Dem Péckvillchen seng Neijoschried

Ass dat do den Péckvillchen? 

Ma dat wär jo awer gelaacht! Photo ET

Dem Péckvillchen seng Neijoschried

Well den McKinsey jo keen Lëtzebuergesch kann,

Huet den Péckvillchen seng Ried mussen selwer man.

Eng gutt Geleeënheet fir vill Geld ze spueren

An domat mam Maggy an d’ Vakanz ze fueren. 

An hei ass déi Ried, mam Juncker senger Gänsefieder geschriwwen:

Léif Lëtzebuerger, léif Portugisen, léif Fransousen,

Léif Belsch an och Preisen, an nit ze vergiessen:

اللاجئين الحب ,

Léif auslännesch Persounen wann dir eis Welt Sprooch verstitt.

Also als Staatsminister vum Lëtzebuerger Staat,

Sinn Ech frou well mir hunn jo näischt futti gemat.

D’ Leit soen jo ëmmer “Wien näischt mécht, dien näischt brécht”

An dat ass an eisem DNA ugepecht.

T’ éischt soen mer riicht eraus an näischt derniewent,

Wéi frou mer sinn an engem frouen Land ze liewen.

Well déi frou auslännesch Persounen dat selwer soen,

Kann Ech mam Juncker do voll derhannert stoen.

Obschonn, an do kann een anerer Meenung sinn,

Gëtt et jo kaum eppes wou mer eis nit verstinn.

An dat ass jo sou formidabel ze gesinn,

An ze héieren, frot Dir no allen Säi-äiten hin.

Dir an Ech wëllen jo an kengem Land liewen,

Wou een un alles sou schwéier muss hiewen.

Et muss eemol gesot ginn, dann ass et gesot,

Am léifsten hunn mer d’ Dauwen schéin fäerdeg gebrod.

Ënnert eis gesot, an mir liewen nach all dovun,

Well mer d’ Steierparadies ëmgekrempelt hunn,

Ass et eis egal wat se déi Säit der Musel man,

Eis Flüchtlingen hunn Suen déi Säit dem Ozean.  

T' kann een sech selbstverständlech och mol do bekloen,

Mee eis Spuerkeess léisst do keng Milliarden stoen.

A wann eng Brems gebraucht gëtt kennt den Felax Briz,

Dien bremst dann fest als Minister vun der Justiz.

Léif Lëtzebuerger and déi, déi et wëllen ginn,

An wann s’ et sinn, och bleiwen wëllen wat se sinn.

An duerfir wënschen Ech Iech vill Neit Joer am Gléck,

An vill Freed bei der Lektür vum Villchen Péck!

Wann d’ Maggy zréck bei d’ Maus Ketty geet

Ass dat do den Péckvillchen? Ma nee, dat ass een Nol!

Photo ET/Mudam

Wann d’ Maggy zréck bei d’ Maus Ketty geet 

Schonn eng gutt Zäit soen d‘ Munnerefer Läit,

Dass eist Maggy geschwënn seng Kromm an d’ Heck gehait.

Hat wär jo bestëmmt nit vum Delles gebass,

An hat wär jo dat nit néideg, all dien Beschass!

Käpp mat Neel ze man, dat wär d’ Regierung amgaang,

D’ Maggy huet saïn Job beim Schleck saïn Vëlo gehaang.

Mee virdrun huet et nach séier een Scheck geschéckt,

Fir dass den Mudam eis weider d’ näächst Joer begléckt.

Mir aner Kulturschaffend sinn doudonglécklech,

HBO, Katar, Péckvillchen trëfft dat schrecklech!

Mir setzen do zu Weiler um Fierkel ze knabberen,

“Wir wollen unsre Maggy Nagel wiederhab’n!”

Japan huet den Juncker mam Santer verwiesselt!

Rising sun. On my way to the Crane Dance.
Photo: ET

Japan huet den Juncker mam Santer verwiesselt!

Den Jacques Santer deem saïn Stär jo blatzeg do steet,

Krut den japaneschen Uerden vun der Sonn déi opgeet!

Keen Mënsch versteet wuerfir hien déi Médaille do kritt,

Déi war fir den Juncker, well déi hat dien nach nit.

