns nit am Krees erëm sprangen."

"Du hues déi Jofferen jo erausgeheit,

Jo Du mat dengem éiwegen Gestreits."

Déi zwéin hunn also näischt bäigeléiert,

Mais de Renglirosen ganz zerstéiert.

Maybolli 14

"Bolli du weess alt wat Ech gären hätt

Mat fofzeg wär Ech gär an der Préretraite.

Ech hätt dat am léifsten esou gedréint.

Dat herno mol keen Hunn méi duerno kréint."

"Am beschten" sot de Bolli, "Du wiers krank,

Mais Du gesäis nit aus wéi Haut a Schank.

Krankheetshalber heescht dat, dat géing an d' Rei,

Du bléifs doheem an d' Kees bezilt Deng Pei."

"Ech sëtzen jo do am Verwaltungsrot

Ech hëllefen Dir gär mat Rot an Dot.

Ouni Krankeschäin awer geet et nit,

Ech kucken emol wéi een esou een kritt."

"Ma dach Bolli," sot de May, "Ech sinn krank,

Ech packen et just nach bis virun d' Bank.

Da ginn d' Schudderen mer duerch de BMW,

Du mengs een Héngerjuck wier ënnerwee."

"Dat geet mer duer, elo weess Ech genuch,"

Sot de Bolli, "elo kënnt de zweeten Zuch.

Mir soen Du häss eng ganz schro chronesch Kränkt,

Du hues Der d' Loscht fir ze schaffen verrenkt."

"Mais wien schreift de Certificat Médical?

Wann Ech een Schreiwen, dann meckren se'i all.

Déi gesinn eis stonnelaang am Bietschee baffen.

D' Leit froen, a wat sollen déi zwéin do schaffen?"

"Am beschten geess De bei den Dr Floretti.

Deen schreift Krankeschäiner wéi Konfetti.

Du brauchs deeër eng Dosen, vläicht nach méi

Da schaukelen mir d' Kënnchen an der Wéi."

"Oh Dr Floretti, Ech sinn esou krank,"

Sot de May, "Ech fäerten t' läit un der Bank."

Den Dr Floretti sot: "Gudden Mutt!

Ech fäerten ganz Dir gitt ni méi gutt."

"Ech schreiwen Iech elo ee Krankeschäin,

Fir eng ganz drësseg Deeg sidd Dir da fein.

Gidd awer roueg eraus ënnert d' Leit.

Bleift nëmme nit doheem wéi ageschneit."

"Gitt schéin virun d' Dir ee Maufel iessen,

Am Bietschee kënnt Dir dann d' Bank vergiessen.

A véier Wochen kommt Dir dann erëm.

Eemol de Mount dat ass jo guer nit schlëmm."

"Freck" sot de May, "all Mount zwou Minutten!

Deen Dr Floretti kritt vill Rekruten.

Krankeschäiner, Ech brauch eng Kollektioun,

Bis dass et der genuch sinn fir d' Pensioun."

De Bolli sot, "Du mengs dat géif et nit,

Mais t' ass esou, wien näischt freet deen näischt kritt.

An Ech sinn an der Krankekeess doheem.

A wat huet de May dann, dat freet jo keen!"

"An d' Bank seet bestëmmt, deem si mer gutt lass.

Du wäerts jo gesinn, keen hält Dir de Bass.

Et brauch ee just ee bësschen Protektioun,

Da bass De ënnerwee fir an d' Pensioun."