XY man Zodi um Eecherfeld

Ass dat do een Péckvillchen? Ma nee, Dir gesitt dach dass dat zwéin Sträit Hunnen sinn! Photo ET.

XY man Zodi um Eecherfeld

All gudden Mathematiker ass frou,

Wann hien iergendwéi an iergendwou,

Eng schwéier Equatioun ze léisen huet,

An séif et eng aus dem Gemenge Buet.

Am Buet goung Rieds vum Ix an Igrec,

Den Igrec dien setzt elo fatzeg am Dreck,

Well den Gauthier huet dem Ix gesot,

"Wéi goung déi Schmot duerch den Gemengerot?"

Dank dem Wort wësst Dir den Ix ass den Xaaf,

Deem ass eppes iwwert d ‘Liewer gelaf.

Et ass eng “Luxusvilla” um Eecherfeld,

Déi dem Buergermeeschter guer net gefält.

An Dir verstitt, den Igrec ass den Yves,

Dien ganzen Zodi mécht dien schéin mief.

Hien seet: “an wat Ech schonn guer net verstinn,

Däin Pätter hat mer d’ Genehmegung ginn!”

Am beschten hält een sech do ganz bedeckt,

An t’ sicht een sech een aneren Architekt.

Een neien Plang trefft den Kapp op den Nol,

A fort e geet, dien ganzen Protokoll.

Verstitt, den Igrec hat eng horribel Woch,

Den Ix setzt hien einfach an den Duerchzoch,

An den JC huet den Hollande verpaaft,

An Frankfurt fir drësseg Euro verkaaft.

Yves, ee gudden Rot, trau elo kengem méi,

Maach grad wéi Ech mat mengem Daach vun Stréi.

Soss bauen déi Dir riets ee Velodrom,

An op der an’rer Säit ee Stadion.

D' Lag vun der Natioun.

Ass dat do den Péckvillchen? Ma nee, dat ass een Spiecht. Photo ET.

D' Lag vun der Natioun.

De Juncker huet mer deeër Deeg  een gesot:

"Ech sinn esou vill mam Euro geplot.

Kanns Du mir nit eng ganz kuerz Ried opdreiwen,

Fir d' Lag vun der Natioun ze beschreiwen?"

Wann' s Du d' Lag vun der Natioun wëlls wëssen,

Dann brauch een do nit laang ze schnëssen.

An engem Wuert, an dat ass een Adjektiv:

Eiser Natioun hir Lag déi hänkt ganz SCHIEF.

Ee gudden Hunn flitt mat der Kluckseër? (2). Macht dat Helmingair.

           Ass dat hei een Péckvillchen? Nee, dat ass een Osprey mat dem Presidenten Knëppel fir d' Nascht propper ze kréien. Photo: ET

Wat hat Ech mech dann elo trompéiert! (1)

Obwuel dat do keen sech vill drun stéiert.

Ech sot de Finck dien wär elo d' Luxair,

An duerfir wär dat dann elo d' Kluckseër.

Dat alles huet sech awer geännert,

Et gouf vill iwwer déi Saach geklennert.

De Problem ass all déi Kumulanten,

Richen ëmmer méi nom Verbrannten.

Keng Angscht, de Finck bleift trotz allem am Nascht.

Et huet nëmmen ee Guckuck dran gefascht.

Do koum een am Sprint gerannt vun hannen,

A geet lass wéi déi Wëll op d' Banannen.

D' Iwerraschung haelt sech nach a Grenzen,

Een Turban flitt we'int den Turbulenzen.

Mee wien d' Aerodynamik versteet,

Dien weess, Ech waarden bis dat de Wand sech leet.

Den Pol huet guer näischt mam Qatar ze dinn,

T' muss een Hien als Indépendant gesinn.

Hien leed lo d' Geschécker vun der Luxair,

Aus der Kluckseër maachen mer d' Helmingair.


(1) http://peckvillchen.blogspot.com/2012/02/ee-gudden-hunn-flitt-mat-der-kluckseer.html

D' Fekter huet dem Juncker säin Mikro geholl.

Ass dat do  den Peckvillchen? Nee, dat ass een streiderechen Hunn. Photo E.T.

O, jo! Hat muss och ëmmer alles hunn!