Fir all den Knaschtbeschmotzer den Mond ze stoppen,

Goung den Péckvillchen no Informatiounen shoppen:

Abbe sot den Abe, den Santer San huet Mériten, dien giff

Sake glëschten, beim Apéro an Digestif!

Breaking News : Den Péckvillchen gëtt Chef de Cabinet

Neien Wand an der Regierung.
Photo ET/Service Information et Presse

Breaking News : Den Péckvillchen gëtt Chef de Cabinet

Den Péckvillchen war jo ganz laang an enger Schoul,

Do huet en schreiwen geléiert mam Schal an mat der Moul.

Elo huet d’ Regierong op eemol Kretschen gebraucht,

An natierlech ass den Péckvillchen als Kandidat opgetaucht.

Dir konnt Iech jo schonn selwer vergewësseren,

Wéi d’ Communiquéen changéiert hunn zum Besseren

Ouni Iwwerhieflechkeet, mat enger Touche Humor,

Dien neien Wand huet eben een Péckvillchen am Motor.

Am Mali sinn lo zwéin Zaldoten hutt Der gesinn,

D’ Regierong wollt domat den Internet laachen dinn.

Dien Expeditiounskorps kascht eis zwou Milliounen,

Dat heescht t’ sinn zwéin Genereel mat Cargolux Pensiounen.

An hei den Communiqué am Wand: Honi soit qui Mali pense

Renforcement militaire au Mali: envoi d’un militaire supplémentaire au sein de la mission de formation militaire de l’UE EUTM Mali doublant la présence militaire luxembourgeoise sur place. Ce militaire sera sur place dès janvier / février 2016 et occupera un poste de conseiller auprès des forces armées maliennes

“Mat Gambia kann jiddereen Tramsschaffner ginn!”

Ass dat do den Péckvillchen? 

Ma nee, dat ass een Kaartepëtzert. 

Photo ET/LuxTram

“Mat Gambia kann jiddereen Tramsschaffner ginn!”

Dat huet den TRAMSportminister déclaréiert,

An huet eis all bei den Auchan invitéiert.

Well do huet hien eng schéin Attrapp vum TRAM gebaut,

D’ Geld duerfir gouf vum Kilometergeld geklaut.

Wat keeft een haut schonn fir dräihonnertdausend Euro?

D’ Attrapp ass jo och nëmmen fir ze spillen do.

An duerfir steet den Tram ouni Schinn sTRAMm am Zelt,

Fir d’ Sécherheetsguerten hat den Bausch nit genuch Geld.

“Kommt mer spillen, Ech wär Schaffner”, huet den Bausch gesot.

“An Ech dann och”, sot d’ Lydie, “wéint der Fraequot!”

Dunn sot den Etienne, “an Ech sinn Guichet Unique”,

An d’ Closener sot hat wär am léifsten Flic.

Den Bettel tweet: “ulTRAModern #blo Kabinnen”,

De Jang gëtt em alt eng heemlech an d’ Schinnen.

D’ TRAMicale vu Steesel sengt den Feierwon,

An d’ Frontalieren loossen hiren Auto stoen.

Mam Chantier brauch een Nerven wéi TRAMsschinnen,

Eis Commerçanten strahlen wéi zéng Corinnen.

Wien meckeren wëllt, mécht dat beim Guichet Unique,

Oder bei der Justiz, mee dat ass eng aner Clique.

Nom Jangeli, Charly, hei ass dann den Bauschli!

Geseent vum Poopst: “E pericoloso sporgersi.”

An den Donald TRAM kennt souguer op d’ Jungfernfahrt,

Dann gëtt ee gudden GewürzTRAMiner geschmaacht.

An wann iwwer Joer an Dag den TRAM eidel ass,

Sot dann nit Gambia war vum Lämmes gebass!

Oder déi sinn eng Band vun Debütanten,

Nee, den TRAM gëtt dann Wunnengen fir d’ Asylanten.

Den Xav, de Jang an déi siwen Zwergen am G9

Ass dat do den Péckvillchen? 

Nee, dat ass den G9 +1. Photo ET

Den Xav, de Jang an déi siwen Zwergen am G9

Déi béiss Stéifmamm, den Jean-Claude, huet dem Jang gesot:

“Wien ass den flottsten, hunn Ech den Spiegel gefrot.

An dann geet d’ Äntwert mer awer sou op d’ Schlappen:

Ëmmer den Xav, dien wäert mer dat schonn berappen”.

