De Juncker huet eng Féck-Mille-chen

Ass dat do den Péckvillchen? Nee, zwee mol dräi an enger Rei ass 

eng Féckmillchen. Photo: Archiv Péckvillchen.

De Juncker huet eng Féck-Mille-chen

An der leschter Bänk sëtzt nit dien jéngsten Juncker,

Hien beschwéiert sech am Oppositiouns Bunker.

Hien hat elo grad säin neien Job probéiert.

Mee hien huet jo nëmmen fir Premier geléiert!

Hien grommelt iwwert dien neien do, den Bettel,

A granzt, "bei den Walen krut dien mol keen Drëttel.

An seng Ried! Wat dien mat Aarmut ëm sech gehäit,

Dat huet dien alles vun mengem Programm geknäipt."

Den Huissier huet Biekerecher Waasser geschott.   

"Waasser!" sot en. "Et geet sou lues duer hei mam Spott".

Hien sëtzt hannen bei der Heizung, wéi d' Méck um Krunn.

Op dëser Mëscht war hien dach nach ëmmer den Hunn!

T' sot alt een "Moien Misch, bass Du och elo hei!"

Ma wat eng Frechheet, t' ass awer nit an der Rei.

A wann se dann mengen, dien do ass bal um Enn,

Dann trëpplen s'op een, wéi beim Hennes op der Genn.

Da kënnt och nach een mat "Die Sache mit der Uhr".

"Kemmer, këmmer Dech em näischt, et geet elo duer.

Dien hei ass een fräie Mann, egal wat, wou, wéi,

Ëmmer drun, mee dat hei! Dat packen Ech nit méi".

Mengt awer elo keen, dien do hëlt seng Pensioun,

Hien geet éischter nach an d' Bréisseler Kommissioun.

Et stinn him nach aner Lächer op, wéi den Europarot.

"Mee vergiesst d' Europaparlament" huet hien gesot.

Hien sot dem Spiegel, "schreift d' Leit hätten all gesot,

De Juncker kann nit Nee soen, wann Dir hien frot."

Dann geet hien op Europa, t' ass schonn verhandelt.

An den Spiegel schreift, t' war "gefickt eingeschaedelt !"

Mir verstinn elo säint Europäescht Spillchen,

Egal wien, wou, wéi, Bréissel ass eng Féck-Mille-chen.

Als leschten Kommunist fiert hien dann op Bréissel,

En päift duerch d' Loft, mam Hummer an mat der Séissel.

Wéi den JC gekräizegt gouf (ca. 19 Deeg no JC).

    Ass dat do den Péckvillchen? 
    Ma nee, dat ass een Kräizermecher. Photo ET

Wéi den JC gekräizegt gouf (ca. 19 Deeg no JC).

Den JC hat alles am Viraus verkënnegt,

Hien wär d' Affer Lämmchen, mee hätt nie gesëndegt.

Den ongleewegen Mischi, dien huet näischt gegleeft,

Bis dëser Deeg, wou den JC bis op Berlin leeft.

Do war d' Angela mat enger Schuer vun Engelen,

Léisst d' Bundesverdienstkräiz virun him dengelen.(1)

Als Plooschter um Bauch, heelt et kranken Éiergäiz,

Mee d' Angela neelt den JC selwer un d' Kräiz.

Et war ee grausamt Spill, t' gouf Merkel an Maus gespillt,

Et war esou em Halloween, den Biesem stoung virun der Dier.

Beim ZDF gouf hien an eng Bidden gesat.

"Hellau, hellau" sot hien, t' gouf geschwat a geschwat.

T' gouf och eent lescht Abendmahl, mat Zopp an z' iessen,

Gesolpertes, an Jägermeister nit vergiessen.

Een Thüringer, an Schweinshaxen mat Sauer Mouss,

Spätzle, Rotkohl, et ass engem erëm gestouss.

Doheem spillt den Bettel Pontius Pilatus,

Mee den JC goung zum Hellegen Franziskus.

Well et gëtt jo een groussen Präis dien feelt him nach!

An dat wär, hien wär gär direkt helleg gesprach....

Elo sëtzt hien do am Altersheim mam Sarkozy,

Mam Blair, Idi Amin spillen se Monopoly,

Et geet hinnen awer gutt, wann Dir mech frot,

Well den Krecké sëtzt och do am Verwaltungsrot.

(1)Großkreuz des Verdienstordens der Bundesrepublik Deutschland, mit Stern und Schulterband, Adler maschinengestickt, sechsspitziger Brusststern links, mit Urkunde

Den Obama blaméiert den Juncker

Ass dat do den Péckvillchen? Nee, mee Ech kann näischt verroden. Photo ET

Den Obama blaméiert den Juncker

Gëschter war d' Angela bei den Obama soueren.

