Den Trump ergëtt sech dem Juncker an dem Wiff.

PECKVILLCHEN

Den Trump ergëtt sech dem Juncker an dem Wiff.

D’ Wäisst Haus zu Washington gesouch ganz rout,

Well Arcelor-Mittal am Ohio wär bal dout.

Den Trump schléit erëm eng Kéier den Kapp op den Nol,

Mat enger Steier op Lëtzebuerger Eisen an Stol.

Well all Kaff op der Welt kacht elo Stol,

An verkeeft dann eng Dunn zum Präis vun engem Nol.

“Abbé” sot den Juncker, “dass keen dat vergësst,

Dann besteieren mir eben seng Afennëss.”

“An saïn Whisky, Harley-Davidson, den Whisky,

Ketchup, an nit ze vergiessen och den Whisky.”

“Ma hal dach op,” sot d’Wiff, “Ech war jo laang derbäi,

Du kriss dach als Kommissar däin Whisky steierfräi!”

An schonns hält do eisen Mann den Patt an Éieren,

Mee léisst sech vum Brigitte Bardot heemféieren.

Hatt an hien sangen um Motorrad zu spéider Stonn:

“Je n’ai peur de personne sur mon Harley Davidson!”

Sie hunn den Hollande op senger Mobilette iwwerholl.

Wéint dem Trump katzt dien saïn integralen Helm ganz voll.

Passt op, op den Bausch op zwéin Vëloen nieweneen,

Ouni Lutepotoen an der Nuecht gesäit hien jo keen.

Arcelor Mittal sot, “ma Wiff, hal elo nëmmen op,

Soss stees De nach am leschten Artikel vum Feierkrop.

Zu gudder Enn mécht den Trump wéi mir mat Amazon,

Guer keng Steier fir äis aner an der Eurozon.”

Der, die, das - den Tram ass Transgender

Eng Péckvillchen Diskussioun

Der, die, das - den Tram ass Transgender

Erënnert Dir Iech, an der gudder aler Zäit,

Déi jo laut Colette Flesch an eisem Passé läit,

Deemools soten mer dach, kommt mir huelen den Tram.

Den Tram war männlech, mee haut ass hien eng Madame.  

Luxtram seet: “Die Tram fährt”, dann “un tram pour la ville”.

Den Péckvillchen fäert dat wär dees Gudden ze vill,

Dir wësst jo den Péckvillchen ass een Philolog,

Hien schreift jo vill Monolog op sengem Blog.

Abbé, Dir gesitt dach, eis Sprooch huet changéiert,

Den Accent gouf mëll and d’ Grammaire massakréiert.

“Ësch erënneren mësch” seet een op RTL,

“Maestro” seet mäin Noper, “dat ass sech den fröhlich Well”.

Das macht die Gewohnheit, die Macht der Gewohnheit,

Die, der, das, dem, den gëtt duercherneen gehait,

Meng Nopesch d’ Tram Van Nguyen ass eng richteg Dame,

Och Sie seet: “komm d’ Péckvillchen mat mech an déi schéin Tram.”

An mäin Schwoer jodelt: “In d’r Schwyz hei mer das Trämli”

An den Juncker seet: “Dat reimt jo mat die Pflümli!”

An iwwerhaapt huet hien nie keng Tram gewollt,

Well déi, oder dien ass jo ëmmer nëmmen hallef voll.

401.811,5 Leit schwëtzen dat neit Lëtzebuergesch,

Nach een klengen Hoff dann klengt et wéi Daitsch,

Dann sinn mer zu 90 Milliounen mat eiser Sprooch,

“O wéi süß” sot die Ramponi an das UNESCO.

Dann gëtt Lëtzebuergesch an der Kommissioun geschwat,

An et gëtt an all déi aner Sproochen iwwersat.

An mir sangen op d’ Weis vun die Tram die rallala,

Op der Wies’n zesummen mat das Angela.

Den Juncker huet den Tramsführerschäin nit gepackt.

Gläichgewiicht

Den Juncker huet den Tramsführerschäin nit gepackt.

Den Jean-Claude Juncker hat sech schonn sou Drëpp gefreet,

Den Tramsführerschäin wär fir hien eng Klengegkeet
. 

An der Pensioun wär hien nëmmen méi Tram gefuer,

Well d’ Schinnen halen jo den Vollsten an der Spuer.

