Gesicht: een Eurolog fir Mössjö Euro

Ass dat do den Péckvillchen? 

Nee, et ass een bloen Heron dien kuckt nom Här Euro. Photo ET.

Ech weess dass D' et scho weess,

De Juncker goung op d' Rees,

Hien goung bei d' Langobarden,

Fir een Successeur ze fannen,

Mee de Monti dien sot Nee.

Ech weess dass D' et scho weess,

De Juncker goung op d' Rees,

Hien goung bis ënnert d' Lannen,

Fir een Successeur ze fannen,

Mee de Schäuble dien sot Nee.

Ech weess dass D' et scho weess,

De Juncker goung op d' Rees,

Hien goung bis op Man Hannen,

Fir een Successeur ze fannen,

Mee de Jyrki dien sot Nee.

Ech weess dass D' et scho weess,

De Juncker goung op d' Rees,

Hien sicht wéi Jang de Blannen,

Kann keen Ramplassang fannen,

Alleguer soten Nee.

T' bleift een vun deem Ech weess,

Fir dien brauch een keng Rees,

Well dien ass doheem ze fannen,

Dien fënnt souguer ee Blannen,

De Frieden! Seet dien Nee?

Ech weess den JC weess,

Hien brauch am Fong keng Rees!

Hien kann sech jo selwer fannen,

An dann an d' Belsch verschwannen,

Den Frieden seet nit Nee!

Myanmar ass bal eppes wéi Florida wat géing a Burma leien.

Ass dat do ee Peckvillchen? Nee, dat ass ee wellen Untert. Photo: ET

Eisen Ausseminister ass op Rees.

Hien wollt mech bestëmmt besichen kommen.

Hien sicht no engem Thein, an dréint am Krees,

Fir sech an Asien ze verrennen.

T' ass awer egal, t' gouf keng Zäit verluer.

A Burma gesouch hien den U Thein Sein.

Lëtzebuerg schéckt lo een Botschafter duer,

An domadder war den U Thein Sein fein.

Florida muss waarden op säin Besuch.

T' ass Schued, hei kann een schéin Vëlo fueren.

Ech maachen och Téi an Zitrounen Kuch,

Mee all Mënsch versteet, mir mussen spueren.

Märtt! Elo hunn mir zwéin Wiertschaftsministeren!

Ass dat do den Péckvillchen? Nee dat ass een Anhinga an der "Ite missa est" Positioun. Photo ET.

De Schmit ass schwäiwëll, hien schneit eng schéin Schnëss,

Well dëser Deeg krut hien eng an t’ Gebëss.

Am Café de l’ Église zu Diddeleng

Gouf de Schneider gewielt, mee déi Plaz war seng.

An deem Café zesummen waren den Heng,

Den Néckel, den Kloos an Jucken Jeng,

Wéi eis Konstitutioun et virgesäit,

Fir’ m Schneider seng Ministrabilitéit.

An zu Naples um Golf vun Mexiko,

Waren all d ‘Wieler vum Péckvillchen do.

Et hunn gewielt: d’ Direktioun, d’ Redaktioun,

D’ Administratioun and souguer d’ Receptioun.

Déi all hunn mech eestëmmeg gewielt,

Well jiddereen am Ländchen op mech zielt!

Elo hunn mir laut eiser Konstitutioun,

Eng komplett nohalteg Situatioun.

Well kee Schwäin weess wat nohalteg ass,

Ass d’ Situatioun alt wat se ass.

De Poopst gouf geruff fir do ze tranchéieren,

An eis Zwéin z’ evangeliséieren :

“Den Schneider dien schoustert hei am Osten,

De Péckvillchen pléckt sech dann de Westen.

Elo ass et kloer dat et esou muss sinn!

Den Krecké muss duerch zwéin Mann ersat ginn.”

De Bol-EURO vum Ravel

Ass dat do een Peckvillchen? Neen dat ass een Papademos.

Mosaic: Francoise-Marie Thein

An hei geet et op eng flott Versioun vum Bolero:

http://www.youtube.com/watch?v=3-4J5j74VPw

De Bol-EURO vum Ravel

Oooh!

