Kommt mir bauen eng Kris !

    Ass dat do den Péckvillchen? Ma nee. dat ass eng Troika, 

    mee zu fënnef. Photo ET

Kommt mir bauen eng Kris !

Dir sidd jo d' Accord: mir sinn dach keng Idioten !

Mir léieren am Nu vun den Zyprioten.

Déi kruten eng Zort Certificat Médical,

Dien sot t' wär an der Rei fir een Bank Iwwerfall.

Dat doten loossen mer eis keng zweemol soen!

Awer ir mer lo blannemännches draschloen,

Do brauchen mer emol fir d' alleréischt ee Plang.

Dann plënneren mer d' Banken op de leschte Frang.

Mir sinn zwar schonn déi räichsten Bierger op der Welt.

Mir wëssen awer och, t' huet een nie genuch Geld.

An duerfir, kommt mer sinn nit esou zyperlech.

Well mir maachen eis dann mam schwaarzen Geld ewech.

Hei de Plang: verspreet äert Geld iwwert e puer Banken,

Nie méi wéi honnert Mille am Euro oder Franken.

Dann hutt Dir iwwerall d' Konten garantéiert,

Well ënnert honnert Mille keen een Su verléiert.

Dann gi mer hin an soen d' Land wär schrecklech krank,

Déi eenzeg Rettung wär al d' schwaarzt Geld an der Bank.

T' geet jo op e puer dausend Milliarden nit un.

Gedeelt kritt jiddereen aacht Milliounen dovun.

An d' Troika feiert dann eisen Coup och mat,

Se zielen d' Suen mat an drénken nach ee Patt.

Lagarde an Barroso baatschen mat der Gäissel.

An den Dijsselbloem dréit eng Blum um Täissel.

Den Andy Schleck drénkt näischt, wann Iech ge Lift, nach eng Tournee.

Ass dat do den Peckvillchen? Ma nee, dat ass den Le Borgn mam 

grengen Aandeckel. Poisson d' Avril ! Photo ET, Münchener Hofbräuhaus. 

Den Andy Schleck drénkt näischt, wann Iech ge Lift, nach eng Tournee. 

Mäi léiwen Jojong, Hick, dien hei, dien hei, dien hei,

Dat Vëlo, ma nee, dat wëll Ech elo,  elei,

Verstees te, Vëlo, elo, elei , fréck, hahaaa!

Gesoff öh, gesot hunn, dien hei drénkt näischt, basta.

Ffffro den Garçon hei, dréchen wéi de Mont Ventoux,

Nach epps, dien blannen Fransous goung mir op den Su,

Ech wollt just kucken op den Le Borgn nach gesäit,

A sot dréckt den eelef fir mech Monsieur, wann dat geet.

De Le Borgn huet gebiicht an geroost an getaascht,

Hien dréckt iwwerall an et gong ëmmer derlaanscht.

Als Beweis wat richteg geschitt ass, kuckt mol hei,

Et ass dien neitsten Lift an deeër Brauerei.

Maybolli 16

    Sinn dat do déi zwéin? Nee, an et ass och keen de Péckvillchen.

D' Maybollien déi haten jo gudder gestiicht,

An duerfir stoungen Se d' lescht Woch virum Geriicht.

Déi zwéin? Ma jëmmen a gewëss do feelt jo een!

Hien wär gären komm mee ass krank wéi ee Schwäin.

Sou em d' Fuesent geet een bei den Dokter Floretti,

Dir wësst , dien schreift Krankeschäiner wéi Konfetti.

D' Geriicht sot wéint dem Konfetti  Zertifikat,

Gëtt alles op den eeleften Juni versat.

D' Maybollien laachen sech den Porsche kapott.

Méi einfach geet et jo kaum soen Se am Spott.

Déi haten Se awer deemools gutt gedréint !

Wien hätt geduecht dass néng Joer näischt un Sie kéint ?

T' ass Neit Joer an den Juncker dien ass erëm do!