"O Boma" sot hat, "wat hues Du grouss Oueren!"

"Dat ass fir Dech besser ze héieren mäi Kand",

"Just den Juncker lauschteren, dat ass keen amstand."

Wéi Ech dat héi'ren hunn goung ech bei den Barry,

"Ech wëll näischt héieren vum Hillary an Kerry,

Duerfir koum Ech direkt bei Dech an däin Bunker.

So mir, diskriminéiers Du géint den Juncker?"

"Ma ET, wann's  Du eis näischt géings iwwersetzen,

Dann wéisst jo keen vun wat den Juncker géing schwätzen.

Mir hunn zwar dem SREL seng Auer an der Festung,

Déi spëtzelen, an schécken eis d' Iwwersetzung."

"Den Vladi sot och, Juncker-googlen huet keen Wäert,

Am KGB setzen se op een anert Päerd,

Den Vladi an den Xi sinn lo hannert dem Xav,

Dien huet een neien Kryptovox hannert dem Schaaf. "

Mee d'Angela huet beim Obama eng Iddi kritt,

Wann Deutsche Telekom Sie warnt mat "Feind hört mit",

Dann mellt Sie sech mat "Hei ass den Schoonkloot Juncker",

"Märtt!" son d' Spiounen dann an hiren Spelunken.

Den Hollande dien keen Hollännesch kann krut dat mat,

An hien sot, dann maachen Ech elo grad wéi hat.

Et schellt. "Hei ass den Schoonkloot Juncker", sot Sie dunn.

"Jawoll, ici aussi" huet den Hollande dunn gelunn.

Den Obama kraazt sech laang hannert dem Ouer,

Merkel an Hollande sinn verschwonn, ass dat wouer?

Mee den Schoonkloot héiert een op allen Leitungen,

Just nit bei den Koalitiounsverhandlungen.

D' Responsabilitéit am SREL ass objektiv an subjektiv.

Ass dat do den Péckvillchen? Ma nee, Dir gitt hei observéiert vum SREL.

D' Responsabilitéit am SREL ass objektiv an subjektiv.

T' Schold um SREL ass déi objektiv an subjektiv?

Administrativ, ëmgedréint an der Spektiv,

Sinn Ech awer positiv dat wär relativ.

Ech sinn also konstruktiv an nit negativ.

Dien Konjunctiv ass e bësschen spekulativ,

Et ass keen Superlativ, dat wär exzessiv.

Ech sinn affirmativ, den SREL ass explosiv.

Do war keen passiv, all waren d' Lokomotiv.

D' Zeien sinn negativ, d' Affaire ass massiv,

D' Method war primitiv an d' Geschäft lukrativ,

Sou eng Kooperativ fir déi destruktiv,

Fir déi gouf et keng attraktiv Alternativ.

Hiren Laxativ war duerfir och produktiv,

An den Beschass korrosiv fir den Roby Biev. (1)

Hien war sou sensitiv, a wosst nit op hien blief.

Wann Iech geliv, Ech soen Iech dat am Subjonktiv.

Duerch mäin Objektiv um wackelegen Stativ,

Sinn se selektiv an der Kommissioun Bodryv.

Mir sinn dubitativ, alles ass SRELativ.

D' Moral ass demonstrativ een Junckerlativ.

(1) Ganz kloer huet een do den E an den R geklaut. Dat war den Här "M" dien huet se fir een CD dem Heck geschenkt. An elo hunn mir och een Hecker am SREL.

Marie-Josée, Wimboe

Ass dat do den Péckvillchen? Nee dat ass den Premier dien een neien 
Minister begréisst. Photo ET, ëmmer derbei!

Marie-Josée, Wimboe

Dem Urwald ass déi traureg Nouvelle schonn bekannt,

Se soen den Juncker hätt d' Marie-Josée verbannt !

Den Tarzan jäizt: " Yahoohohohoyahooo,

A wien bréngt eis d' Entwécklungshëllef dann elo?"

De Léiw sot zum Hunn, gëff Du mir séier eng Pëll,

T' leeft alles schief, mir sinn a bleiwen wat Ech wëll!

Ouni der Tatta Marie-Josée hir Schecken,

T' wär schlëmm, O nee, Wimboe, Ech kennt frecken!"

Sou sot de Léiw, an dunn huet en sech hi geluecht,

Den Chagrin huet den Entwécklungs Kinnik geschluecht,

An dem Spautz säin Jong hëlleft elo mat sangen,

"O  Wimboe, ma Ech sollt dach do asprangen!"

Maacht emol lues, fir d' éischt gëtt Sproochen geléiert,

"Loaka ya Lëtzebuerg"  distribuéiert.

An dann gëtt nach geimpft, ee Pass, an trainéiert,

Ier een mam Scheckbuch duerch d' Welt spazéiert.

