Den Spoun neien Spëtzekandidat ass keen Spunt !

Ass dat do een Spatz oder den Spéckvillchen? Keen Spoun ! Och 
keen Osprey! Dat ass een Spiecht. Photo ET

Den Spoun neien Spëtzekandidat ass keen Spunt !

Spiglein, Du däitscht Blat, wien ass Spëtzekandidat?

D’ Leit son den Ex-Chef vum Spëtzel Déngscht, dien wär dat.

An d’ Spatzen spekuléieren vun den Diecher,

An d’ Spottvullen spannen am ieweschten Späicher.

Wéi et schéngt soll d’ Madame vun Spandau Sponsor sinn,

An dass souguer d’ Spuenier am Spaléier stinn.

D’ Griichen zu Sparta feieren den Spektakel,

An zu Spa kritt en ee Spekulos, an eng Fakel.

Een Spezial Jonggesellen Owend zu Paräis,

T’ gouf Spargel, gespickt mat Speck um Spiiss mat Anäis,

Spéider dunn eng Spiral Spaghetti zu La Spezia,

D’ Spëtzekandidaten sprinten wéi bei der Spora.

Een Spëtzbouf am Spiegel sot, dien spullt sech den Kolli,

Hien géing spritzen and dämpen wéi den Stromboli.

Spiounen stëppelen, t’ geet Rieds iwwer d’ Spatzeg Nenn,

Bis owes spéit sinn se am gaang ze spëttelen.

An esou ginn Spott an Spréch gesponnen am Spendel,

Den Spëtzekandidat ass pickeg wéi eng Spéngel.

Hien drénkt näischt, spréngt an den Euro-Kuddelmuddel,

Vläicht eng kleng Spackelter, mee soss nëmmen Spruddel.