Meng Ried fir d’Lag vun der Natioun 2026: Mateneen, Fireneen, Zesummen!

 

Scwéier Zaiten, Zesummen, Mateneen an Hannereneen.

Meng Ried fir d’Lag vun der Natioun 2026: 

Mateneen, Fireneen, Zesummen!

Nowuert, Nieweneen an Noeneen mat der laanger Ried iwwert d’Lag vun der Natioun.

Léif Jiddereen,

Mir sinn haut jo esou feierlech Beieneen,

Déi meescht koumen mat hiren Déngschtween,

E puer vun Iech koumen Zesummen, Mateneen,

Vun Palzem, Gantenbeen, an vun Wellesteen.

 

Elo sinn mer sou schéin Ënnereneen,

Kommt, mir huelen d’Lag vun der Natioun Auserneen!

Wat war dat an der Zäit een Duercherneen,         

D’Leit goungen Uneneen an Géinteneen.      

 

Mir hunn Geld gewäsch bei Sonn an Reen,

Gedeessems, Streit, Openeen an Noeneen,

Nitt vergiessen d’Affär mam Bomme leeën,

Dat war jo keen, geknuppt huet et Ounieen.

 

Richteg, Caritas ass jo nëmmen Latäin,

Eisereen stoung do iwwerhaapt nitt am Reen.

Do derhannert gesäit souwisou keen Schwäin!

Et ass wéi mat den Suen fir an d’Ukrain.

 

Dat Openeen, Géinteneen, an Widdereneen,

Bréngt an schwéierer Zäit Jenni an Menni Auserneen.

Mee Jenni an Menni ass nach laang nitt Jiddereen!

Mir stinn mam Chef “Zesummen, Mateneen, Fireneen!”

 

An duerfir huet een eng Tripartite, an déi huet dräi Been.

Um dräieckegen Dësch sëtzen se all Nieweneen,

Keen Hannereneen, keen Viruneen, an keen Iwwereneen.

Fir Zesummen, Mateneen, d’Uelzecht ze summen.

 

Mir hunn keen Su, mir drécken den Mindestloun Aneneen,

“Méi Arméi kascht och méi”, sot deen vu Liechtensteen,

D’ Kanonéier op der Rumm sinn sou voller Scholden,

Dass se aus der NATO fléien, dees den Index bréngt besser Solden!

 

Een neien Luc huet bekanntlech jo keng Vergaangenheet,

Nëmmen een Avenir deen jo an der Zukunft läit.

An Noeneen, an Noeneen, kann een den Passé vergiessen,

Fir Zesummen, Mateneen, ze gesinn op d’Beem an den Himmel wuessen.