De Péckvillchen krut den CD geknackt!!

Ass dat do den Péckvillchen? Nee, dat ass een Agent 

vum MI6 mat Mikroen ëm d' Aen. Photo: Geheimarchiv ET

De Péckvillchen krut den CD geknackt!!

Mille Nondikass,

Beim Juncker ass epps lass!

Am Juncker seng Haascht kennt de Mille geschlach,

Eng schwéier Guckucks Auer um Arem.

De Mille huet getaascht am däischteren Lach,

T' war schwaarz wei am Däiwel sengem Daarem.

Mille Nondikass,

Dann so mer wien's De bass!

Sou sot den Juncker hannert dem Spigel.

O Meeschter, Ech sinn den Null, Null Dausend:

Alles wat mir hei soen bleift ënner Sigel.

Sot den Mille, seng Paréck voller Krauslen.

Mille Nondikass,

Wann dat dann alt esou ass.

Well den Péckvillchen setzt op der Lauer,

Bis elo hat keen epps an Uecht geholl.

Hien ass den Guckuck an der Guckucksauer

Vun deem den Juncker jo näischt wëssen soll.

Mille Nondikass,

An hei ass den Beschass:

Den Mille seet den  "Duddelutt"(1) hätt epps bruecht,

Een eidelen CD, dien wär zwar voll !

Sie géingen all drun schaffen bis an d' Nuecht,

A keen hätt zënter zwéin Deeg Congé geholl.

Mille Nondikass,

Dem Juncker feelt den Bass.

Den Büro ass méi schwaarz wéi d' CSV,

Jojo, hm, oeh, seet den Juncker, jojo,

An en dämpt dobäi wéi den Kohlenklau,

Ma nee jo  dach, dat kéim jo nit a Fro !

Mille Nondikass,

Et gëtt ëmmer méi krass.

Vun der Kathedral laut et Hallefnuecht,

Eng Dir quiitscht, d' Matahari kennt eran,

Ouni Hari, t' huet just een Dossier bruecht,

Do stinn d' Nimm vun den Bommeleerten dran.

Mille Nondikass,

dat Meedchen do huet Klass.

Den Null, Null, Dausend kennt eppes dervun,

Dat ass eent vum "Duddelutt" aus Thailand.

Jojo, ma nee, dach, sot den Juncker dunn,

Dat Meedchen do dat kann schonn allerhand.

Mille Nondikass

Wann dat doten wouer ass!

Jojo, dach, sou soen Se am Emm Ei Sechs,

Fir eis geet hat manipuléieren,

Null, Null, Dausend, Du denks direkt un Sex,

T' ass awer geheim, do muss een léien!

Mille Nondikass,

Dien CD gëtt zerrass !

T' kritt keen en op, souguer nit mam Hummer.

Jojo, Mm-Hmm, ee richtgen Coffre-fort.

Mir soen einfach t' war eng falsch Nummer,

Du waars jo selwer domadder d' Accord

Mille Nondikass,

Et ass alt wéi et ass.

De Péckvillchen an der Guckucks Auer,

Kann nit méi, vun Laachen pisst en an d' Box

O nee, wat sinn dat do zwéin Schlauer,

Déi verbraddelen nach den Kryptovox.

Mille Nondikass,

Ma kuckt dach wat do drop ass!

Zum engen weess den Jean-Claude dach wat en sot,

Zum aneren steet den Code jo grouss drop:

9IW-O77VH: 3WVS3S, hätt Dir de Péckvillchen dach gefrot!

Dien hätt gesot, ma liest dat op der Kopp!

 (1) "Duddelutt" ass de brouillage vun der BBC am Krich während "Ici Londres, Halt en den Bass".

Gesicht: een Eurolog fir Mössjö Euro

Ass dat do den Péckvillchen? 

Nee, et ass een bloen Heron dien kuckt nom Här Euro. Photo ET.

Ech weess dass D' et scho weess,

De Juncker goung op d' Rees,

Hien goung bei d' Langobarden,

Fir een Successeur ze fannen,

Mee de Monti dien sot Nee.

Ech weess dass D' et scho weess,

De Juncker goung op d' Rees,

Hien goung bis ënnert d' Lannen,

Fir een Successeur ze fannen,

Mee de Schäuble dien sot Nee.

Ech weess dass D' et scho weess,

De Juncker goung op d' Rees,

Hien goung bis op Man Hannen,

Fir een Successeur ze fannen,

Mee de Jyrki dien sot Nee.

Ech weess dass D' et scho weess,

De Juncker goung op d' Rees,

Hien sicht wéi Jang de Blannen,

Kann keen Ramplassang fannen,

Alleguer soten Nee.