An elo hunn mer dann dat dervun.

Hat huet dem Juncker den Mikro geklaut,

An ellen Wierder an d' Géigend gejaut.

D' Maria huet d' Wuert "Milliarden" gesot!

Mee de Juncker sot hien hätt sech geplot,

Et wär un him gewiescht fir ze schwätzen,

An sech mat deeër Affaire ze bretzen.

Kommt elo all schéin brav, dir Kënnercher,

Soss gëtt d' Joffer Iech eng op d' Hënnercher.

Der Spillschoulsjoffer geet et elo duer,

Sie huet schliisslech hiren Titel verluer.

Dir frot Iech: a wuer geet dat alles hin?

Et sollen jo keng Jofferen méi ginn!

Grad duerfir goung d' Maria virun d' Press:

Esou een Sommet wär guer keen Pince-Fesses.

Gesicht: een Eurolog fir Mössjö Euro

Ass dat do den Péckvillchen? 

Nee, et ass een bloen Heron dien kuckt nom Här Euro. Photo ET.

Ech weess dass D' et scho weess,

De Juncker goung op d' Rees,

Hien goung bei d' Langobarden,

Fir een Successeur ze fannen,

Mee de Monti dien sot Nee.

Ech weess dass D' et scho weess,

De Juncker goung op d' Rees,

Hien goung bis ënnert d' Lannen,

Fir een Successeur ze fannen,

Mee de Schäuble dien sot Nee.

Ech weess dass D' et scho weess,

De Juncker goung op d' Rees,

Hien goung bis op Man Hannen,

Fir een Successeur ze fannen,

Mee de Jyrki dien sot Nee.

Ech weess dass D' et scho weess,

De Juncker goung op d' Rees,

Hien sicht wéi Jang de Blannen,

Kann keen Ramplassang fannen,

Alleguer soten Nee.

T' bleift een vun deem Ech weess,

Fir dien brauch een keng Rees,

Well dien ass doheem ze fannen,

Dien fënnt souguer ee Blannen,

De Frieden! Seet dien Nee?

Ech weess den JC weess,

Hien brauch am Fong keng Rees!

Hien kann sech jo selwer fannen,

An dann an d' Belsch verschwannen,

Den Frieden seet nit Nee!

Ee gudden Hunn flitt mat der Kluckseër.

               Ass dat hei een Péckvillchen? Nee, dat ass een amerikaneschen Mockingbird. Photo:ET

D' Leit kloen ëmmer, Hätten an Haten,

Wären laut Spréchwuert zwou arem Staten.

Duerfir geet näischt iwwert den : "Ech hunn."

T' sief dann d' Kluck an den Guckuck waren drun.

Mir haten d' Arbed an och d' KBL,

Mir haten d' Dexia an RTL,

Mir hätten och haut nach Villeroy Boch,

Mee mir haten nie den richtegen Zoch.

An d' Cargolux huet ee Guckuck am Nascht, (1)

Wat iwweregens keen méi iwwerrascht.

Dien selwechten Guckuck leet lo seng Eeër,

Als BIL verkleet an d' Nascht vun der Luxair.

An d' Luxair schéngt huet sech de Finck gefëscht,

Dien steet elo mam Guckuck op der Lëscht.

Finck an Guckuck kléngt sou schéin aviaire,

Nët, mir fléien elo all mat der Kluckseër!

(1) D' Cargolux huet ee Guckuck am Nascht!

Myanmar ass bal eppes wéi Florida wat géing a Burma leien.

Ass dat do ee Peckvillchen? Nee, dat ass ee wellen Untert. Photo: ET

Eisen Ausseminister ass op Rees.

Hien wollt mech bestëmmt besichen kommen.

Hien sicht no engem Thein, an dréint am Krees,

Fir sech an Asien ze verrennen.

T' ass awer egal, t' gouf keng Zäit verluer.

A Burma gesouch hien den U Thein Sein.

Lëtzebuerg schéckt lo een Botschafter duer,

An domadder war den U Thein Sein fein.

Florida muss waarden op säin Besuch.

T' ass Schued, hei kann een schéin Vëlo fueren.

Ech maachen och Téi an Zitrounen Kuch,

Mee all Mënsch versteet, mir mussen spueren.