Offer Domploa: Ersatzpremier

Ass dat do een Péckvillchen? Nee, dat ass eng Grouss Egrette mat 
engem Fësch am Schniewel, dien den Pelikan awer gären hätt. 
Wéi am Eurogroupe. Photo ET. Click. 

Ech hunn et gesot an Ech soen et och nach,

Dass heemlech an der Period vum Summerlach,

De Juncker an Europa onentbierlech ass,

An domat sinn mir engem halwen Premier lass.

Elo stinn mer dann do vir engem groussen Lach,

Mat engem eidlen Auder, well et sinn all Kéi gestrach.

Wat sollen mir Arem dann nëmmen do maachen?

Wien bekëmmert sech dann ëm dem Chef seng Saachen?

Wéi kréien mer elo den Léiwenger Stadion gedréint?

Oder dat de Schleck erëm geet wéi eng richteg Rakéit?

Wéi geet dat virun mam Egide senger Plainte Penale?

Aacht Joer waart Maybolli op den Tute Sall !

Fir dass déi Affairen schlussendlech virun ginn,

Muss awer direkt een Ersatz Mann heihin.

Duerfir kuckt Iech mol dës Offer Domploa hei un,

Ee Part-time job, läit Iech näischt dodrun?

Dir kritt eng uerdentlech Pei, an eng Limousine,

Eng hallef Sekretärin an wat nach muss sinn.

Mee och wann Dir een onbegrenzten Budget kritt,

Sot dann awer näischt dovun an der Tripartite.

An ausnamsweis kennt Dir och am Büro fëmmen,

Bei den Walen kritt Dir trotzdem all hir Stëmmen.

Gleeft et , dat hei ass déi beschten Offer Domploa.

An setzt Dir mol um Stull, sot Dir " L'Etat c'est Moa."

D' Litanei vum 28. Juni

 D' Litanei gouf gekneipt aus den Essentiel: http://tinyurl.com/7jzcgou

Ass dat doten een Péckvillchen? Neen, dat ass een Litanei Sänger.  

Heescht dien Neien Moscovici?

Nee, sou sot hien selwer!

Heescht dien Neien Schäuble?

Nee, sou sot hien selwer!

Heescht dien Neien Sarkozy?

Nee, sou sot hien selwer!

Heescht dien Neien Monti?

Nee, sou sot hien selwer!

Heescht dien Neien Katainen?

Nee, sou sot hien selwer!

Heescht dien Neien Juncker?

GeNee, sou sot hien selwer!

D' Litanei vum 13ten Juni. Hei sinn d' Äntwerten. Wat war schonn méi d' Fro?

Een Ligener muss ee gutt Gediechtnes hunn (Schéifer Misch  vun Aasselbur)

Ass dat do een Péckvillchen? Ma neen, Dir gesitt dach, dat ass den Stadter Tram. (1) Photo Scharly, ca. 1904.

Dat der wësst, dien hei weess vun Näischt,

Och wann alles vum Heeschnapp kräischt.

Nach eng Kéier, Ech war et nit,

Et war dach hien, wéi der jo gesitt.

Jiddwereen mécht dach sou Saachen.

Kuckt 'mol wat déi aner maachen.

Ech hunn mir näischt virzewäerfen,

Dien Mätsch war ënnert den Chefen.

Den Chef huet mech dat gefrot,

Dunn hunn Ech eben jo gesot.

Ech sinn just eng éierlech Haut,

Déi gären een Stadion baut.

Mir ass den Dengen onbekannt,

Ech hunn do keng Fangren verbrannt !

Mat deeër Fro mäin léiwen Här,

Violéiert Dir de Tsoekree Bancaire.

Een Stadion an der Tsoon Waertt?

Dat wär awer eng ganz schéin Maertt!

Ech sinn schwäirosen, elo geet et duer,

Soss gëtt mat Iech op d' Geriicht gefuer!

An Ech verbidden mir dat do !

Wéi war am Fong schonn méi deng Fro?

(1) Iech kann een awer elo guer nit beléien. Selbstverständlech ass dat keen Tram, mee een wëllen Untert mat enger langer Nues.

Tsing-Tsing an der Tseitung.

Ass dat do een Péckvillchen? Ma neen dat sinn Tswou Peking Ducks. Photo: 與

Frot den Här Wu Bangguo vun Beijing,

Wat halt Dir dann vun Zing-Zing, (1)

Dann seet dien Iech schonn dat ass Formosa,

T' ass den Domaine vun der Famill Mosar.

Well eis Ministren all an China sinn,

Huet sech de Laurent alt mussen hierginn,

Fir den Här vun Beijing gutt z' empfänken

An fir him och giedlech  瘤胃 ze schwenken.