T' bleift een vun deem Ech weess,

Fir dien brauch een keng Rees,

Well dien ass doheem ze fannen,

Dien fënnt souguer ee Blannen,

De Frieden! Seet dien Nee?

Ech weess den JC weess,

Hien brauch am Fong keng Rees!

Hien kann sech jo selwer fannen,

An dann an d' Belsch verschwannen,

Den Frieden seet nit Nee!

Lëtzebuerger Sondagen

Spigelchen, Spigelchen un der Wand,

Wien sinn déi flottst Ministeren am Land?

Dat sinn dräi Hären dat wësst Dir all,

An d' Dammen sinn all duerchgefall.

Dien éischten ass vir an bleift och do,

All déi aner kommen deem nit no.

Obschonn déi zwéin nächst sech och net ginn,

Bis mer Séi um ZDF gesinn.

Ech sinn fir den Schmit an d' Octavie,

Well déi aner dräi gesäit een nie.

Déi zwee sinn déi leescht, d' ass fir ze laachen!

Et sinn just déi, déi d' Aarbecht maachen.

Déi aner dräi déi sinn jo nie do,

Dien een dien danzt mat der PLO,

Dien do mat Katareschen Fongen,

Hien selwer mat griicheschen Stongen.

An duerfir ass d' Moral vun der Geschicht:

Gitt an d' Ausland wou keen Iech sicht.

Dann op ZDF an spillt den Här,

Dat mécht Iech doheem sou populär.

Un der Atert, no beim Waasser

Un der Atert, no beim Waasser,
Wou di grousseg Pëppele stinn,
Wunnt de Bauer Péitchen Lauer,
An zéng Kéi déi Mëllech ginn.

Refrain:
O meng Modi, wat een Zodi,
Ech gesinn der just nach ning.
Mäin Noper ass ee Raudi, (1)
Dien Déif huet mäint Josephine!

Den Noper deet d' Kou erféiren,
Séi fäert d' Kuddelflecksmaschinn,
Mee hien léisst sech guer net stéiren,
A seet t' wär säint Josephine.

Eisen Bauer Péitchen Lauer,
Mécht eng Klo fir d' Josephine,
Um Gericht kuckt keen op d 'Auer,
A wou bleift mäint Josephine?

Dräizéng Joer, gouf getuddelt,
Mee keng Spur vum Josephine.
An der Affaire gouf gefuddelt,
Den Péitchen huet net opginn.

An zu Stroossbuerg krut hien endlech Recht,

Lëtzebuerg gouf do gemëscht.

D' Regierung krut eng gutt gepecht,

An steet op der schwaarzer Lëscht.

Eisen Juncker, bei den Griichen,

Hellt deck mat Argumenter,

Mee den Péitchen, bei den Däitschen,

Baut do säin Agro Center.

O meng Modi, wat een Zodi,
Kann dann keen mir Recht hei ginn!?
Mäin Noper ass ee Raudi,
Hien huet nach ëmmer d' Josephine!

(1) Kuckt Iech den Hannergrond un: d' Geschicht vum Bauer vun Mäertzeg.

http://feierwon.blogspot.com/2011/06/la-justice-des-hommes-est-imparfaite.html

Den Hansli Juncker ass een Schwäizer!

Ech sot näischt, hien huet dat selwer gesot,

Hien huet gesot "ech sinn dien gréissten Schwäizer!"

Dat ass net bescheiden wann Dir mech frot,

D' Cap an d' Schwäiz kruten Fändlen mat Kräizer.

Mir duechten, hien geet dien Blocher beetschen,

Lo kritt dien emol den Füddli gehaen,

Do ginn déi zwéin sech een Débat leeschten,

Séi hunn sech alle béid sou gutt verstan.

Elo huet den Juncker ee Schwäizer Pass,

Wéi all déi aner Jünger vum Rütli,

Hans-Kloot Juncker hunn Séi 'm als Numm verpasst,

De Wilhelm Tell nennt hien schonn den Hansli !

Déi ganz Schwäiz verléiert hei de Verstand,

Sengt vum groussen Här aus dem klenge Land:

Wenn I numme wüsst wo üse Hansli wär,

Üse Hansli chunnt vo Adelbode her,

Adelbode isch im Luxemburger Land,

Ds' Luxemburger Land isch schö-ö-ön,

Wie ds'Oberland ja ds'Oberland,

Wie ds' Bärner Oberland isch's schön.

Lëtzebuerg gëtt erëm ganz neutral,

An den Te Deum ginn mir jodelen,

An d' NATO and d' NAMSA sinn eis egal,

Mir sinn amgaang d' Arméi ëmzemodlen.

Aus Europa gëtt démissionéiert,

Déi wollten keen Hansli als President.

Da kann Lëtzebuerg ganz ongenéiert,

Dat maachen wat et am beschten kennt.