Ass dat do den Péckvillchen? Nee, dat ass den "Consolidatrix Afflictorum" 

beim consolidéieren. Photo ET

T' ass Neit Joer an den Juncker dien ass erëm do!

Op RTL beäntwert hien keng enzeg Fro.

Dann  gëtt hien dem Wort een Interwiu

A schléit dat platt wéi ee platten Su.

Am Ausland huet hien een nei Wuert geléiert,

Hien gebraucht iwwerall "consolidéiert".

Gespuert, gelunn, verschass an investéiert,

D' Litanei sengt sech elo mat "consolidéiert".

Wéi ass et mam Budget? Consolidéiert!

Wéi ass et mam Index? Consolidéiert !

Léiwéng an Cargolux? Consolidéiert!

Deontologie' s Code ? Consolidéiert!

Wien et laang huet dien léisst et laang hänken,

Eis Regierung dréckt sech op den Bänken.

Wann een alles laang genuch leien léisst

Consolidéiert et sech, Problem geléist.

D' Cargolux mécht dann eben demi-tour,

Den Frieden hat se jo bal futti gefuer.

D' Jacobs léisst sech heemlech am Urwald feieren,

Consolidéiert mat eisen Steieren.

Den Bashar-al-Assad ass alles sat,

Den Ass-el-Born huet deem schéin d' Flemm gemat.

Syrien gëtt elo consolidéiert

Wann Lëtzebuerg d' Grande Region annexéiert.

Merkel, Hollande,Europa sinn wéi dervun.

Sie duechten den Juncker bleift, hien hätt gelunn,

Mir tréischten se, well laut sengem neien Numm

Ass hien d' Consolidatrix Afflictorum.

De Péckvillchen krut den CD geknackt!!

Ass dat do den Péckvillchen? Nee, dat ass een Agent 

vum MI6 mat Mikroen ëm d' Aen. Photo: Geheimarchiv ET

De Péckvillchen krut den CD geknackt!!

Mille Nondikass,

Beim Juncker ass epps lass!

Am Juncker seng Haascht kennt de Mille geschlach,

Eng schwéier Guckucks Auer um Arem.

De Mille huet getaascht am däischteren Lach,

T' war schwaarz wei am Däiwel sengem Daarem.

Mille Nondikass,

Dann so mer wien's De bass!

Sou sot den Juncker hannert dem Spigel.

O Meeschter, Ech sinn den Null, Null Dausend:

Alles wat mir hei soen bleift ënner Sigel.

Sot den Mille, seng Paréck voller Krauslen.

Mille Nondikass,

Wann dat dann alt esou ass.

Well den Péckvillchen setzt op der Lauer,

Bis elo hat keen epps an Uecht geholl.

Hien ass den Guckuck an der Guckucksauer

Vun deem den Juncker jo näischt wëssen soll.

Mille Nondikass,

An hei ass den Beschass:

Den Mille seet den  "Duddelutt"(1) hätt epps bruecht,

Een eidelen CD, dien wär zwar voll !

Sie géingen all drun schaffen bis an d' Nuecht,

A keen hätt zënter zwéin Deeg Congé geholl.

Mille Nondikass,

Dem Juncker feelt den Bass.

Den Büro ass méi schwaarz wéi d' CSV,

Jojo, hm, oeh, seet den Juncker, jojo,

An en dämpt dobäi wéi den Kohlenklau,

Ma nee jo  dach, dat kéim jo nit a Fro !

Mille Nondikass,

Et gëtt ëmmer méi krass.

Vun der Kathedral laut et Hallefnuecht,

Eng Dir quiitscht, d' Matahari kennt eran,

Ouni Hari, t' huet just een Dossier bruecht,

Do stinn d' Nimm vun den Bommeleerten dran.

Mille Nondikass,

dat Meedchen do huet Klass.

Den Null, Null, Dausend kennt eppes dervun,

Dat ass eent vum "Duddelutt" aus Thailand.