Wat ass dann elo schonn erëm do?

Dat mussen déi Griichen sinn,

Déi déif am Euro stinn,

An keen Auswee gesinn!

Oooh!

Mir mussen hinnen ginn,

Soss gëtt d' Akropolis och nach versteet,

Well zu Athen dann glat näischt méi geet.

A keen eenzegen Griich d' Welt versteet.

Wat eng Affaire!

Mir sinn all Milliardär.

Oooh!

Wat ass dann elo schonn erëm do?

Dat mussen d' Italiener sinn,

Déi an der Pasta stinn,

An keen Auswee gesinn!

Oooh!

Mir mussen hinnen ginn,

Soss gëtt de Kolosseum nach versteet,

Well an deem Roum dann glat näischt méi geet.

A keen Italiener d' Welt méi versteet.

Wat eng Affaire!

Se sinn all Milliardär.

Oooh!

Wat ass dann elo schonn erëm do?

Dat mussen d' Portugisen sinn,

Déi déif am Porto stinn,

An keen Auswee gesinn!

Oooh!

Mir mussen hinnen ginn,

Soss gëtt Lissabon och nach versteet,

Well an deem Land dann glat näischt méi geet.

A keen een Portugis d' Welt méi versteet.

Wat eng Affaire!

Se sinn all Milliardär.

Oooh!

Wat ass dann elo schonn erëm do?

Dat missten d' Irlänner sinn,

Déi déif am Guiness stinn,

An keen Auswee gesinn!

Oooh!

Mir mussen hinnen ginn,

Soss gëtt de Leprechaun nach versteet,

Well an deem Land dann glat näischt méi geet.

A keen een Irlänner d' Welt méi versteet.

Wat eng Affaire!

Se sinn all Milliardär.

Oooh!

Wat ass dann elo schonn erëm do?

Dat kënnen just mir nach sinn,

Déi déif am Bulli stinn,

An keen Auswee gesinn!

Oooh!

Keen kann méi eis epps ginn,

Lo gëtt d' Cargolux och nach versteet,

Well hei am Land dann glat näischt méi geet.

A keen Lëtzebuerger d' Welt versteet.

Wat eng Affaire!

Mir sinn all Milliardär.

Euro, Krack, Bumm

Euro, Krack, Bumm

Lëtzebuerg am Jumm

Keng Steier sot de Bayer

Nee, dat ass keen Peckvillchen! Dat ass een Untert.

Photo E.Thein

No der drëtter däitscher Invasioun,

Ech schwätzen vun der Wiertschaftsunioun,

Koumen dës Kéier keng Uhlaner,

Mee duerfir koumen all déi Aner.

Séi koumen all mat den Täschen voll.

"Gruess Gott" soten Séi op eisem Zoll.

Mir hunn Séi all schéin eragelooss.

Op Lëtzebuerg ass jo nach Verlooss.

Den Helmut an den Heinz am Loden,

Ginn gutt bei HSBC beroden,

Vun Fraeulein am Dirndl wéi doheem.

Banking zu Lëtzebuerg ass bequem.

Do war bestëmmt ee Gielemännchen,

Ganz schäinhelleg an eisem Ländchen.

E mécht sech Kopien vun der Lëscht,

Déi d' Steieramt sech fir Suen fëscht.

An Däitschland wëssen Séi lo genau,

dank dem PBKLAVV, (1)

Wien wéivill Daler bei Eis verstoppt,

An sech domat seng Renditen doppt.

Den Helmut an den Heinz am Loden,

Fillen sech sou richteg verroden.

Se'i hiewen direkt hir Suen op,

An hell ewech geet et iwwer d' Kopp.

Verstoppt ass d' Geld am Lodemantel,

An der Kap, der Mutz an am Streimel,

Am Busentuch, der Mof am Dirndl,

an der Liederbox an am Këndel.

Mee den Zoll huet op Séi gelauert,

Do iwwer ass keen dien Séi bedauert.