Do kënnt hien dann all deenen Kreckéiler weisen,

Wéi hien d’ Riicht kann halen, op der Strooss vun Eisen.

An frot dann ganz roueg no allen Sai-aiten hin,

Néierens kann een eidel Glieser gesinn.

Hei klëmmt en aus dem Auto wéi ’s De jo gesäis,

Wéint Schlag Säit ass en um rouden Teppech entgleist,

En krut dunn extrem riets den Kulang ze paken,

Fir dem Jury eng naass Bees op d’ Stir ze klaken.

Wéi den Jury sech dunn endlech gedréchent hat,

Huet déi Entgleisung sech iwwerall erëm geschwat,

D’ Examenskommissioun sot: “dien do ass schief geluet!”

Drop schléit den Juncker un wéi den Gemenge Buet.

Den Donald (dien aneren) sot: “O frextenit”!

“An dem Zoustand verhandelt hien och den Brexdenit”,

“Mee mir wëllen stolz den No-oper weisen:

“Keen Führerschäin fir Leit déi um Teppech entgleisen!”

Den “Drinking Juncker” gëtt dem Donald gär Nostonnen!

My Orchids.Cattleya Donald Trump

Den “Drinking Juncker” gëtt dem Donald gär Nostonnen!

Dem Donald seng Wahl schloug an wéi een Donnerschlag,

Juncker an Hillary hunn eng solpereg Nidderlag!

Virum “Crooked Hillary” louchen der schonn méi op der Touche,

Den “Lying Ted”, den “Klengen Marco” an den “Midden Bush”.

Keen Sambuca kann den Drinking Juncker tréischten.

Als éischten klot hien: “Den Donald ass een Wéischten,

An dien brauch zwee Joer fir d’ Welt ze verstoen,

An iwwerhaapt, dien Mann kann mol keng Drëpp verdroen.”

Hien hätt och gesot Bréissel wier eent schéint Land!

Ma Jean-Claude, dat weess jo awer och all Kand,

Das d’ Belsch aus Flandern, Bréissel an Wallonie besteet,

An dass zwëschen deenen Länner eng Mauer opgeet!

“Den Smoking Jean-Claude weess rëm nit wou en ass”

Huet dunn den Trump getweet. “Ech halen him dach den Bass!

Wann Ech elo eriwwer kommen fir den Brexit ze feieren,

Fëmmen Ech den Juncker, an dann bezilt en och mol Steieren.”

Den Trump kënnt op Lëtzebuerg, den Juncker ass nieft dem Kapp.

Hien tweet souguer, “den Trump kritt ee Kuss beim Empfank am Trumpsschapp.

An beim Digestif stréilen Ech seng schéin Pareck.”
Den Trump tweet: “den Smokin’ Drinkin’ Juncker ass een Geck!”.

De Juncker huet eng schéin am Been!

Hal Dech riicht.

De Juncker huet eng schéin am Been!

De Juncker sot am Interbrew, öh, Interview,

“Dien hei deen drénkt näischt, a wann, dann Oranschenenjü.”

An déi Wierder do waren aus der Panz geschwat.

An déi war voll, an nit nëmmen mat Limonad.

Hien sot wann hien emol wackeleg do steet,

Oder wann en am Zickzack duerch d’ Weltgeschicht geet,

Dat kéim vum Accident mam Brauereiskamion,

An duerfir kann hien véier Glas Schampes eraschloen.

Am Pëtz do sëtzt de Kropemann, nei Versioun.

Ech gesinn den Pokemon mat senger Kropestaang. Photo CE - ET

Am Pëtz do sëtzt de Kropemann, nei Versioun.

Zu Bréissel déif am Pëtz do sëtzt de Pokemon,

Am Fong, Dir kënnt den Jean-Claude jo selwer froen:

An sengem schwaarzen Buch do steet all Fra an Mann,

Déi den Jean-Claude iergendwéi nit gebrauchen kann.

All déi hien iergendwéi getufft hunn stinn do dran,

Sou liest een an der englescher Zeitung “Sun”. (1)

Déi seet E géing laueren mat der Kropestaang                                

Bis dass en all Mëssetäter - jupps - huet gefaang!

Dier kënnt Him hëllefen déi Veruecht ze  fannen:

Pokemon heescht d’ Spill, t’ ass nit nëmmen fir Kanner.