“Elo kënnt en mam G9 vun den klengen Staten,

Dat wär besser wéi dat wat mer bis lo haten.

Amplaz dien klengsten vun den Groussen ze sinn,

Géifen mer dann dien gréissten vun den Klengen ginn!”

“An dat alles ouni dem Jang eps ze soen,

Als Ausseminister stellt een sech do Froen!”

“T’ ass schonn gutt” sot den Jang, “dat do kennt op den Dësch,

Dien huelen Ech elo mat op d’ Kräizerbuch an den Bësch!”

D’ Stéifmamm huet dunn nach séier een Apel vergëft,

An kuckt féckereg am Spiegel no dëser Iwwerschrëft:

"Den Jang an den Xav wëllen sech gutt verdroen,

Se wëllen just mat den klengen Hënn pissen goen."

Lëtzeburka

Ass dat do den Péckvillchen? 

Vläicht dien lenks, mat der Burka. Photo ET

Lëtzeburka

D’ neit Burkasgesetz ass ënnert dem  Dësch verschwonn,

Den Premier huet ganz eleng géint se all gewonn.

Hien huet jo nëmmen siechzéng Burkaen gezielt,

Provisoresch ass also dat Ee do geschielt.

Mee den Péckvillchen dien päift jo d’ Wourecht vum Daach,

Den Premier huet beim Zielen een Feeler gemaach.

“Déi do hunn Ech schonn gezielt”, huet den Xav gesot.

Et wär besser gewiescht hien hätt hiren Numm gefrot.

Well jo eng Burka awer enger aner gläicht,

Huet den Péckvillchen dunn ënnert d’ Burka gereecht.

A kuckt hei, déi Kontroll war nit iwwerflësseg,

Well elo hunn mer der schonn zweeandrësseg.

D’ Regierung seet bei sou wéineg brauch een keen Gesetz,

Dann brauch een bei souvill Stau och keen Kamerasnetz,

Schraasseg geet zou, t’geet jo keen Bankier an de Prisong,

Beim Alkoholtest seet een, “Ech hunn eng dréchen Long.”

Wann der zweeandrësseg op den Stroossen rennen,

Dann léieren se dem Bausch seng Kamera kennen!

Wann der awer näischt wëllt géint Burka maachen,

Dann ersetzt se wéinstens mat aneren Saachen!

Den Péckvillchen seet: “Een Motoshelm wär d’ Affaire,

Reglementéiert vum Transportministère!”

Déi Casquen sinn jo bekanntlech all integral,

An droen sech wonnerbar mat engem Schal!”

Dat verbessert deenen Dammen hir Protectioun,

Dann hunn se eng Visière mat Panoramavisioun,

Eng Knautschzoon fir wann een sech am Sam vertrëppelt,

An keen doudegen Wénkel wann een d’ Kéieren schnëppelt.

 Déi Helmer ginn dann och zu Sandweiler kontrolléiert,

Mat engem Numero immatrikuléiert,

Schonn fir Chrëschtdag wär dat neit Gesetz dann aktiv,
Fir den Bausch um Vëloh bleift et fakultativ.

Je ne suis pas Maggy

HAHAHAAA! HBO. Photo:
Page Culurelle Peckvillchen

Je ne suis

pas Maggy

D’ Maggy war “Not amused” well do een seet Lëtzebuerg wär eng kulturell Sahara. Do kann een nëmmen soen, wann Ech d’ Wuert Kultur héieren, dann gräifen Ech dach zum Péckvillchen! An am Ministerrot e Freideg setzt een den Péckvillchen ënnert d’ Haaptrubrik, an dat ass Péckvillchen. T' brauch een jo awer nit all Spaass ze verstoon!

Kommt mer geheien dien vun der SES. Non, mais.

D’ Mumm Séiss vermummt sech nit!

Ass dat do den Péckvillchen?
Ma nee dat ass een Bok. Photo ET

An hei ass déi iwwerfälleg Restauratioun vun engem Stéck Lëtzebuerger Kultur: 
Aus der Kasär gouf eng Bank, an aus dem Kanonéier gouf een Bankemployé. An een Happy End.

D’ Mumm Séiss vermummt sech nit!

Et wor eemol een Bankemployé,

Dien flotten Ali al Bakar.