De Juncker roost, "an elo ass Schluss!

Vun mir kritt d' Merkels nie méi ee Kuss."

(1)PBKLAVV: Privatbankkundenlistenankaufsstellenverwaltungsvorsteher

D' Seechen vun de Rouder Geess.

De Jesuiten Pater Rodriguez,

Huet Joeren an der Oktav gepriedegt.

Am Spott war dat d' Seechen vun der Rouder Geess,

Well hien huet gediedegt an gediedegt!

Laang Joeren war d' Seechen am Vergiess,

Well keen sech méi  erënneren konnt.

Gëscht hunn Ech am Lëtzebuerger Wort gelies,

Eis Police hätt déi kleng Geess erëm fonnt.

Ech sot abbe jo, a wanns de net gees!

Dat do ass jo eng wonnerbar Seechen.

De Polizist krut vun der Geess eng Bees,

Et geschéien nach Wonner an Zeechen.

Lëtzebuerger Sondagen

Spigelchen, Spigelchen un der Wand,

Wien sinn déi flottst Ministeren am Land?

Dat sinn dräi Hären dat wësst Dir all,

An d' Dammen sinn all duerchgefall.

Dien éischten ass vir an bleift och do,

All déi aner kommen deem nit no.

Obschonn déi zwéin nächst sech och net ginn,

Bis mer Séi um ZDF gesinn.

Ech sinn fir den Schmit an d' Octavie,

Well déi aner dräi gesäit een nie.

Déi zwee sinn déi leescht, d' ass fir ze laachen!

Et sinn just déi, déi d' Aarbecht maachen.

Déi aner dräi déi sinn jo nie do,

Dien een dien danzt mat der PLO,

Dien do mat Katareschen Fongen,

Hien selwer mat griicheschen Stongen.

An duerfir ass d' Moral vun der Geschicht:

Gitt an d' Ausland wou keen Iech sicht.

Dann op ZDF an spillt den Här,

Dat mécht Iech doheem sou populär.

Un der Atert, no beim Waasser

Un der Atert, no beim Waasser,
Wou di grousseg Pëppele stinn,
Wunnt de Bauer Péitchen Lauer,
An zéng Kéi déi Mëllech ginn.

Refrain:
O meng Modi, wat een Zodi,
Ech gesinn der just nach ning.
Mäin Noper ass ee Raudi, (1)
Dien Déif huet mäint Josephine!

Den Noper deet d' Kou erféiren,
Séi fäert d' Kuddelflecksmaschinn,
Mee hien léisst sech guer net stéiren,
A seet t' wär säint Josephine.

Eisen Bauer Péitchen Lauer,
Mécht eng Klo fir d' Josephine,
Um Gericht kuckt keen op d 'Auer,
A wou bleift mäint Josephine?

Dräizéng Joer, gouf getuddelt,
Mee keng Spur vum Josephine.
An der Affaire gouf gefuddelt,
Den Péitchen huet net opginn.

An zu Stroossbuerg krut hien endlech Recht,

Lëtzebuerg gouf do gemëscht.

D' Regierung krut eng gutt gepecht,

An steet op der schwaarzer Lëscht.

Eisen Juncker, bei den Griichen,

Hellt deck mat Argumenter,

Mee den Péitchen, bei den Däitschen,

Baut do säin Agro Center.

O meng Modi, wat een Zodi,
Kann dann keen mir Recht hei ginn!?
Mäin Noper ass ee Raudi,
Hien huet nach ëmmer d' Josephine!

(1) Kuckt Iech den Hannergrond un: d' Geschicht vum Bauer vun Mäertzeg.

http://feierwon.blogspot.com/2011/06/la-justice-des-hommes-est-imparfaite.html

Huet Troisvierges der wierklech dräi?

Dir kennt de Schéifer Misch vun Aasselbur,

"Mir kënnen nick lignen" huet hien gesot.

"Just eng kleng Ligen, sidd dach nit sou stur",

Sot den Riichter, "dann kritt Dir all meng Gnod!"