Dier musst den Marco Mille fänken mat der Auer,

An den Péitchen Lauer mat senger Schnauer.

D’ Lëscht ass laang: den Bettel mam Dolch im Gewande,

Dem Jean-Claude saïn offiziellen Portrait vum Brandy,

D’ Wéiwesch Kett dat mam Vëlo ëmmer d’ Virfahrt hëlt,

An den Pater Josy dien d’ Salzdëppchen nie nofëllt!

Och den Marius Kohl dien den Lift nit ophält,

Den Frieden dien engem als onbescheiden opfält.

Den Grand-Duc dien deemools nit wollt ënnerschreiwen,

An den Digestif, well dien geet ëmmer un d’ Schléiwen. 

Nit ze vergiessen, den Kemmer mam Resümee,

An d’ Kreckéiler aus der Chambre des Députés,

D’ Trapen Siss dat sot hien kinnt keen Auto fueren,

An den Privat dien sot hien misst mam Fliger spueren.

Och am Ausland, den Hollande dien  keng Bees wëll hunn,

Den Cameron dien seet hien wär een Méckenkrunn.

Keng Aluedung op d’UNO vun deem Ban Ki Moon,

Dien kënnt an d’ schwaarzt Buch am Pëtz bei den Pokemon.

(1)    Et war eigentlech “The Telegraph”, mee dat reimt nit.

Juncker phone home

Allo? Ass do den Yoda do?

Juncker phone home

Zu Stroossbuerg, et war esou just nom Digestif,

Souz den Juncker am Parlament wéi een Kalif.

Den Hemicycle huet sech am Krees gedréint,

Well den Brexit een jo duerch enaner bréngt.

D’ Mammenschëff hat hien elo grad eran gebeamt.

Um groussen Schierm goufen Videoen gestreamt.

Do gesäit een wéi den Juncker gutt voll getankt,

Mam Dr. Spock seng intersideral Reesen plangt.

Hien flitt an enger Heintz Van Landewycks Wollek,

An wénkt nach Äddi dem Lëtzebuerger Vollek.

En päift duerch d’ Loft mat sengen Astronauten,

An fort e geet, den Executor Hans-Klautchen.

Seng Rees op Uranus, déi geet an d’ Analen:

D’ Éiereguarde sinn Klonzaldoten mat Sandalen.

Den Accueil mécht d’ Prinzessin Leia Organna,

Stécht do d’ Kinnigin Asteroid dohanna (1)?

Den Darth Vader kritt eng an d’ Schnëss, flang op den Mask,

Mee den Jango kritt eng säfteg Bees op den Casque,

Dem Han Solo fummelt en un der Krawatt,

An d’ Madame Imperator knutscht en mat der Patt.

Den Grof Dooku vernennt en den Diktator,

Dem Chewbacca fiert en iwwert d’ Panz wéi een Trakter.

An dann reift den Juncker dem Jabba seng Glatz,

Den Luke Skywalker huet vun deem ganzen den Latz.

  

Vergiesst Är Ried nit, fir elo schwätzt den Juncker,

Iwwer Planéiten an saïn Kommando Bunker,

D’ EU wär um Wee an d’ kosmesch Pluralitéit,

D’ Galaktesch Republik gëtt eng Realitéit!

Am Hemicycle ass et dunn ganz roueg ginn,

Se kucken sech verwonnert well se näischt verstinn,

Just d’ Briten kréien een Laachkrämpchen a frot nit wéi.

Dem Juncker seng Geschicht wär nit vun Hee an Stréi!

“Dach, dach”, sot den Juncker, “dien hei kann nit léien,

Ech gesouch OVNIen an Kometen dorëmmer fléien.

Mee wann Der trotzdem, awer een Beweis musst hunn,

Dann ruffen Ech den Groussen Jedi am Uerden un.”

“Allo, jo, ass elo den Jedi Yoda, do?”

“Märtt Jean-Claude, den Yoda gëtt et nëmmen am Kino!

Hei ass dach Spaceresources, den Etienne Schneider,

Zeng Mol den Dag riffs D’un, dat geet nit sou weider!"

(1) Eng nei Riedensart fir "dohanner".
Link: http://peckvillchen.blogspot.com/2016/02/d-kinnigin-asteroid-vun-letzebuerg.html