Méi schéin wei all déi am Komitee,

Sief et an der BIL, oder am Katar.

Zu dräi wollten mir ons bestueden,

D’ Maus Ketti den Ali an Ech.

Mee do hunn Ech mech mol gefrueden,

Ass dat vläicht dach een vum Daech?

Eis Frënn waren all Alarmisten,

Dass mir d’ Burka droen missten,

Well hien wär bei den Salafisten,

An hien wär géint d’ Sozialisten!

Ech sinn aus den Wolleken getrollt,

Een Polygamist hat mech verkoolt?

An dunn hunn Ech zum Gléck nit wollt,

An dunn hunn Ech zum Gléck nit wollt.

An hei ass déi original Versioun vum Opéra du Trottoir:

D’ Doris krut eng Härenauer

Ass dat do den Péckvillchen? Ma gewëss. 

Dajee Jongen en bësschen Energie. 

Photo ET / DURACELL

D’ Doris krut eng Härenauer

Vum Juncker senger aler Haascht koum wäissen Damp,

Gouf éieren een neien Chefspioun ernannt?

Do, dëser Deeg deet d’ Doris d’ Härenauer un,

Déi hat den Mille dach deeër Deeg beim Juncker un!

Mee Minutt emol, ass d’ Doris d’ Matahari,

Vun deemools beim Juncker sengem Larifari?

A wat heescht hei den Heck huet nit méi d’ Energie?

Gitt dem Doris awer dann eng Ersatz Batterie.

Den Heck war jo bekanntlech dem Juncker saïn Mann,

An d’ Doris dem Bettel seng Fra, fir den SREL ze man.

Den Échange vun den Spiounen verleeft ganz strikt,

Geplangt wéi Dir dat jo all Dag am Kino gesitt:

Déi  zwee sinn op béid Säiten vum Check Point Charly,

T’ ass d’ Tramsgare an der Mëtt vun der Bréck fir den Bauschli.

Do ass den Échange, just iwwert der Festungsmauer,

Den Krichsminister Sniper läit do op der Lauer.

Den Heck am Camouflage kënnt bal op den Knéien,

D’ Doris danzt d’ Bréck erop, t’ denkt een et kéint fléien.

D’ Regie huet den Clint, Musek vum Ennio Morricone,

Eng Drëps Schweess rullt lues iwwer den Kalatsch Kolwen.

D’ Welt hält den Otem un, den Sniper läit do prett.

Do ass den Moment, déi zwee kräizen sech an der Mëtt,

Wéi am kalen Krich deemools zwëscht Ost an Westen.

Déi zwee man een dem aner onanstänneg Gesten.

Mee d’ Saach ass gelaf, d’ Situatioun ass entschäerft,

Den Bommeleeër seet “ mais ça c’est une schéin Märtt”,

“Laisse aller, c’est une Woltz” sot dunn den neien Spioun,

An den Heck fiert op den Felgen Direktioun Défense Direktioun.

Den Null-Null Dausend sot, “déi Saach ass Siemens!

D’ Auer geet dann rëm bei den Bettel an d’ Konferenz?”

Een neien SREL-Gate, dat wär jo awer den Clou.

Nom Big Brother heescht et Big Sister is watching you!

Wéi d’ Spuerkeess den Bettel falsch verklot huet

Ass dat do den Péckvillchen?
Nee, rot emol. Photo ET

Wéi d’ Spuerkeess den Bettel falsch verklot huet

Déi wëllen eis een X fir een Ygrec virmaachen

T’ war sou ëm Halloween, t’ koum epps an d’ Spuerkeess geschlach,

Den Gardien war entschlof, an den Finck schléift och nach.

Hien huet een Dram: hien huet den Xav mam CD gesinn,

An dunn huet den Xav dem Wuppertaler en ginn.

A wupp! ass eisen Mann vum Diwwi gebonzelt,

An huet grad wéi den Becca seng Stir geronzelt.

Direkt huet en op saïn Block notéiert: t’ war den Xav,

Dunn ass en domat bei den Procureur gelaf.

Den Communiqué seet mir man eng Plainte géint X.

All Mënsch weess X steet fir Xav an Nullkommanix.

Den Péckvillchen awer seet nee, t’ war den Ygrec,

Den Yuncker, dien war deemools den Mued am Speck.

Kuckt och hei d'Saach vum Dram