Jojo, ma nee, dach, sot den Juncker dunn,

Dat Meedchen do dat kann schonn allerhand.

Mille Nondikass

Wann dat doten wouer ass!

Jojo, dach, sou soen Se am Emm Ei Sechs,

Fir eis geet hat manipuléieren,

Null, Null, Dausend, Du denks direkt un Sex,

T' ass awer geheim, do muss een léien!

Mille Nondikass,

Dien CD gëtt zerrass !

T' kritt keen en op, souguer nit mam Hummer.

Jojo, Mm-Hmm, ee richtgen Coffre-fort.

Mir soen einfach t' war eng falsch Nummer,

Du waars jo selwer domadder d' Accord

Mille Nondikass,

Et ass alt wéi et ass.

De Péckvillchen an der Guckucks Auer,

Kann nit méi, vun Laachen pisst en an d' Box

O nee, wat sinn dat do zwéin Schlauer,

Déi verbraddelen nach den Kryptovox.

Mille Nondikass,

Ma kuckt dach wat do drop ass!

Zum engen weess den Jean-Claude dach wat en sot,

Zum aneren steet den Code jo grouss drop:

9IW-O77VH: 3WVS3S, hätt Dir de Péckvillchen dach gefrot!

Dien hätt gesot, ma liest dat op der Kopp!

 (1) "Duddelutt" ass de brouillage vun der BBC am Krich während "Ici Londres, Halt en den Bass".

James Bond 007 an een Halwen

Ass dat do een Péckvillchen? Ma nee, dat ass ee Storch dien no 

enger Schwéier Gebuert am Dreck wullt. Photo ET.

James Bond 007 an een Halwen

Léiwen Jean-Claude lauschter,

Bréng der KPL ee Klauschter.

Hannert dem Bam luusst den Mille,

Hien glëscht Gréngs, no eisem Camille!

D' Auer geet eis op de Wecker,

5 fir 12 sot den Becker.

T' ass voller Niwwel, t' gëtt gelunn,

A wuer ass d' Cargolux geflunn?

Do jäitzen DP an ADR,

"Transparenz am SLER!"

Zu Lëtzebuerg kënnt all James Bond,

Mam beschten Wëllen op den Hond.

Den Jean-Claude zerwéiert Kabes,

Iwwert den Mille an den Abbes.

Stonnelaang an et gëtt keen midd,

Obschonn se soen, "wat dien rëm litt!"

Allo Jean-Marie, Ech kréien elo een iPhone 5 mat iDiwwi !

Ass dat do den Péckvillchen? Nee, eng hondsgewéinlech Bréif 

Dauf, och nach iPhone 1 genannt. Photo ET

iPhone ass iPhone, mee d' Kett ass just d' Kett,

Dien hei geet léiwer mam iPhone an d' Bett.

Dien neitsten Modell ass formidabel,

Mäin huet den iDiwwi ouni Kabel.

Jean-Marie, Du verstees jo epps vun Apps,

Mat iDiwwi verléiers Du keng Drëps,

Wanns Du dreems an Du hues keen Block bei hand,

Fir matzeschreiwen, mat an ouni Rand.

iDiwwi sinn Sensoren am Pillem,

Hues De keng Schreif, dann ass dat nit sou schlëmm,

Den iDiwwi hëlt op, am Toun a Bild,

A spéider gëtt alles erëm zréck gespillt.

Huel emol un, Du schells bei mir am Kapp,

Dat bréngt mäin iDiwwi direkt op Trapp,

Mäin Printer schreift och mat an pdf,

Mäin DVR hëlt eis op um teleph.

iDiwwi speichert och alles am Cloud,

Do ass keen Cloudchen dien der dat klaut.

Do kënnt keen drun esouguer keen Hacker,

An ouni Kabel brauch een keen Stecker.

T' geet och alles direkt op d' Schreifmaschinn,

Da kanns De der Police eng Kopie ginn

Den iDiwwi ass een Dram vun Geschir

Kaf een, Du hues jo een Budget duerfir.