Den Schéifer Misch war nëmmen ee Rebell,

Hien war keen richtegen Politiker.

Déi léien dat et schwaarz gëtt an der Hell,

An maachen allerhand aner Tricken.

Eisen Premier litt ewéi keen Zweeten,

Hunn Ech vun drëtt Persounen héieren.

Séi soen dat och an den Neiegkeeten,

Mee firwat soll dat een vun Iech stéieren?

Kommt mir schreiwen hien an zu Trois Rivières,

Fir dëst Joer beim Championat am Léien!

Et wär jo awer extraordinär,

Wann hie net och déi Médaille géing kréien.

Trois Rivières am Kanada ass gelunn!

Déi hunn kee Floss mee nëmmen zwou Baachen.

All Joer trieden déi gréisst Ligener do un,

Well Séi een dovun Weltmeeschter maachen.

An zu Trois Vierges, waat haalt Dir dovun?

Zu Aasselbur wäert een sech futti laachen.

Kommt Dir hutt Eis elo genuch bedrunn,

Dir kënnt d' Wouerecht roueg public maachen.

Mir verstinn jo wat eng Noutligen ass,

Et ass just mol e bësschen geflunckert.

An der Politik ass dat agerass,

Mee do seet een: " e bësschen gejunckert."

Ee fréieren Minister wiesselt d' Vollek.

Oder: Ëmgedréint ass och gefuer!

Lëtzebuerg hat ee schwaarzen Krichsminister,

Bei deem ass alles verkéiert gelaf!

Seng Geschicht gouf ëmmer méi sinister,

D' Wieler huelen jo näischt esou a Kaf.

Hien huet als Éischten géint d' Arméi geputscht,

Normalerweis ass dat jo ëmgedréint!

Mee hien huet ouni Minn säin Daum gelutscht,

Nom Ries huet jo keen Hunn méi gekréint!

De Ries souz am Bunker a gouf keng Rou.

D' Affaire déi mécht esou vill Kaméidi,

Eisen fréieren Minister seet duerzou,

"D' Vollek versteet näischt, wat soll dien Zodi !"

Ganz eleng mécht hien eng Demonstratioun,

"Ech wär mengem Vollek gär lass" jäitzt en!

"Dir sidd mir eng terribel Frustratioun!"

T' war ëmgekéiert wéi an Egypten.

Ee Putsch geet dien vun ënnen no uewen?

Ee Mann eleng ass keng Demonstratioun?

Wann dat esou ass, loosst Iech begruewen,

Ech hätt gär meng Afrikanisatioun!

Hien sot: "Ech këmmeren mech elo em Afrika",

De Bwana Tzilsch schwëtzt Verlan mam Bongo!

Afrika heescht vun 'lo un Kafria.

An den Tintin heescht Nitnit am Congo!"

Eisen Bwana putscht elo géint schwaarz Genereel,

Hien schéckt Lëtzebuerg Entwécklungshëllef.

Hien mécht elo nëmmen méi Käpp mat Neel.

An d' Rotkäppchen frësst souguer den Wollef.

Juch-hee, juch-hee op d'Rees!

Een lëtzebuerger Vollekslidd inspiréiert vun eisen Ministeren hiren Reesen, wéi mir se vun enger parlamentarescher Fro kennen geleiert hunn.

Juch-hee, juch-hee op d’ Rees,

Juch-hee, juch-hee op d’ Rees,

Mir fléien nëmmen éischt Klass,

Mir sinn vum Lämmes gebass!

Flitt mat et gëtt vill Freed,

Juch-hee, alles op d’ Rees.

Juch-hee, juch-hee op d’ Rees,

Juch-hee, juch-hee op d’ Rees,

Vergiesst den Schiltz, Ries a Schmit,

Mir sinn déi Gesellen midd,

Héich hei uewen dat ass méi Freed,

Juch-hee, an fort hien geet!

Juch-hee, juch-hee op d’ Rees,

Juch-hee, juch-hee op d’ Rees,

De Jang jickt t' ass ee Genoss,

Den Hansli lescht säin Verdross,

Dat alles schléit schéin an t' Kees,

Juch-hee, juch-hee op d’ Rees.

