Kuddelfleck am Schmuddeleck

    Ass dat do den Péckvillchen? Nee dat ass ee Schmuddelreiher dien 

    wäscht Geld am Schmuddeleck. Photo ET

Kuddelfleck am Schmuddeleck (1)

Hien sot mir druddelen eis hei am Schmuddeleck,

T'Lea kuddelmuddelt eis och nach Kuddelfleck,

Dann  Judd mat Gaardebounen and gutt Nuddelen,

An Spruddel, dann fänkt alles un ze tuddelen.

De Couponszuch aus der Belsch ass voll gedruddelt,

Am Gewudders gëtt mat Steieren gefuddelt.

Wéi d'  Puddelen stinn se an der Bank am Ruddel,

A rosen, de Bankier kritt der gutt an d' Schnuddel.

Wëll de Frieden huet am Schmuddeleck gebuddelt,

An eis Belsch fillen sech elo ganz schéin befuddelt.

D'ABBL schuddert sech an suddelt, t' ass uerg,

Mir buddelen den Schmuddel aus der Schmuddelbuerg.


(1) Banken "raus aus der Schmuddelecke"

Gesicht: een Eurolog fir Mössjö Euro

Ass dat do den Péckvillchen? 

Nee, et ass een bloen Heron dien kuckt nom Här Euro. Photo ET.

Ech weess dass D' et scho weess,

De Juncker goung op d' Rees,

Hien goung bei d' Langobarden,

Fir een Successeur ze fannen,

Mee de Monti dien sot Nee.

Ech weess dass D' et scho weess,

De Juncker goung op d' Rees,

Hien goung bis ënnert d' Lannen,

Fir een Successeur ze fannen,

Mee de Schäuble dien sot Nee.

Ech weess dass D' et scho weess,

De Juncker goung op d' Rees,

Hien goung bis op Man Hannen,

Fir een Successeur ze fannen,

Mee de Jyrki dien sot Nee.

Ech weess dass D' et scho weess,

De Juncker goung op d' Rees,

Hien sicht wéi Jang de Blannen,

Kann keen Ramplassang fannen,

Alleguer soten Nee.

T' bleift een vun deem Ech weess,

Fir dien brauch een keng Rees,

Well dien ass doheem ze fannen,

Dien fënnt souguer ee Blannen,

De Frieden! Seet dien Nee?

Ech weess den JC weess,

Hien brauch am Fong keng Rees!

Hien kann sech jo selwer fannen,

An dann an d' Belsch verschwannen,

Den Frieden seet nit Nee!

Lëtzebuerger Sondagen

Spigelchen, Spigelchen un der Wand,

Wien sinn déi flottst Ministeren am Land?

Dat sinn dräi Hären dat wësst Dir all,

An d' Dammen sinn all duerchgefall.

Dien éischten ass vir an bleift och do,

All déi aner kommen deem nit no.

Obschonn déi zwéin nächst sech och net ginn,

Bis mer Séi um ZDF gesinn.

Ech sinn fir den Schmit an d' Octavie,

Well déi aner dräi gesäit een nie.

Déi zwee sinn déi leescht, d' ass fir ze laachen!

Et sinn just déi, déi d' Aarbecht maachen.

Déi aner dräi déi sinn jo nie do,

Dien een dien danzt mat der PLO,

Dien do mat Katareschen Fongen,

Hien selwer mat griicheschen Stongen.

An duerfir ass d' Moral vun der Geschicht:

Gitt an d' Ausland wou keen Iech sicht.

Dann op ZDF an spillt den Här,

Dat mécht Iech doheem sou populär.