Een Hologram an der ëmgetippter Béierkëscht

Ass dat do den Péckvillchen? 

Ma nee, dat ass een Hologram dien dernieft gaang ass. Photo ET

Een Hologram an der ëmgetippter Béierkëscht

Et mengt een der KPMG hiert neit Gebai,

Wär gebaut ginn vun der Boufferdéng’ s Brauerei!

Suggestiv, flott, nom Modell vun der Béierkëscht,

Wien KPMG seet, dien gläich no Béier glëscht.

Esou een Gebai gëtt natierlech ageweit,

An duerfir gëtt sech och schéin an d’ Käschten geheit.

Jenny an Menny sin geruf an och komm,

Just den Bettel huet gefeelt, dat goung awer domm!

Mee KPMG ass een groussen Hexenmeeschter,

Op eemol am Sall war alles däischter,

An Hokus Pokus, ass dat den Michael Jackson?

Nee, t’ ass den Bettel an den lackenen Schong.

Als Hologram flackert hien an der Däischtert,

An mat Recht freet hien sech wéi een klenge Näischtert!

Mee den Péckvillchen gesäit direkt den Ënnerscheed,

Wann et em t’ Zouknäppen vum Paltong geet.

Ah jo, lauschtert Dir léif Leit aus Haut a Schank,

Dien Trick hei huelt Dir roueg mat op d’ Bank:

Dir knäppt den Paltong vun lenks no riets,

Beim Hologram ass et ëmgedréint wéi’ s De fiers.

Do kommen awer elo rechtlech Froen op.

Soen mer den Bettel als Hologram hätt keng gutt an der Kopp.

Ass den richtegen Bettel dann responsabel?

Kann hien mat sech selwer streiden wéi Kain an Abel?

Als Äerzbëschof géing Ech mer Suergen man.

Well d’ Konventioun mam Staat geet vläicht an d’ Aen!

Huet Deen dann lo mam virtuellen Bettel ënnerschriwwen?

Oder mengt Dir meng Angscht wär iwwerdriwwen?

Eppes Guddes léif Leit wär awer,  stellt Iech vir,

Bei deem Sauwieder geet jo keen virun d’ Dir!

Wéi wär et wann een fir eng Zäit d’ Land ausschalten géif?

An et a Florida zréck geschalt géif: Palmen an Rouden Léif. 

Trennung vun der Juegd an vum Renert

Ass dat do den Péckvillchen? Ma nee, dat ass dem Renert saïn Mononk. Photo ET

Trennung vun der Juegd an vum Renert

T’ war sou ëm d’ Fuesent, am Uewen potert d’ Feier,

Déckt Äis deckt den Biekerecher Milleweier.

Hannert dem Kuelebierg schéissen se dass et klaakt.

T’ géing een bal mengen et wär een zu Stalingrad!

Ausser Otem koum den Renert bei den Cam gelaf,

"O Kammill" sot en, "Ech war elo bal am Graf!

Déi do schéissen sinn déi mat den dréchenen Longen,

Do kanns De kucken, mee do fënns De keen Bongen."

"O Kamill, fir mech bass Du den Rouden Léif!

D’ Leit soen, et ass nëmmen hien dien epps maachen géif.

Well den gréngen Baosh, dien ass jo och nie hei,

All schéinen Dag rennt dien jo erëm op Shanghai."

"Dir wëllt jo den Isegrim rëm aféieren,

Kann een sou géint den Fuuss diskriminéieren?

O Kamill wanns Du sees, d’ Juegd op de Fuuss geet lo duer,

Dann weisen Ech Der eng nei Quell am Mëlleschbour."

"Ma, Fiisschen, Ech verstinn an Ech hëllefen do gär,

Mir maachen Dech souguer direkt Staatssekretär.

Den versoffenen Rousekranz mécht eis ze schafen,

Dann bass Du mat äis, géint d’ Jeeër a Pafen."

Le Peckvillchen pleure de rage !!

Le Peckvillchen pleure de rage !!

Lëtzebuerg! Dat frëndlecht Land.

Ass dat do den Péckvillchen? 

Ma nee, dat ass een Anchois. Photo Pizza Hut

Lëtzebuerg! Dat frëndlecht Land.

Zu Bréissel hat den Xav eng Pressekonferenz,

An all Fro krut zwou Äntwerten wéi aus der Strenz.

Dir wësst jo, hien hat dach schonn ëmmer gesot,

An seet et och nach, wann Dir nach eng Kéier frot.