Juch-hee, juch-hee op d’ Rees,

A wat ass dann elo nees?

Wien geséich gär eis Rechnung?

Wat steet do an der Zeitung?

Dat alles schléit an t' Kees?

Juch-hee, juch-hee op d’ Rees.

Juch-hee, juch-hee op d’ Rees,

Hei dann fir dass de 't weess:

Bei der Luxaviation,

Knacken mir Dom Perignon,

D' Hostess kritt eng Bees,

Juch-hee, mir ginn op d’ Rees.

Juch-hee, juch-hee op d’ Rees!

Wann 's De anstänneg frees,

Hëlt d' Belsch Militär Dech mat.

Gitt de Jongen dann ee Patt,

Eng Fritt mat Mayonnaise,

Juch-hee, mir ginn op d’ Rees.

Juch-hee, juch-hee op d’ Rees,

Ech hat elo bal vergiess,

Sou eng Rees déi mécht ee midd!

Huelt Iech dann eng Junior Suite.

Dreemt schéin vum Mercedes!

Juch-hee, juch-hee op d’ Rees.

Juch-hee, juch-hee op d’ Rees,

Juch-hee, wann 's De net geess!

D'Marie-Josee mat Genoss,

Flitt éischt Klass an de Laos,

dann Cap Vert mat der Kees,

Juch-hee, kommt mat op d’ Rees!

Juch-hee, juch-hee op d’ Rees,

T' ass alles am Vergiess!

D'Cynthia Stroum kritt all d' schlecht Press,

Wéint enger neier Mattress!

Dat géif et nie bei eis!

Juch-hee, juch-hee op d’ Rees.

Juch-hee, juch-hee op d’ Rees,

Mir hunn zwar epps um Häerz!

Zenter kee Concorde méi flitt,

Hunn séi eis an d' éischt Klass ran kritt.

OK, mee Du verstees,

Dat ass méi eng laang Rees.

Juch-hee, juch-hee op d’ Rees,

Wéi gutt ass et dass Ech weess:

Mir kréien och ee Fliger.

Da fléien eis brav Krieger

Selwer bis op Paräis.

Juch-hee, dat gëtt eng Rees!

A wat huet d' Gëlle Fra dann elo gestiicht?

Ech mengen Ech hätt am beschten gehat dat heiten direkt aus dem Chineseschen op Lëtzebuergesch z' iwwersetzen, amplaz Séi gewäerden ze loossen mat Babylonescher Sprochenverwirrung . Schnallt Iech un an liest selwer. Enges Daags wäert Ech Iech dann awer een Gedicht maachen.

http://www.m4mi.com/2011/01/united-evening-news-sell-china-face-national-transport-david-to-the-shanghai-world-expo-map/

April 28, after a 9755 km long and arduous journey, Luxembourg national artistic treasure "The Golden Girls as" unveiled at the Shanghai World Expo site. Luxembourg's "golden girls like" After the Shanghai World Expo in Denmark, "The Little Mermaid statue," after another national treasure, a guest from Europe.
CNS Fat Ting-Ting Chen Photo
Taiwan's "United Evening News," 28 Journal article, "Sell in China face!
National treasures to Shanghai. " The article said the Shanghai World Expo is not only country in the world economy, science and technology series, is an unprecedented global art exhibition. States to take Xiu cultural strength, have come up with never "closed, the second door step," the press box treasure exhibition, hundreds of missed the experience for all Ruleiguaner countries has never been priceless treasures, are sold in China and Shanghai face, come to appear.
Article excerpts are as follows:

Shanghai World Expo is not only country in the world economy, science and technology series, is an unprecedented global art exhibition. States to take Xiu cultural strength, have come up with never "closed, the second door step," the press box treasure exhibition, hundreds of missed the experience for all Ruleiguaner countries has never been priceless treasures, are sold in China and Shanghai face, come to appear.

D' Ballade vun den Sechzeg Zéiwen.