D' Wort huet schéin alles rapportéiert,

De Laurent huet mam Gaascht poséiert,

Hien huet gemengt dien wär och vun Taipeh

An mat deenen hirem Fliger ënnerwee.

China Airlines sinn jo vun Formosa,

T' ass den Domaine vun de Famill Mosar.

An do gëtt d' Saach awer ee bësschen domm:

Se sinn an den falschen Fliger geklomm.

D' Wort weist eng faarweg Foto vun der Pann, (2)

Am falschen Fliger sëtzt lo eisen Mann,

Den Här Wu Bangguo ass ënnerwee,

Ouni et ze wëssen, fir op Taipeh!

(1) 10-10 oder Double Ten, National Feierdag vun Formosa (Taiwan)

(2) http://tinyurl.com/6om3gsb

XY man Zodi um Eecherfeld

Ass dat do een Péckvillchen? Ma nee, Dir gesitt dach dass dat zwéin Sträit Hunnen sinn! Photo ET.

XY man Zodi um Eecherfeld

All gudden Mathematiker ass frou,

Wann hien iergendwéi an iergendwou,

Eng schwéier Equatioun ze léisen huet,

An séif et eng aus dem Gemenge Buet.

Am Buet goung Rieds vum Ix an Igrec,

Den Igrec dien setzt elo fatzeg am Dreck,

Well den Gauthier huet dem Ix gesot,

"Wéi goung déi Schmot duerch den Gemengerot?"

Dank dem Wort wësst Dir den Ix ass den Xaaf,

Deem ass eppes iwwert d ‘Liewer gelaf.

Et ass eng “Luxusvilla” um Eecherfeld,

Déi dem Buergermeeschter guer net gefält.

An Dir verstitt, den Igrec ass den Yves,

Dien ganzen Zodi mécht dien schéin mief.

Hien seet: “an wat Ech schonn guer net verstinn,

Däin Pätter hat mer d’ Genehmegung ginn!”

Am beschten hält een sech do ganz bedeckt,

An t’ sicht een sech een aneren Architekt.

Een neien Plang trefft den Kapp op den Nol,

A fort e geet, dien ganzen Protokoll.

Verstitt, den Igrec hat eng horribel Woch,

Den Ix setzt hien einfach an den Duerchzoch,

An den JC huet den Hollande verpaaft,

An Frankfurt fir drësseg Euro verkaaft.

Yves, ee gudden Rot, trau elo kengem méi,

Maach grad wéi Ech mat mengem Daach vun Stréi.

Soss bauen déi Dir riets ee Velodrom,

An op der an’rer Säit ee Stadion.

D' Lag vun der Natioun.

Ass dat do den Péckvillchen? Ma nee, dat ass een Spiecht. Photo ET.

D' Lag vun der Natioun.

De Juncker huet mer deeër Deeg  een gesot:

"Ech sinn esou vill mam Euro geplot.

Kanns Du mir nit eng ganz kuerz Ried opdreiwen,

Fir d' Lag vun der Natioun ze beschreiwen?"

Wann' s Du d' Lag vun der Natioun wëlls wëssen,

Dann brauch een do nit laang ze schnëssen.

An engem Wuert, an dat ass een Adjektiv:

Eiser Natioun hir Lag déi hänkt ganz SCHIEF.

Ee gudden Hunn flitt mat der Kluckseër? (2). Macht dat Helmingair.

           Ass dat hei een Péckvillchen? Nee, dat ass een Osprey mat dem Presidenten Knëppel fir d' Nascht propper ze kréien. Photo: ET

Wat hat Ech mech dann elo trompéiert! (1)

Obwuel dat do keen sech vill drun stéiert.

Ech sot de Finck dien wär elo d' Luxair,

An duerfir wär dat dann elo d' Kluckseër.

Dat alles huet sech awer geännert,

Et gouf vill iwwer déi Saach geklennert.

De Problem ass all déi Kumulanten,

Richen ëmmer méi nom Verbrannten.

Keng Angscht, de Finck bleift trotz allem am Nascht.

Et huet nëmmen ee Guckuck dran gefascht.

Do koum een am Sprint gerannt vun hannen,

A geet lass wéi déi Wëll op d' Banannen.

D' Iwerraschung haelt sech nach a Grenzen,

Een Turban flitt we'int den Turbulenzen.

Mee wien d' Aerodynamik versteet,

Dien weess, Ech waarden bis dat de Wand sech leet.

Den Pol huet guer näischt mam Qatar ze dinn,

T' muss een Hien als Indépendant gesinn.

Hien leed lo d' Geschécker vun der Luxair,

Aus der Kluckseër maachen mer d' Helmingair.


(1) http://peckvillchen.blogspot.com/2012/02/ee-gudden-hunn-flitt-mat-der-kluckseer.html