Den Péckvillchen hat dien Dag keng gutt an der Kopp,

Bei den Mikroen läit een Telefon virop,

Do schellt den Péckvillchen, an den Xav hieft dunn op,

“Hei den Lëtzebuerg vun Bettel, wien ass do drop?”

“Ma den Péckvull, Ech bestellen gär eng Pizza,

Mat Pepperoni, Tomat, Kéis, mee keen Anchois”.

“Oh, Maître” sot den Bettel, an domat Fritten?

D’ Belsch fron een Waffeschäin, wéinst den Terroristen!”

“Wësst Dir wat, Ech ginn Är Commande op Lëtzebuerg,

Do man mir keen Gedeessems, maacht Iech do keng Suerg.

Ah, Dir mengt do wär d’ TVA elo méi héich?

A wéi wär et dann wann Der do een Ruling kréicht?”

“Oh, Xav, villmools Merci” sot den Péckvillchen dunn,

“Gutt dass een an Lëtzebuerg Vertrauen kann hunn!”

Dat war Néischen Bränding! Der Press stoung den Verstand!

An den Slogan ass: Lëtzebuerg, dat frëndlecht Land.

Et gëtt keen dout gespuert, am Géigendeel, sou d’ Maggy Nagel

Ass dat do den Péckvillchen? Ma nee dat ass een Nol. 

Photo Cercle Artistique

Et gëtt keen dout gespuert, am Géigendeel, sou d’ Maggy Nagel

Et gëtt keen dout gespuert, am Géigendeel, ass d’ Wuert.

Déi Doudeg ginn also erëm lieweg gespuert.

Dat ass jo phantastesch laut deeër Iwwerschrëft!

Mee geféierlech wat d‘ Kulturschaffend betrefft.

Hiren Avenir dien jo an der Zukunft läit,

Ass dann den Ufank vun enger ganz neier Zäit.

Wëll all déi Doudeg ginn jo dann Konkurrenten,

An déi Lieweg bezuelen och nach hir Renten.

D’CSU steet voll hannert dem Juncker

Ass dat do den Péckvillchen? Ma nee, dat ass een Kommissar op der Ronn.
Photo Péckvillchen 

D’CSU steet voll hannert dem Juncker

Zu Nürnberg bei der Chrëschtlecher Solper Unioun,

War den Péckvillchen Zeien, verkleet als Spioun.

De leschten Mann dien stoung, dat war eisen Juncker.

Déi aner louchen op hiren Still an hunn geschunkelt.

Den Juncker hat nach vun Luxleaks seng Schlappen naass,

An Schweinshax zwëscht den Zänn, dat war zwar och keen Spaass.

Mee hien sot näischt vun Luxleaks, hien blouf dicht.

Der Apfel fällt nicht weit vom Krug, bis den Stamm er bricht.

Hien sot Lëtzebuerg wär kleng, mee Bayern wär grouss,

Wann Bayern méi kleng wär, géingen déi och zu Fouss.

Sou sot saïn Papp, dien hätt hien Europa geléiert,

D’Barbara klatscht, den Rescht huet sech emmerdéiert.

D‘ Leit hunn verstan, de Juncker schwëtzt lo méi mam Putin,

Well jo nach nie een an der Wehrmacht wollt sinn.

An den Euro wär keen Rubel wert ouni den Waigel.

Deemools war jo den Festriedner nach den Bourvil.

Den Lunghi an den Vogel, am Krich vun den Kulturen

Ass dat do den Péckvillchen? 

Ma nee, dat ass dem Picasso seng Friddensdauf. Photo ET

Den Lunghi an den Vogel, am Krich vun den Kulturen

Den Lunghi huet sech den Gast laang op d’ Long gezunn,

An elo houscht den gudden Mann, dann huet en dat dervun.

An deem Streit mam Muhdam vun der Agri Kultur,

Stinn Péckvillchen an Vogel an fir d’ Avi Kultur.

Den Maître Vogel ass jo Stad- an landbekannt,

An den Péckvillchen ass saïn Fligeladjutant.

Duerfir ass den Péckvillchen nach ëmmer sou opbruecht,

Well am Muhdam huet den Ortiz een Fligel geschluecht.

Zum Gléck huet den Picasso eng Rei Kéi geschaaft,

Hätten mer dach esou epps fir den Muhdam kaaft!

Kéint den Péckvillchen sech dach d’ Friddensdauf leeschten!

An esou engem Krich hëlleft déi am meeschten.