Zwéin Ministeren, eng Ministerin

Soten, d' Lëtzebuerger hunn ze vill Speck.

A vläicht missten mir dann emol gesinn:

T' géing duer all Joer mat just engem Steak,

An engem gudden Dëppchen Kuddelfleck!

An wann Dir mengt dat wier eng Topegkeet,

Dann lauschtert gudd, dat heescht Nohaltegkeet.

Eisen Footprint dien bräicht sechs Planeten!

Mir jicken, baffen voll Gléckséilegkeet,

Mir klaken einfach ze vill Moneten.

Séi soten dat do muss sech elo ginn!

Déi sechs Planeten dat ass kee Geck.

Well mir dann mat zwielef Been do drop stinn.

T' mécht sechzeg Zéiwen a zwielef Féiss. Freck!

Ech kafen dem Gilly säin Schongbuttek!

Sechzeg Zéiwen, dat ass kéng Klengegkeet.

Et ass wichteg dass jiddereen versteet:

Et gëtt Zäit emol sérieux ze faaschten,

Ier d' ganz Welt nach op eemol ënnergeet,

Oder mir vum Grenghausgas nach baschten.

Mir no ass dat ganzt eng Ieselzegkeet,

Mat zwielef Been, e päift a fort et geet!

Mir géingen d' Spuenier am Fussball biischten,

Medailen wannen wou et nëmmen geet!

De Schleck um Vëlo géing wéi eng Rakéit.

Jiddereen kéim am Schrëtt wéi sechs Zaldoten.

Lëtzebuerg krut den Stoffi vum GAFI.

Hutt Dir déi schonn héieren vum GAFI (1),

Déi man eis Esseg an den Kaffi!

Lëtzebuerg wär eng schéin Schwéngerei,

Soen déi, well et wär eng Wäscherei.

Frot Dir no allen Säi-äi-ten hin,

Jänni a Männi kennt déi Wäschmaschinn.

De belschen Zänndokter bréngt schwaarzt Geld,

D' Selwecht mécht all Näischnotz op der Welt.

D' Lëtzebuerger sinn Expert 'en ginn,

Als Mecano vun der Wäschmaschinn.

Jersey, Guernsey oder d'BVI,

kommen als Geschir bei den Secret dobäi.

Dee Koup Suen ass eng Knupp an der Luucht,

Milliarden sinn op deeër Knupp gespuert.

Frot Dir no allen Säi-äi-ten hin,

Mir wëllen keng Schmëlzerten méi sinn.

D' Noperen déi soen "eis Suen ginn friem."

Dat wär den Lëtzebuerger sou bequem.

Wann mir eis Scheewercher nit behalen,

Sou séier léisst keen seng Steieren falen.

Fir d' Éischt gëtt um Secret bancaire gerappt,

Dann kënnt de GAFI dien op d' Fangeren klappt.

Dien koum mat Recommandatiounen,

Néng a véierzeg deck Kanounen!

O GAFI hal dach deng Lektiounen!

Mir furen virun mat den Milliounen.

Enges Daags sot Dir nach Merci duerfir!

Also fir haut, kiert virun Ärer Dir.

De GAFI sot dat do ass kriminell,

Fuert esou weider dann kommt Der an t' Hell.

Do hëllefen d' Amerikaner,

D' Fransousen an nach ee puer aner.

Déi hunn eng ganz nei Waff erfonnt,

Well haut keen méi deem aneren epps gonnt.

Dat gëtt Justizparadies genannt,

Dier hutt Iech an eng Sack Gaass verrannt.

Iech ass nit ze hëllefen, mat näischt,

De Juncker spillt béis, de Frieden kräischt.

D' Preisen kafen séier een CD,

D' Fransousen sinn och alt do derbäi.

Wann der Däiwel d' Kou huet seet ee Sproch,

Da gitt him roueg d' Källefchen och.

A geet d' Finanzplaatz mol an de Broch,

Geet et de Banken wéi Villeroy Loch.

(1) http://www.fatf-gafi.org/dataoecd/40/7/44655591.pdf